तेलकट त्वचा व सनटॅनच्या समस्येतून हवीय सुटका? वापरा घरगुती मिल्क फेशियल

Spread the love

दुधाने चेहरा स्वच्छ करण्याची संकल्पना जुनीच आहे. परंतु त्याला आता नव्या स्वरूपात बाजारात उतरवण्यात आले आहे. मिल्क फेशियल (Skin Care) असे त्याचे नाव आहे. सध्याच्या दिवसात हे मिल्क फेशियलची बरीच मागणी आहे. या प्रकारातील फेशियल तुमच्या सौंदर्याला नैसर्गिक पद्धतीने खुलवते.

अनेक फायदे
या प्रकारातील फेशियलमध्ये व्हिटॅमिन ए आणि व्हिटॅमिन बी 3 असतात. याशिवाय त्यात अनेक पोषक तत्त्व असतात. त्वचेची दुरूस्ती करण्यासोबतच त्यातील रक्ताभिसरण व्यवस्थित करण्यासाठी हे फेशियल उपयुक्त ठरते. या प्रकारातील फेशियल तुमच्या चेहऱ्याला तारूण्यमयी लुक देते.
(Skin Care चेहऱ्यावरील ओपन पोअर्सची समस्या कमी करण्यासाठी रामबाण उपाय)

​चेहरा स्वच्छ धुऊन घ्या

सुमारे चार चमचे कच्चे दूध घ्यावे. त्यात कापूस भिजवून मानेचा आणि चेहऱ्याचा भाग चांगल्या पद्धतीने स्वच्छ करून घ्यावा. त्यानंतर त्यात ओट्स आणि पपई कुस्करून घ्यावी. या पेस्टने मानेवर आणि चेहऱ्यावर ५ ते ७ मिनिटांपर्यंत चांगल्या पद्धतीने मसाज करावी. मसाज करून घेत असताना डोळ्यांवर टोमॅटोच्या चकत्या ठेवाव्या. त्यानंतर दोन ते तीन मिनिट चेहऱ्याला चांगली वाफ द्यावी. त्यानंतर चेहरा धुवावा. तुमच्या चेहऱ्याला ग्लो आणि सुंदर करण्याचं काम हे करेल.

(ऐश्वर्या रायच्या सुंदर चेहऱ्याचं सीक्रेट, त्वचेसाठी वापरते सर्वात स्वस्त गोष्ट)

​सामान्य त्वचेसाठी पॅक

हा पॅक तयार करण्यासाठी अर्धा कप कच्चे दूध, एक चमचा ओट्स, एक पपई, तीन चमचे टोमॅटोचे तुकडे, वाटून घेतलेले पाच बदाम, दोन चमचे मलाई, घट्ट दही, एक चमचा बटाटा, एक चमचा लिंबाचा रस, एक चमचा बेसन घ्यावे. हे मिश्रण चांगले एकजीव करावे. त्याची पेस्ट चेहऱ्याला लावावी. सुमारे १२ ते १५ मिनिटांपर्यंत ही पेस्ट तशीच राहू द्यावी. त्यानंतर ओल्या कपड्याने चेहरा स्वच्छ करावा आणि मॉइश्चराइझर लावावे.

(महागडे फेशिअल करण्याऐवजी वापरा भोपळ्याचं फेस मास्क, चेहऱ्यावर येईल तेज)

​तेलकट त्वचेसाठी

तेलकट त्वचेवर पॅक कोणता लावाव ही मोठी समस्या असते. त्यासाठी खास मिल्क पॅक तयार करता येतो. दूध, काकडी, लिंबाचा रस असे साहित्य घ्यावे. काकडीला मिक्सरमधून काढून घ्यावे. त्यात दूध आणि अर्धा चमचा लिंबाचा रस एकत्र करावा. त्याचे मिश्रण चांगले एकजीव करून घ्यावे. हे फेस पॅक १५ मिनिटांपर्यंत चेहऱ्यावर राहू द्यावे.

