तुमचं मुल सतत आजारी पडतं किंवा कमजोर आहे? मग सेलिब्रेटी डाएटेशियन ऋजुताच्या ‘या’ टिप्स करा फॉलो!

Spread the love

सेलिब्रेटी डाएटिशियन (celebrity dietitian) खास करुन करीना कपूरची (kareena kapoor) वैयक्तिक डाएटिशियन असलेल्या ऋजुता दिवेकरने (rujuta diwekar) असंख्य बॉलीवूड स्टार्सचं वजन चुटकीसरशी कमी केलं आहे. सोशल मीडियावर देखील करोडो लोक फिट राहण्यासाठी ऋजुता दिवेकरला आणि तीने दिलेल्या टिप्स कटाक्षाने फॉलो करतात. पण यावेळी ऋजुताने मोठ्या माणसांसाठी नाही तर लहान मुलं आणि तरुण मंडळींना फिट राहण्यासाठी काही खास आरोग्यवर्धक डाएट टिप्स (diet tips or diet plan) दिल्या आहेत.

जर तुमची मुलं देखील वाढत्या वयात असतील तर आतापासूनच तुम्हाला त्यांच्या खाण्यापिण्याची व्यवस्थित काळजी घ्यावी लागेल. कारण या काळात त्यांना खाऊ घातलेला पोषक आहार त्यांना पुढील आयुष्यात म्हणजेच भविष्यात अत्यंत फायदेशीर ठरेल. चला तर जाणून घेऊया ऋजुता दिवेकर मुलाच्या सुदृढ व निरोगी आयुष्यासाठी आई-वडिलांना काय टिप्स देते आहे.

रोज एक फळ द्या

आपल्या मुलांना सकाळच्या नाश्त्यासोबत किंवा दिवसभरात कधीही एकदा ताजं फळ नक्की द्या. जर तुमचं मुल फळं खाण्यास टाळाटाळ करत असेल तर त्याच ताज्या फळांचा त्यांना ज्यूस किंवा मिल्कशेक बनवून द्या. ताज्या फळांमध्ये विविध प्रकारच्या व्हिटॅमिन्स आणि पोषक तत्वांचा समावेश असतो जे की लहान मुलांच्या चांगल्या वाढीसाठी अत्यंत गरजेचं असतं. फळांमध्ये फायबर असल्यामुळे पचनक्रिया देखील सुरुळीत पार पडते. पचन योग्य पद्धतीने झाल्याने अॅसिडीटी, गॅस, अपचन यासारख्या समस्या दूर होतात.

(वाचा :- गेल्या चार वर्षांपासून आमिर खानची मुलगी आहे डिप्रेशनमध्ये, ‘ही’ असतात तरूण मुलांमधील डिप्रशनची लक्षणे!)

लंचमध्ये द्या संपूर्ण आहार

लहान मुलांना आहारात डाळ, भात, राजमा, छोले असे पौष्टिक पदार्थ देऊ करा. जेवल्यानंतर त्यांना घरी बनवलेलं ताक नक्की द्या. या प्रकारचा आहार मिनरल्स, प्री आणि प्रो बायोटिक्स, अमिनो अॅसिडने परिपूर्ण असतो, त्यामुळे लहान मुलं असा आहार सहजपणे पचवू शकतात. तसंच मुलांना दह्यामध्ये काळे मणुके मिक्स करुन देणं अतिशय लाभदायक असतं. यामध्ये व्हिटॅमिन बी १२ आणि आयरन असतं, जे हार्मोन्स लेवन संतुलित ठेवतं आणि थकवा येऊ देत नाही. अर्थात शरीरातील उर्जा शाबुत राहते.

(वाचा :- सणांदरम्यान मुलांची रोगप्रतिकारक शक्ती वाढवण्यासाठी न्‍यूट्रिशनिस्‍टने दिल्या साध्यासोप्या टिप्स!)

