थकल्यानंतरही लागत नाही शांत सुखाची झोप? मग झोपण्याआधी तुम्ही करताय ‘या’ चुका!

Spread the love


दिवसभर धावपळ करून व हॅक्टिक शेड्युल नंतरही काही जणांना रात्री सुखाची झोप लागत नाही. जर दिवसभर थकून-भागून आल्यानंतरही रात्रभर कुस बदलत जागं राहावं लागत असेल तर स्वत:चाच राग येणं सहाजिकच आहे. अशावेळी आपण झोप लागावी म्हणून खूप प्रयत्न करतो पण या काळात फक्त डोळे बंद करून फक्त पडून राहणंही कंटाळवाणं वाटतं.

अनेकदा रात्रीचे भोजन देखील अशा प्रकारच्या समस्येचे कारण असू शकते. अनेकदा उपाशी पोटी झोप लागत नाही तर ब-याचदा असंही होतं की आपण अशा काही पदार्थांचे सेवन करतो ज्याचा नकारात्मक प्रभाव झोपेवर होतो. म्हणूनच आज आम्ही अशा काही पदार्थांची माहिती सांगणार आहोत ज्याचं रात्री झोपण्याआधी अजिबात सेवन करू नये.

कार्बोहायड्रेट्स

जर तुम्हाला रात्री शांत झोप लागावी असं वाटत असेल तर झोपायच्या वेळी किंवा झोपण्याआधी कार्बोहायड्रेटयुक्त पदार्थ खाऊ नये. न्यूट्रिशनिस्ट देखील सल्ला देतात की झोपायच्या आधी कार्बोहायड्रेटयुक्त खाद्यपदार्थ टाळावेत. तुम्ही निरिक्षण केलं तर लक्षात येईल की झोपण्याआधी चिजी पास्तासारखे काही चटकदार पदार्थ खाल्ल्यावर झोप येत नाही. भूक लागल्यास संध्याकाळी किंवा रात्री उशिरा पास्ता बनवणे सोपे आहे पण हा स्नॅक खाण्यासाठी ती योग्य वेळ नसते. पास्तामध्ये कार्बोहायड्रेट्सचे प्रमाण जास्त असते आणि झोपायच्या आधी पास्ता खाल्ल्यास त्याचं रूपांतर चरबीमध्ये होते. पास्तामध्ये तेल, चीज, मलई, टोमॅटो सॉस हे घटक अधिक असतात. यामुळे तुमच्या शरीरात फॅट वाढते तसेच रात्रीची झोप पळून जाते आणि तुम्ही अस्वस्थतेचे शिकार होऊ शकता.

(वाचा :- सतत एकटेपणा व मानसिक स्ट्रेस जाणवतोय? मग यावर मात करण्यासाठी ट्राय करा ‘या’ खास टिप्स!)

लसूण

लसणाचे बरेच फायदे आहेत. याच्या सुगंधामुळे जेवण चवदार आणि सुवासिक बनते. बहुतांश लोक असे अनेक पदार्थ पसंत करतात ज्यात भरपूर लसूण असेल. लसणात पोटॅशियम व फॉस्फरस सारखे उत्कृष्ट पदार्थ असतात जे आपली हाडे मजबूत ठेवण्यास मदत करतात. जर रोज लसणाची एक कळी खाल्यास हाडे मजबूत राहतात. पण रात्री गाढ झोप लागत नसेल तर लसूण खाणं टाळाच. लसणाला एक ‘गरम’ औषधी वनस्पती म्हणून ओळखले जाते. रात्रीच्या वेळी त्यात आढळणारी रसायने आपल्याला अस्वस्थ करू शकतात. म्हणूनच रात्रीच्या जेवणात याचे प्रमाण कमी ठेवा.

(वाचा :- अशा पद्धतीने केळी खाल्ल्यास करतात Fat burner चं काम, खाताच होईल वेट लॉस!)

चॉकलेट

झोपायच्या आधी चॉकलेट खाण्याची अनेकांना सवय असते. चॉकलेट अनेक लोकांना बरे वाटण्यास मदत करते. परंतु जर तुम्हाला चांगली झोप हवी असेल तर रात्री झोपायच्या आधी डार्क चॉकलेट खाणे टाळा. चॉकलेटमध्ये कॅफिन असते. कॅफिनमुळे आपल्या शरीरात अस्वस्थता येते ज्याचा परिणाम झोपेवर होतो. याव्यतिरिक्त, डार्क चॉकलेटमध्ये थियोब्रोमाइन (Theobromine) नावाचे उत्तेजक घटक असतो. यामुळे तुमच्या हृदयाचे ठोके वाढू शकतात. रात्री चॉकलेट खायचंच असेल तर व्हाईट चॉकलेट खा.

(वाचा :- स्त्रियांमध्ये हमखास उद्भवते White Dischargeची समस्या, ‘या’ घरगुती उपायामुळे मिळू शकतो आराम!)

गोड पदार्थ

रात्रीच्या जेवणात डाळ-भात आणि चपातीचा समावेश आवर्जून करा. हे अन्न आरोग्यासाठी चांगले आणि लाईट फुड देखील असते. यासोबत तुम्ही आहारात दूध देखील पिऊ शकता, जेणेकरून रात्री गाढ व शांत आरामदायी झोपू लागेल. परंतु रात्रीच्या जेवणाच्या वेळात आहारात साखरेचे प्रमाण टाळा. दुपारच्या जेवणात साखर खाणे फायदेशीर असते पण रात्रीच्या जेवणात नाही.

(वाचा :- Periods पुढे ढकलण्यासाठी करू नका औषधांचे सेवन, ट्राय करा ‘हे’ सुरक्षित घरगुती उपाय!)

चिप्स

रात्रीची भूक लागली की ती भागवण्याचा सर्वात सोपा व झटपट मार्ग दिसतो तो म्हणजे चिप्सची पाकिटं संपवणं. पण चिप्स खाणं जितकं सोपं आहे तितकंच रात्रीचं ते पचवणं खूप कठीण असतं. प्रोसेस्ड फूडमध्ये किंवा पाकिटबंद पदार्थांमध्ये मोठ्या प्रमाणात ग्लूटामेट असते, ज्याचा झोपेवर प्रभाव दिसून येतो.

(वाचा :- झोपण्याआधी गरम दुधात १ चमचा ‘हा’ पदार्थ मिसळून प्या, होतील ५ अविश्वसनीय फायदे!)


Source link

You may also like...

Leave a Reply

Your email address will not be published. Required fields are marked *