देबिनापासून ते प्रियंका चोप्रापर्यंत या सेलिब्रिटींनी दोन पद्धतींनी थाटलं लग्न, असा होता वेडिंग लुक

Spread the love

प्रेम म्हणजे नक्की काय?…प्रत्येकाची या निस्वार्थी भावनेची व्याख्या कदाचित वेगवेगळी असावी. प्रेम कोणालाही, कोणासोबतही होऊ शकते. सातासमुद्रापार असणाऱ्या व्यक्तीपासून ते दुसऱ्या धर्मातील व्यक्तीसोबतही प्रेमाचे भावूक नातं सहज जोडलं जाऊ शकते. या नात्याची वीण अधिक घट्ट करण्यासाठी काही जण लग्न बंधनात अडकण्याचा निर्णय घेतात. अशातच मग लग्नसोहळा देखील आपापल्या पद्धतीने म्हणजे दोघांच्याही परंपरा-प्रथेनुसार रचला जातो.

हा सोहळा केवळ दोघांपुरताच मर्यादित नसतो कारण दोन कुटुंबांचाही यात समावेश असतो. या कृतीद्वारे एकमेकांच्या संस्कृती – धर्माबाबत आदर दर्शवला जातो. सर्वसामान्यांप्रमाणेच मनोरंजन विश्वातील कित्येक अभिनेते -अभिनेत्रींनी दोनदा विवाह रचल्याचे तुम्ही पाहिलं असावं. या पैकी पाच अभिनेत्री आणि त्यांच्या ब्रायडल लुकबाबत आपण माहिती जाणून घेणार आहोत.
(अंकिता लोखंडेने साडी लुकमधील सुंदर फोटो केले शेअर, लोकांना सुशांत सिंह राजपूतची आली आठवण)

​आशका गोराडिया

अभिनेत्री आशका गोराडियाने २०१७ मध्ये अमेरिकन उद्योगपती ब्रेंट गोबेलसह लग्न थाटलं. या दोघांनी ख्रिश्चन आणि हिंदू रितीरिवाजांनुसार विवाह रचला होता. ख्रिश्चन वेडिंगसाठी आशकाने आपल्या सासूचा वेडिंग गाउन परिधान केला होता. तर हिंदू परंपरेनुसार लग्न करताना तिनं पारंपरिक वेशभूषा परिधान केली होती. यासाठी तिनं लाल रंगाचा लेहंगा डिझाइन करून घेतला होता. ज्यावर चंदेरी रंगाचे वर्क तुम्ही पाहू शकता. तर ब्रेंटनं सुद्धा दोन्ही सोहळ्यांनुसार पोषाखाची निवड केली होती. ख्रिश्चन वेडिंगसाठी टक्सिडो तर भारतीय परंपरेनुसार केलेल्या लग्नासाठी त्यानं शेरवानी परिधान केली होती.

(Bollywood Fashion अनुष्का शर्माच नव्हे तर या अभिनेत्रींनीही प्रेग्नेंसीमध्ये परिधान केले होते स्विमसूट)

​दीपिका पादुकोण

दीपिका पादुकोण आणि रणवीर सिंहने इटलीमध्ये डेस्टिनेशन वेडिंग केलं होतं. लेक कोमोजवळ झालेल्या लग्नसोहळ्यात दोन परंपरा-प्रथेनुसार या दोघांनी लग्नगाठ बांधली. आधी त्यांनी साउथ इंडियन रितीरिवाजानुसार लग्न केले. यावेळेस दीपिकाने सोनेरी आणि लाल रंगाची कांजीवरम साडी नेसली होती. यावर तिनं सोन्याचे दागिने परिधान केले होते. यानंतर त्यांनी सिंधी परंपरेनुसार विवाह रचला. यासाठी तिनं लाल रंगाचा लेहंगा परिधान केला होता. तिच्या ओढणीवर ‘सौभाग्यवती भव:’ असे लिहिलेले तुम्ही पाहू शकता. या लुकसाठी दीपिकानं लाल रंगाच्या बांगड्या, मांगटिका, चोकर नेकलेस इत्यादी दागिने घातले होते.

(सारा अली खानचा ‘हा’ लुक पाहून लोक भडकले, म्हणाले…)

देबिना बॅनर्जी

गुरमीत चौधरी आणि देबिना बॅनर्जी यांनीही दोन वेगवेगळ्या पद्धतीने विवाहसोहळा रचला. पहिल्या लग्नाबाबत त्यांच्या कुटुंबीयांनाही माहिती नव्हती. २००६ मध्ये त्यांनी पहिले लग्न थाटलं. या लग्नसोहळ्यासाठी देबिनाने लाल रंगाची बांधनी प्रिंट साडी नेसली होती. या साडीवर तिनं अतिशय साध्या डिझाइनचे ब्लाउज मॅच केले होतं. यासोबतच तिनं गळ्यात एक चेन आणि साधासे कानातले घातले होते. यानंतर २०१२ मध्ये आई वडिलांच्या परवानीने केलेल्या दुसऱ्या लग्नामध्येही देबिनाचा लुक अतिशय साधा होता. तिनं मरून आणि हिरव्या रंगाची साडी नेसली होती.

(ऐश्वर्या रायपासून ते अनुष्का शर्मापर्यंत, ‘या’ दागिन्यांशिवाय राहू शकत नाहीत हे ५ स्टार्स)

​प्रियंका चोप्रा

निक जोनसने २०१८ मध्ये प्रियंका चोप्राला तिच्या वाढदिवशी प्रपोज केलं. डिसेंबर २०१८ मध्ये दोघांनी धुमधडाक्यात लग्न थाटलं. देशासह परदेशातही या शाही विवाहसोहळ्याची चर्चा मोठ्या प्रमाणात झाली. पहिल्यांदा या दोघांनी ख्रिश्चन पद्धतीने लग्न केलं. यासाठी प्रियंकाने राल्‍फ लॉरेनने डिझाइन केलेला गाउन परिधान केला होता. हा गाउन तयार करण्यासाठी १ हजार ६३२ swarovski क्रिस्टलचा वापर करण्यात आला होता. तर हिंदू रितीरिवाजानुसार थाटलेल्या लग्नसोहळ्यात प्रियंकाने सब्यसाची यांनी डिझाइन केलेला लाल रंगाचा लेहंगा परिधान केला होता. या लुकसाठी तिनं सोने आणि हिऱ्यांच्या दागिन्यांची निवड केली होती.

(करीना कपूरचे शूटिंगमधील फोटो केले शेअर, सुंदर फोटो पाहून चाहते झाले घायाळ)

​चारू असोपा

चारू असोपा आणि राजीव सेनने तर तीन पद्धतींनी लग्न केलं. पहिल्यांदा त्यांनी कोर्ट मॅरेज केलं. यासाठी अभिनेत्रीनं लाल रंगाची सिल्क साडी नेसली होती. ख्रिश्चन वेडिंगसाठी चारू सुंदर लेस वर्क असणारा गाउन परिधान केला होता. हिंदू रितीरिवाजानुसार लग्न थाटताना तिनं लाल रंगाचा घातला होता. हा लेहंगा तिला सुष्मिता सेनने भेट दिला होता. तिन्ही लुकमध्ये ती सुंदर दिसत होती.

(Nita Ambani नीता अंबानींच्या वॉर्डरोबमध्ये नेहमी मिळतील या पाच गोष्टी)


Source link

You may also like...

Leave a Reply

Your email address will not be published. Required fields are marked *