तुम्हालाही नाकातील केस कापण्याची सवय आहे का? ही माहिती नक्की जाणून घ्या

Spread the love

​संसर्ग होण्याचा धोका

नाकातील केस चुकीच्या पद्धतीने कापल्यास किंवा खेचून काढल्यास गंभीर संक्रमण होण्याची शक्यता असते. हेअर फॉलिकल खुले झाल्यास बॅक्टेरिया, दुर्गंध, धूळ- मातीचे कण रोमछिद्रांमध्ये जमा होऊ लागतात. यामुळे नाकामध्ये संसर्ग होण्याची धोका वाढू शकतो.

(DIY Ayurvedic Soap त्वचा उजळण्यासाठी असा तयार करा काकडीपासून घरगुती आयुर्वेदिक साबण)

​डेंजर ट्रायअँगलचे नुकसान (Danger Triangle Of The Face)

-danger-triangle-of-the-face

आपल्या चेहऱ्याच्या एका भागास वैद्यकीय भाषेत ‘डेंजर ट्रायअँगल’ असे म्हणतात. नाकावरील मध्यभागापासून ते ओठांच्या दोन कोपरापर्यंतच्या भागाचा यामध्ये समावेश असतो. या भागातील रक्तवाहिन्या आणि मज्जातंतू आपल्या मेंदूपर्यंत रक्त वाहून नेण्याचे कार्य करतात. नाकातील केस कापताना एखादी चूक झाल्यास या रक्तवाहिन्या प्रभावित होण्याची शक्यता असते. तसंच यामुळे गंभीर नुकसान देखील होऊ शकते.

(Natural Skin Care स्किन केअर रुटीनमध्ये अक्रोडचा कसा आणि किती प्रमाणात समावेश करावा?)

​अर्धांगवायूचा धोका

नाकातील केस चुकीच्या पद्धतीने कापले गेल्यास किंवा खेचले गेल्यास रक्तवाहिन्यांद्वारे मेंदूमध्ये संसर्ग होण्याचा धोका असते. अशा परिस्थिती जर शरीराची रोगप्रतिकारक क्षमता कमकुवत असल्यास संक्रमणाचा धोका वाढू शकतो. संसर्गामुळे रक्तपुरवठा करणाऱ्या वाहिन्यांच्या कार्यामध्ये अडथळे निर्माण होऊ शकतात. यामुळे आपल्या मेंदूवर ताण येऊ शकतो. या समस्येमुळे पक्षाघाताचा धोका निर्माण होण्याची शक्यता असते.

(Natural Hair Care केसांसाठी घरच्या घरी कसे तयार करायचे नॅचरल डाय, जाणून घ्या सोपी पद्धत)

​मुरुमांचा धोका

जर तुमच्या नाकाच्या आसपास मुरुम येत असल्यास वेळीच आपल्या डॉक्टरांशी संपर्क साधावा. यामुळे संसर्ग वाढू शकतो. मुरुमांची समस्या वाढल्यास काही प्रकरणांमध्ये रक्त गोठण्याची शक्यता असते. ज्यामुळे रक्तवाहिन्यांच्या कार्यप्रणालीमध्ये अडथळे निर्माण होतात. या परिस्थितीस वैद्यकिय भाषेत कॅव्हर्नस सायनस थ्रोम्बोसिस असे म्हणतात. ही स्थिती आरोग्यासाठी धोकादायक ठरू शकते. यामुळे छोट्या- छोट्या गोष्टींकडे कधीही दुर्लक्ष करू नये.

(Natural Skin Care मुरुमांच्या डागांमुळे त्रस्त आहात? जाणून घ्या हळद, मध व कोरफड फेस पॅकची माहिती)

यावरील उपाय काय?

चेहऱ्यासारख्या संवेदनशील भागावरील केस कापण्याची चूक करू नये. तसंच नाकामध्ये धारदार वस्तू देखील टाकू नये. नाकातील केसांमुळे तुम्हाला जास्त प्रमाणात त्रास होत असल्यास आपल्या डॉक्टरांशी संपर्क साधावा. तज्ज्ञांनी दिलेल्या सल्ल्यानुसारच यावर उपाय करावेत.

(Natural Hair Care दही आणि केळ्यापासून घरामध्ये कशी तयार करायची हेअर स्पा क्रीम? जाणून घ्या माहिती)

NOTE : आरोग्याशी संबंधित कोणत्याही समस्या उद्भवल्यास सर्वप्रथम आपल्या डॉक्टरांशी संपर्क साधावा. त्यांच्या सल्ल्यानुसारच औषधोपचार करावेत. आपल्या आरोग्यास अपाय होतील, अशा गोष्टी करणं टाळावे.


Source link

You may also like...

Leave a Reply

Your email address will not be published. Required fields are marked *