दंडाचे स्नायू मजबूत करण्यासाठी खेळा ‘हे’ लहान मुलांचे खेळ, मिळतील टोन्ड व आकर्षक आर्म्स!

Spread the love

स्लिम, टोन्ड आणि सुंदर दंडांची आवड सर्वांनाच असते. तुम्ही देखील दंडावर लटकणा-या चरबीमुळे त्रस्त असाल तर आज आम्ही तुम्हाला अशा काही मजेशीर एक्टिविटीज बद्दल माहिती देणार आहोत ज्यांचा तुम्ही बालपणी अगदी मनसोक्त आनंद लुटला असेल. पण आता सहाजिकच तुमचं वय वाढल्यामुळे तुम्हाला ते लहान मुलांचे खेळ, बालिश खेळ असं वाटत असल्यामुळे तुम्ही त्याच्याकडे कानाडोळा करत असाल तर आताच दृष्टिकोन बदला. कारण टोन्ड व आकर्षक आर्म्स हवे असतील तर आम्ही सांगितलेल्या सर्वात साध्यासोप्या एक्सरसाईज तुमच्या कामी येतील.

मुलगी असो वा मुलगा, आकर्षक दंड, पिळदार शरीरयष्टी, मापात असलेलं शरीर कोणाला नाही आवडत? यासाठी आजकालची मुलं-मुली कोणकोणते उपाय करत नाहीत? काही काही उपाय चांगले असले तरी त्याचे परिणाम दिसून येण्यासाठी भरपूर वेळ द्यावा लागतो. पण असे कितीतरी उपाय आपल्या आजुबाजूस असतात जे आपल्याला माहितच नसतात आणि तेच कमी वेळात जास्त फायदे मिळवून देतात. त्यातीलच एक उपाय म्हणजे लहान मुलांसारखे खेळ खेळणं!

दोरीच्या उड्या (Skipping)

  • बालपणी सर्वच मुलांचा आवडता खेळ म्हणजे दोरीच्या उड्या किंवा स्किपींग! या दोरीच्या उड्या खेळात मुलं मनसोक्त आनंद लुटतात. हा फक्त त्यांच्यासाठी खेळाचा भाग असला तरी नकळतच हा खेळ त्यांना शारीरिक आणि मानसिकरित्या फिट आणि तंदरुस्त बनवत असतो. हा खेळ मोठ्या माणसांसाठी हाताचे दंड मजबूत व टोन्ड करुन मानसिक संतुलन साधण्यासाठी अधिक लाभकारी मानले जातो.
  • जर तुम्ही देखील दंडावर वाढणा-या चरबीमुळे त्रस्त असाल तर नियमित न चुकता दोरीच्या उड्या हा खेळ खेळत जा. पण हो मित्रांनो, दोरीच्या उड्या हा एक मजेशीर खेळ समजून त्याचा मनसोक्त आनंद लुटा, काम समजून उगाचच ओझं असल्यासारखं करु नका. कारण काम समजून केलं तर तुम्हाला त्याचा कंटाळा येऊ शकतो.

(वाचा :- लग्नादिवशी दिसायचं आहे आकर्षक? मग एक महिना आधीपासूनच सुरु करा ‘हा’ स्पेशल डायट!)

शाळेतील पीटी

शाळेत असताना आपल्याला शारीरिक शिक्षणाच्या तासाला किंवा खेळाच्या तासाला नेहमी पीटीचा अभ्यास घेतला जायचा. तुम्ही शाळेतल्या आठवणी मनात जाग्या केल्या तर तुम्हालाही पिटीचा तास नक्की आठवेल आणि चेह-यावर एक हलकीशी स्माईल येईल. कारण तो मुलांचा सर्वात आवडता आणि हवाहवासा तास असतो. तर हीच पीटी आताही तुम्हासा दररोज करायची आहे. यावेळी शिक्षकांच्या भीतीने नाही तर टोन्ड आर्म्स मिळवण्यासाठी पीटीचा अभ्यास करावा. तर मग वाट कसली पाहताय. १, २,३,४,५,६,७,८ असं म्हणत सुरु करा व्यायामाचा श्रीगणेशा!

(वाचा :- नाश्त्यामध्ये पौष्टिक स्प्राऊट्स खाताय? मग ही माहित जाणून घ्याच!)

त्रिकोणासन

योग मध्ये जितकेही साधेसोपे व बेसिक आसने आहेत त्यामध्ये त्रिकोणासनाचा देखील समावेश आहे. हे आसन करण्यासाठी तुम्हाला सर्वात आधी सरळ उभं राहायचं आहे. आता डाव्या हाताने उजव्या पायाला आणि उजव्या हाताने डाव्या पायाला स्पर्श करण्याचा प्रयत्न करायचा आहे. या दरम्यान उजव्या हाताने डावा पाय पकलेल्या स्थितीत तुम्ही जितका वेळ स्थिर राहू शकता तितका वेळ राहण्याचा प्रयत्न करा आणि आकडे मोजा. आता डाव्या हाताने उजवा पाय पकडून तितकेच आकडे उलटे मोजा. तुम्ही हळू हळू हा आकडा वाढवू शकता.

(वाचा :- ‘या’ पदार्थांसोबत दही खाणं टाळा अन्यथा…!)

पतंगबाजी

कोण म्हणतं संक्रांतीलाच पतंग उडवली पाहिजे किंवा टाईमपास म्हणूनच पतंगबाजी केली जाते. अहो मंडळी, पतंग उडवल्याने हातांची आणि डोळ्यांची चांगली एक्सरसाईज होते. सोबतच तुमचा मेंदूही कार्यक्षम राहतो आणि निर्णय घेण्याच्या क्षमतेत वृद्धी होते. मग चला तर एक पतंग खरेदी करा आणि रात्रीच्या वेळेस कुटुंबीयांसोबत गच्चीवर जाऊन पतंगबाजीचा आनंद लुटा. यामुळे एक्सरसाईजही होईल, दंडावरील चरबीही कमी होईल आणि खेळण्याची मजा पण घेता येईल.

(वाचा :- डायट प्लानमधून ‘हे’ पदार्थ करा कमी, लठ्ठपणा आणि आरोग्यावर दिसून येतील चांगले परिणाम!)

चेहराही निघेल उजळून

या एक्टिव्हिटीजने फक्त दंडावरील चरबीच कमी होईल असं नाही तर याचा फायदा संपूर्ण शरीराला मिळेल. या व्यायामाचा लाभ शरीराला, मनाला, मेंदूला आणि त्वचेलाही सकारात्मकरित्या मिळेल. मेंदू हेल्दी झाल्याने शरीरात हॅपी हार्मोन्स रिलीज होतील आणि तुमचा मुड पहिल्यापेक्षाही चांगला होईल. सोबतच शरीरातील ब्लड सर्क्युलेशन वाढल्यामुळे त्वचेमध्ये उजळता येईल. हे दोन्ही परिणाम तुम्हाला आधीपेक्षा सुंदर आणि फिट बनवतील.

(वाचा :- ओट्स आवडत नसतील तर ट्राय करा ‘हे’ पौष्टिक पर्याय)


Source link

You may also like...

Leave a Reply

Your email address will not be published. Required fields are marked *