पाकिटबंद पदार्थ देऊ नका

फॅंसी पॅकेटमध्ये मिळणारे अर्थात पाकिटबंद पदार्थ तुमचं आयुष्य सोपं जरुर बनवतात पण त्यात असणारे प्रिजर्वेटिव्ह आपल्या मुलाचं आरोग्य धोक्यात आणू शकतात. कोणताही खाण्याचा पदार्थ लाभदायक तेव्हाच असतो जेव्हा तो ताजा आणि केमिकल मुक्त असतो. मुलांना आकर्षिक करण्यासाठी दुकानदार पाकिटबंद पदार्थांमध्ये खेळण्यांचा वापर करतात. त्यामुळे त्या खाऊसाठी पालकांकडे हट्ट करतात व पालकही ५ ते १० रुपयाचा खाऊ त्यांना देऊ करतात. हे पदार्थ चटकदार असतात त्यामुळे मुलंही ते आवडीने खातात पण इथेच आजाराचे मुळ दडले आहे. जास्त काळ टिकावेत म्हणून त्यामध्ये केमिकल्सचा वापर केलेला असतो.

(वाचा :- Navratri : वजन वाढवण्यासोबत मुलांना सुदृढही बनवायचं आहे? मग खाऊ घाला साबुदाण्याचा ‘हा’ पदार्थ!)

चपाती गुळ-साजूक तूपासोबत भरवा

लहान मुलांना दिवसातून एकदा भाकरी किंवा चपातीवर गुळ आणि साजूक तूप लावून खाऊ घातलंच पाहिजे. ऋतु बदलताना तर हे मुलांना खाऊ घालणं अत्यंत गरजेचं असतं कारण यामुळे मुलांचा इनफेक्शन पासून बचाव होतो आणि रोगप्रतिकारक शक्ती देखील मजबूत होते. शिवाय लहान मुलांना गोड पदार्थ आवडत असल्याने ते अगदी चवी चवीने चपाती किंवा भाकरीचा आस्वाद घेतील. कोणत्याही पदार्थापेक्षा भाकरी आणि चपाती मध्ये अधिक पोषक तत्व सामावलेले असतात.

(वाचा :- मुलांना मॅगीऐवजी खाऊ घाला ‘हे’ पौष्टिक व टेस्टी पदार्थ, मिळतील दुप्पट पोषक तत्वे!)

खेळण्यापासून रोखू नका व खाऊसाठी स्टिलचा डब्बाच वापरा

प्लास्टिकचे टिफीन व बॉटल्स दिसायला भरपूर आकर्षक असतात आणि लहान मुलांना आकर्षिक करण्यासाठी तर खास कार्टून व खेळण्यांचा लुक देऊन त्या बनवल्या जातात पण या आकर्षक असणा-या वस्तू आरोग्यास मात्र हानीकारक असतात. प्लास्टिकमधील एस्ट्रोजन केमिकल्स हार्मोन्सला धोका पोहचवतात. त्यामुळे मुलांना प्लास्टिक ऐवजी स्टिलच्या डब्ब्यात खाण्यापिण्याच्या गोष्टी द्या. शिवाय फळे व भाज्या बाजारातून प्लास्टिकच्या पिशवीतून आणण्यापेक्षा कपड्याच्या बॅगमधून आणावं. तसंच मुलांना सतत २४ तास घरात टिव्ही किंवा फोनमध्ये बिझी ठेऊ नये. त्यांना बाहेर घेऊन जाऊन मैदानी खेळ खेळण्याची सवय लावावी. यामुळे त्यांची शारीरिक हालचाल वाढेल ज्यामुळे त्यांची हाडे व स्नायू मजबूत होतील. वाढदिवस किंवा इतर कोणत्या खास दिवशी हॉटेल ऐवजी एखाद्या निसर्गरम्य ठिकाणी पिकनिकला घेऊन जा.

(वाचा :- झोपेत असताना बाळ सतत का हसतं?)


Source link

You may also like...

Leave a Reply

Your email address will not be published. Required fields are marked *