(Skin Care: महागड्या क्रीमची गरज भासणार नाही, चेहऱ्यासाठी असा करा थंड पाण्याचा वापर)

​कोरड्या त्वचेसाठी

कोरड्या त्वचेसाठी दूध, जवसाचे तेल आणि हळद पावडर घ्यावी. एक चमचा दुधात जवसाचे तेल काही थेंब घालावे. त्यानंतर त्यात चिमूटभर हळद घालावी. या मिश्रणाला चांगले एकत्र करून घ्यावे. एकजीव केलेले हे मिश्रण सुमारे दहा ते १५ मिनिटांपर्यंत चेहऱ्याला लावावे. या पॅकमुळे त्वचा मऊ होते.

(सफरचंदामुळे चेहऱ्यावरील डाग होतील कमी,असे तयार करा घरगुती फेस पॅक)

​गोऱ्या त्वचेसाठी

गेाऱ्या त्वचेसाठी तुम्हाला हवे आहे बदाम, हळद पावडर, दूध. चार ते पाच बदाम घ्यावेत. त्यांना रात्रभर पाण्यात भिजवून ठेवावे. त्यानंतर त्याची साल काढुन घ्यावी. दुधात हे बदाम बारीक करून घ्यावेत. या मिश्रणात चिमुटभर हळद एकत्र करावी. त्यानंतर हे पॅक चेहऱ्याला लावावे. सुमारे २० मिनिटांपर्यंत हे पॅक चेहऱ्यावर राहू द्यावे. पॅक पूर्णपणे कोरडा होऊ द्यावा. पॅक पूर्णपणे कोरडा झाल्यानंतर मसाज करून तो काढून घ्यावा.

(Skin Care रात्री झोपण्यापूर्वी अ‍ॅलोव्हेरा क्रीम लावा, चेहऱ्यावर दिसतील आश्चर्यकारक बदल)

​चमकदार त्वचेसाठी

दूध पावडर, दही, टरबूज, काकडीचा रस हे साहित्य घ्यावे. एक वाटीत एक चमचा दुधाची पावडर घ्यावी. त्यात एक चमचा दही मिसळावे. दोन चमचे टरबुजाचा रस मिसळावा आणि काकडीचा दोन चमचे रस घ्यावा. हे मिश्रण एकजीव करावे. सुमारे १५ मिनिटांपर्यंत हे मिश्रण राहू द्यावे. त्यानंतर पाण्याने चेहरा धुवावा. यात असलेले दूध पावडर तुमच्या त्वचेला गोरे करण्यासाठी सहाय्यभूत ठरतो. काकडीचा रस त्वचेला सुंदर बनवितो. दह्यामुळे त्वचा मऊ होते.

(चिमूटभर हळदीमुळे दूर होतील चेहऱ्यावरील मुरुम आणि डाग)

​सनस्क्रीमचे काम करणारा पॅक

चंदन त्वचेला थंड ठेवते. काळे डाग दूर करते. सूर्याच्या किरणांमुळे टॅन झालेली त्वचा दुरूस्त करण्याचे काम चंदन करते. यासाठी तीन चमचे घट्ट दूध घ्यावे. त्यात दोन चमचे चंदन पावडर मिसळावे. मिश्रण एकजीव करावे. ही पेस्ट सुमारे २० मिनिटांपर्यंत चेहऱ्यावर लावावी. त्यानंतर चेहरा थंड पाण्याचे धुवावा. सुमारे तीन ते चार दिवसांपर्यंत याचा प्रयोग करावा.

मुंबई टाइम्स टीम

(टाचांना पडलेल्या भेगांमुळे आहात त्रस्त? जाणून घ्या सोपे घरगुती उपाय)


Source link

You may also like...

Leave a Reply

Your email address will not be published. Required fields are marked *