त्वचेच्या आरोग्यासाठी पोषक आहे मसूर डाळ, घरच्या घरी असे तयार करा नॅचरल फेस पॅक

Spread the love

चेहरा चमकदार आणि सुंदर दिसावा, यासाठी बहुतांश जणी वेगवेगळ्या प्रकारचे उपचार करून पाहतात. केमिकलयुक्त ट्रीटमेंटपासून ते नैसर्गिक उपचारांपर्यंत; त्वचेवर सर्व प्रयोग केले जातात. पण केमिकलयुक्त ब्युटी प्रोडक्टच्या वापरामुळे त्वचेचं भरपूर नुकसान होतं. त्वचेला पोषण तत्त्वांचा योग्य प्रमाणात पुरवठा होण्यासाठी नैसर्गिक -आयुर्वेदिक उपचारांची मदत घ्यावी. यापैकीच एक रामबाण उपाय म्हणजे मसूर डाळ. नितळ व चमकदार त्वचेसाठी आपण मसूर डाळीचे फेस पॅक वापरू शकता. जाणून घेऊया फेस पॅक तयार करण्याची पद्धत…

चेहऱ्यावरील चमक वाढवण्यासाठी
महिला असोत किंवा पुरूष, तुम्हालाही आपल्या चेहऱ्यावर नैसर्गिक चमक हवी असल्यास मसूर डाळीचे फेस पॅक नक्की वापरून पाहा. मसूर डाळ सर्व प्रकारच्या त्वचेसाठी लाभदायक आहे.

कोरड्या व निर्जीव त्वचेची समस्या दूर करण्यासाठी लाभदायक

  • फेस पॅक तयार करण्यासाठी मसूर डाळ मिक्सरच्या भांड्यामध्ये वाटून घ्या आणि पावडरमध्ये मधासह शुद्ध तूप मिक्स करा.
  • हे पॅक १५ ते २० मिनिटांसाठी चेहऱ्यावर लावून ठेवा. यानंतर हलक्या हाताने चेहऱ्याचा मसाज करावा. पण त्वचा रगडण्याची चूक करू नका. स्क्रबप्रमाणे चेहऱ्यावरील पेस्ट काढा.
  • यानंतर थंड किंवा कोमट पाण्याने चेहरा स्वच्छ धुऊन घ्या. या फेस पॅकमुळे त्वचेवर जमा झालेले धूळ-मातीचे कण, दुर्गंध स्वच्छ होण्यास मदत मिळते.

(लेझर हेअर रिमूव्हल ट्रीटमेंट करायचीय? जाणून घ्या तुमच्या मनातील प्रश्नांची उत्तरे)

​सुरकुत्यांची समस्या दूर करण्यासाठी फेस पॅक

  • तुम्ही सुरकुत्यांच्या समस्येचा सामना करत आहात का? तर यापासून सुटका मिळवण्यासाठी आपण मसूर डाळ आणि कच्चे दूध एकत्र घेऊन फेस पॅक तयार करा व चेहऱ्यावर लावा. हा उपाय सातत्याने केल्यास तुम्हाला चेहऱ्यावर सकारात्मक बदल पाहायला मिळतील.
  • एक चमचा मसूर डाळीच्या पावडरमध्ये दोन चमचे दूध मिक्स करा. जाडसर पेस्ट तयार करा. चेहऱ्यावर मुरुम असल्यास फेस पॅकमध्ये थोडीशी हळद मिक्स करा. १० ते १५ मिनिटांसाठी पेस्ट चेहऱ्यावर लावा. यानंतर थंड पाण्याने आपला चेहरा स्वच्छ धुऊन घ्या.

(Foot Care ‘या’ दगडच्या मदतीने दूर करा टाचांच्या भेगा व दुर्गंध, जाणून घ्या योग्य पद्धत)

​डागांची समस्या कमी करण्यासाठी

त्वचेवरील डागांची समस्या दूर करण्यासाठी मसूर डाळीच्या पावडरमध्ये शुद्ध तूप मिक्स करा. जाडसर पेस्ट तयार आणि त्वचेवर लावा. यामुळे तुमच्या त्वचेला खोलवर पोषण तत्त्वांचा पुरवठा होईल. मसूर डाळीतील पोषण तत्त्वांमुळे काळंवडलेल्या त्वचेची समस्या कमी होईल तर तुपामुळे आपल्या त्वचेला नैसर्गिक स्वरुपात मॉइश्चराइझर मिळतं. हवे असल्यास आपण फेस पॅकमध्ये मध देखील मिक्स करू शकता.

(फेस स्टीमरने पोअर्समधील दुर्गंध काढणं आहे सोपं, चेहऱ्यावर येतो नॅचरल ग्लो)

​शरीराच्या अन्य अवयवांचीही घ्या काळजी

मसूर डाळीची पावडर, तूप आणि मध एकत्र घ्या व जाडसर पेस्ट तयार करा. चेहरा, मान, हात, पाय, कंबर आणि अन्य अवयवांच्या त्वचेवरही ही पेस्ट लावा. यामुळे त्वचेवरील डाग, टॅन कमी होण्यास मदत मिळते. नियमित हा उपाय केल्यास त्वचा निरोगी, नितळ आणि सुंदर राहील.

(मेकअपविनाही मौनी रॉयचा चेहरा दिसतो चमकदार, डागविरहित त्वचेसाठी करते हा सोपा उपाय)

​मऊ त्वचेसाठी फेस पॅक

मसूरमध्ये प्रोटीनची मात्रा भरपूर असते. यातील अन्य घटक देखील त्वचेसाठी पोषक असतात. मसूर डाळीची पावडर, मध, दूध आणि तूप एकत्र घ्या व जाडसर पेस्ट तयार करा. हे पॅक चेहरा आणि मानेवर लावा. या फेस पॅकमुळे निर्जीव व निस्तेज त्वचेची समस्या दूर होण्यास मदत मिळते.

(फेस मास्कमुळे त्वचेचं नुकसान होऊ नये यासाठी काय खबरदारी घ्यावी? डॉक्टरांकडून जाणून घ्या)

​त्वचेशी संबंधित अन्य समस्या

मसूर डाळीचे फेस पॅक नियमित लावल्यास त्वचेशी संबंधित समस्या दूर होण्यास मदत मिळेल. सोबत तुमची त्वचा मऊ आणि नितळ राहील. मसूर डाळीची पावडर आपण घरच्या घरीही तयार करू शकता किंवा आयुर्वेदिक स्टोअरमध्ये तुम्हाला ही पावडर सहजरित्या मिळेल.

(चेहऱ्याचंच नव्हे तर अंडरआर्म्‍स-पोट व शरीराच्या या भागांवरही फेशिअल करणं आवश्यक)

NOTE त्वचेशी संबंधित कोणतेही उपाय करण्यापूर्वी ओळखीच्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *