थंडीत प्रेग्नेंट महिलांनी अशी घ्यावी स्वत:ची काळजी! जाणून घ्या काय करावं व काय टाळावं?

Spread the love

क्रीम आणि लोशन लावावे

थंड आणि सुकी हवा यामुळे त्वचा आपले नैसर्गिक मॉइश्‍चर आणि त्यातील तेल हरवून बसते. पोट वाढल्यावर सुद्धा त्वचेला तडे द्यायला सुरुवात होते. यामुळे अनेक स्त्रियांना वेदना देखील होतात. याच कारणामुळे गरोदर स्त्रियांच्या पोटावर जास्त स्ट्रेच मार्क्स येतात. या पासून त्वचेचा बचाव करायचा असेल तर गरोदर स्त्रीने त्वचेवर क्रीम व लोशन वेळोवेळी लावत राहावे. यामुळे स्कीन हायड्रेट राहते. अनेक स्त्रियांना या साध्या गोष्टीबद्दल माहित नसते. म्हणून तुमच्या आसपास कोणी गरोदर स्त्री असेल तर आवर्जून तिला ही टीप द्या.

(वाचा :- डिलिव्हरीनंतर रक्ताची कमतरता दूर करण्यासाठी जीवनशैलीत करा ‘हे’ खास बदल!)

थंडीत सुद्धा पाणी प्या

जास्त पाणी प्यायल्याने जास्त लघुशंका होते आणि हिवाळ्यात वारंवार झोपमोड करून लघुशंकेला जायला लोकांना कंटाळा येतो. खास करून गरोदर स्त्रीसाठी ही गोष्ट जास्त त्रासदायक ठरू शकते. त्यामुळे हिवाळ्यात गरोदर स्त्रिया कमी पाणी पितात. मात्र ही एक मोठी चूक ठरू शकते. गरोदरपणात शरीराला जास्त पाणी लागते. जर गरोदरपणात डिहायड्रेशन झाले तर बाळासाठी आवश्यक असणारे एम्‍निओटिक फ्लूइड कमी होऊ शकते. यामुळे मुदतपूर्व डिलिव्हरीचा धोका उद्भवतो. तसेच डिलिव्हरीनंतर दूध सुद्धा कमी होऊ शकते. म्हणून गरोदर स्त्रीने हिवाळ्यात जास्तीत जास्त पाणी प्यावे. पाण्यासोबतच फळ आणि भाज्यांचा ज्यूस सुद्धा प्या.

(वाचा :- आईच्या ‘या’ चुकांमुळे पोटातच होऊ शकतो बाळाचा मृत्यु! काय काळजी घ्यावी?)

पाय गरम ठेवा

थंडीत शरीरातील रक्ताभिसरण प्रक्रियेवर प्रभाव पडू शकतो. यामुळे त्वचेतील छोट्या छोट्या रक्त वाहिन्यांमध्ये सूज निर्माण होऊ शकते. याशिवाय हात आणि पायांवर खाज लाल चट्टे, सूज व पुळ्या देखील येऊ शकतात. यापासून बचाव करण्यासाठी आपल्या पायांना चांगल्या प्रकारे झाकून ठेवा. कोमट पाण्यामध्ये पाय टाकून बसल्याने पायांना आराम मिळतो. हिवाळ्यात गरोदरपणा आल्यावर पायांचा त्रास अनेक स्त्रियांना जाणवतो. त्यामुळे आवर्जून या साध्या सोप्या उपायाचा वापर प्रत्येक स्त्रीने केला पाहिजे.

(वाचा :- प्रेग्नेंट नसतानाही तशी लक्षणे दिसण्यामागे काय कारण असतं व फॉल्स प्रेग्नेंसीची लक्षणे कोणती?)

फ्लू वॅक्‍सीन लावून घ्या

गरोदरपणात फ्ल्यू शॉट लावून घेतल्याने आई व बाळ दोघांना फ्ल्यू पासून सुरक्षा मिळते. जाणकारांच्या मते फ्ल्यू शॉट घेतल्याने तुम्ही तुमच्या बाळाला जन्मानंतर 6 महिन्यांपर्यंत फ्ल्यू होण्यापासून वाचवू शकता. फ्लू वॅक्‍सीन मुळे गरोदर स्त्रियांमध्ये एक्‍यूट रेस्पिरेट्री इंफेक्‍शनचा धोका कमी होतो. हि टिप्स प्रत्येक गरोदर स्त्रीसाठी महत्त्वाची असून डॉक्टरांच्या सल्ल्याने प्रत्येक गरोदर स्त्रीने फ्लू वॅक्‍सीन लावून घेतले पाहिजे. जेणेकरून बाळ व आई दोघेही सुरक्षित राहतील.

(वाचा :- कोणत्या महिलांना असतो प्रीमॅच्युअर डिलिव्हरीचा धोका व यावर उपाय काय?)

काय खावे?

गरोदारणात तुम्ही संतुलित आहार घ्यायला हवा ज्यामध्ये वेगवेगळ्या प्रकारच्या फळांचा समावेश असायला हवा. फळे आपल्या रोगप्रतिकार शक्तीला मजबूत ठेवण्याचे काम करतात. आवळ्यामध्ये रोगप्रतिकार शक्ती अधिक सक्षम करणारे व्हिटॅमिन सी मोठ्या प्रमाणात असते. आवळ्याचा ज्यूस हा मॉर्निंग सिकनेस, मळमळ, अपचन आणि गरोदरपणातील अन्य त्रासदायक समस्यांना कमी करण्यात मदत करू शकतो. तुम्ही पालक, मेथी आणि कांद्याच्या पाती सारख्या भाज्यांचा सुद्धा आहारात समावेश करू शकता. तर गरोदर असाल तर अशा या उपयुक्त टिप्स नक्की वापरा आणि हा लेख जास्तीत जास्त शेअर करून इतर गरोदर स्त्रियांपर्यंत या टिप्स पोहोचवा.

(वाचा :- प्रेग्नेंसीमध्ये ‘या’ हेल्दी व एनर्जी ड्रिंक्सनी करा शरीरातील पाण्याची कमतरता दूर!)


Source link

You may also like...

Leave a Reply

Your email address will not be published. Required fields are marked *