डोळ्यांचे आरोग्य ते रक्तदाब नियंत्रणात ठेवण्यापर्यंत, जाणून घ्या पालकच्या सेवनामुळे मिळणारे लाभ

Spread the love

निरोगी आरोग्यासाठी आहारामध्ये हिरव्या पालेभाज्यांचे सेवन करणं फायदेशीर असते. पालक सर्वोत्तम आरोग्यदायी पालेभाजी आहे, हे वाक्य तुम्ही आतापर्यंत आजी आणि आईकडून अनेकदा ऐकलं असेलच. पालकमध्ये कित्येक प्रकारचे जीवनसत्त्व, खनिजे आणि अँटी ऑक्सिडंटचा समावेश आहे. ज्यामुळे आपल्या शरीराला पुरेशा प्रमाणात पोषक तत्त्वांचा पुरवठा होण्यास मदत मिळते. साधारणतः पालक कच्चा आणि शिजवून; दोन्ही पद्धतीने खाल्ला जातो. यामध्ये कॅलरीचे प्रमाण अतिशय कमी असते. ज्यामुळे आरोग्य निरोगी राहण्यास भरपूर मदत मिळते. शिवाय रक्तदाबाची समस्याही नियंत्रणात राहते. पालकचे आरोग्यदायी फायदे सविस्तर जाणून घेऊया

आरोग्यासाठी पालकचे फायदे :

पालकमध्ये कित्येक प्रकारच्या पोषक घटकांचा समावेश आहे. जे आपल्या फिटनेससाठी आवश्यक आहेत. नियमित स्वरुपात पालेभाज्यांचे सेवन केल्यास कित्येक गंभीर आजार दूर ठेवण्यात मदत मिळते.
(चालण्याचा व्यायाम कोणत्या वेळेस करणं आरोग्यास असते अधिक फायदेशीर? जाणून घ्या)

​डोळ्यांसाठी फायदेशीर

पालकमध्ये ल्युटिन आणि जॅक्सेंथिनसह कित्येक संयुगांचा समावेश आहे, जे आपल्या डोळ्यांच्या आरोग्यासाठी लाभदायक असतात. संशोधनातील माहितीनुसार, ही संयुगे मॅक्युलर डिजनरेशन आणि मोतीबिंदू यासारख्या आजारांचा धोका कमी करण्यास मदत करतात. तसंच यापासून सूर्याच्या हानिकारक किरणांपासूनही डोळ्यांचे संरक्षण होते. या पालेभाजीमध्ये भरपूर अँटी ऑक्सिडंट देखील आहेत, ज्यामुळे कॅन्सरसारख्या गंभीर विकारांचा धोका कमी होतो.

(अक्षय-ट्विंकलच्या घराला दिलेली डिंपल यांची पहिली भेट ‘या’ पदार्थामुळे चांगलीच राहिली आठवणीत)

शरीर फिट राहण्यासाठी

पालकमध्ये फायबरची (Soluble Fiber) मात्रा अधिक आहे. जे आपल्या आरोग्यासाठी अतिशय फायदेशीर असते. यामुळे आपले शरीर फिट राहण्यास मदत मिळते. सोबतच रक्तातील शर्करा देखील नियंत्रणात राहते. पालकमधील फायबरमुळे आपली पचन प्रक्रिया सुरळीत सुरू राहण्यास मदत मिळते.

(ऑफिसमध्ये किंवा कमी जागेत पवनमुक्तासन कसे करावे? जाणून घ्या डॉक्टरांनी सांगितलेली पद्धत)

ज्यामुळे बद्धकोष्ठतेची समस्या निर्माण होत नाही. योग्य प्रमाणात पालकचे सेवन केल्यास वारंवार भूक देखील लागत नाही. यामुळे शरीरात अतिरिक्त चरबी जमा होत नाही. महत्त्वाचे म्हणजे पालकमध्ये कार्बोहायड्रेटचे प्रमाण कमी आहे.

(इंटरव्ह्यू आणि परीक्षेला जाण्यापूर्वी तुम्हालाही ‘हा’ त्रास होतो का? जाणून घ्या कारण)

​पालकमधील पोषकतत्त्वे

पालकमध्ये पुरेशा प्रमाणात व्हिटॅमिन सी, बीटा कॅरोटिन आणि कित्येक प्रकारच्या अँटी ऑक्सिडंटचा साठा आहे. हे घटक आपल्या शरीरासाठी पोषक आहेत. पालकमध्ये कॅल्शिअम देखील आहे, ज्यामुळे आपली हाडे बळकट राहण्यास मदत मिळते. नियमित योग्य प्रमाणात पालकचे सेवन केल्यास तुमच्या आरोग्याला असंख्य लाभ मिळू शकतील. केवळ पालकचे किती प्रमाणात आणि कशा पद्धतीने सेवन करायचे आहे, याबाबत आहारतज्ज्ञांचा सल्ला घेणे आवश्यक आहे.

(Health Care Tips न्युट्रिशनिस्टकडून जाणून घ्या कोणते डाएट फॉलो केल्याने दूर होईल डिप्रेशन)

​रक्तातील शर्करा नियंत्रणात आणण्यासाठी

पालकमध्ये भरपूर प्रमाणात नायट्रेट असते. हा घटक रक्तातील शर्करा नियंत्रणात ठेवण्याचे कार्य करते. ज्यामुळे हृदय विकारांचा धोका कमी होतो. संशोधनातील माहितीनुसार, पालकच्या सेवनामुळे हृदयाचे आरोग्य निरोगी राहण्यास आणि हृदयाशी संबंधित आजार दूर राहण्यासही मदत मिळते.

(Global Hand Washing Day शेकडो वर्षांपूर्वी सुरू झाली होती स्वच्छतेची मोहीम, आजही ठरतेय प्रभावी)

​शरीर राहते हायड्रेटेड

सर्व अवयवांच्या प्रक्रिया सुरळीत सुरू राहण्यासाठी आपले शरीर हायड्रेट राहणं अतिशय आवश्यक आहे. पालकच्या सेवनामुळे सांध्यांचे आरोग्य निरोगी राहते तसंच संपूर्ण शरीराला पोषण तत्त्वांचा पुरवठाही होतो. पालकमध्ये पाण्याची मात्रा भरपूर आहे, ज्यामुळे शरीर हायड्रेट राहण्यास मदत मिळते. नियमित पालकचे सेवन केल्यास मानसिक आरोग्यासही लाभ मिळतात.

(भूक लागल्यानंतर या ३ सूपचा घेऊ शकता आस्वाद, जाणून घ्या ही माहिती)

NOTE आपल्या आहारामध्ये कोणत्याही पदार्थांचा समावेश करण्यापूर्वी तसंच बदल करण्यापूर्वी ओळखीच्या आहारतज्ज्ञांचा तसंच डॉक्टरांचाही सल्ला घ्यायला विसरू नका.

(पचनाशी संबंधित समस्येमुळे त्रस्त आहात का? कोणत्या वेळेस ताक पिणं ठरेल योग्य)

पालक पराठ्याची रेसिपी


Source link

You may also like...

Leave a Reply

Your email address will not be published. Required fields are marked *