द्राक्षबियांच्या तेलाचे त्वचा आणि केसांसाठी फायदे, जाणून घ्या कसा करायचा वापर

​त्वचेवर येतं नैसर्गिक तेज

ग्रेप सीड ऑइल आपली त्वचा मऊ, नितळ आणि स्वच्छ ठेवण्याचे कार्य करते. योग्य प्रमाणात तेलाचा वापर केल्यास त्वचेवर नैसर्गिक तेज येण्यास मदत मिळते. त्वचेमधील ओलावा टिकून राहतो. तेलामध्ये व्हिटॅमिन ई आणि व्हिटॅमिन सी असल्याने त्वचेला खोलवर पोषण तत्त्वांचा पुरवठा होतो.

(Hair Care मऊ आणि चमकदार केस हवे आहेत ? जाणून घ्या कसं फॉलो करायचं ग्लास हेअर ट्रेंड)

​त्वचेचा रंग उजळतो

हे तेल आपल्या त्वचेसाठी अतिशय प्रभावी आहे. तेलातील पोषण तत्त्वांमुळे त्वचेचा रंग उजळण्यास मदत मिळते. तेलामध्ये प्रोएंथोसायनिडिन नावाचे प्रभावी अँटी ऑक्‍सिडंट आहे. या घटकामुळे आपल्या त्वचेचा रंग आणि पोत सुधारण्यास मदत मिळते. तज्ज्ञांच्या सल्ल्यानुसार या तेलाचा आपल्या स्किन केअर रुटीनमध्ये समावेश करावा.

(काळ्याशार व घनदाट केसांसाठी वापरा मोसंबीचा रस, जाणून घ्या शॅम्पू तयार करण्याची पद्धत)

​सूर्याच्या हानिकारक किरणांपासून होतं संरक्षण

संशोधनातील माहितीनुसार ग्रेप सीड ऑइलमधील अँटी ऑक्‍सिडंट आपल्या त्वचेचं सूर्याच्या हानिकारक किरणांपासून संरक्षण करतात. अतिनील किरणांमुळे मेलेनोसाइट्सवर दुष्परिणाम होतात. ज्यामुळे त्वचेच्या रंगावर देखील परिणाम होतो. यामुळेच त्वचा टॅन होऊ लागते.

(Healthy Hair Oil: जाड केसांसाठी तयार करा हे घरगुती आयुर्वेदिक तेल, जाणून घ्या पद्धत)

​केसांसाठी उत्तम उपाय

टाळूच्या त्वचेवर नैसर्गिक स्वरुपात स्त्राव होणाऱ्या सीबममुळे केस चमकदार आणि निरोगी राहतात. पण वाढत्या वयोमानानुसार केसांमध्येही बदल होत जातात. केस कोरडे होणे, केस गळणे, निर्जीव केसांची समस्या निर्माण होऊ लागते. द्राक्षबियांच्या तेलामध्ये व्हिटॅमिन ई भरपूर प्रमाणात असते. व्हिटॅमिन ई मुळे केसांची वाढ चांगल्या पद्धतीने होते. तसंच केस निरोगी देखील राहतात.

(Natural Remedies केसांच्या वाढीसाठी टाळूचे करा स्क्रबिंग, असे तयार करा घरगुती स्कॅल्प स्क्रब)

​कसा करावा द्राक्षबियांच्या तेलाचा वापर?

मॉइश्चराइझर लोशन किंवा क्रीमसह आपण या तेलाचा त्वचेसाठी वापर करू शकता. तेल चेहऱ्यावर लावून हलक्या हाताने मसाज करावा. या तेलाचा आपण फेस पॅकमध्येही वापर करू शकता.

(Hair Mask For Winter हिवाळ्यात केस निरोगी ठेवण्यासाठी वापरा मधाचे ६ नैसर्गिक हेअर पॅक)

NOTEकेस आणि त्वचेशी संबंधित कोणतेही उपाय करण्यापूर्वी तसंच त्वचा व केसांवर एखादं प्रोडक्ट वापरण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे.

(Hair Care Tips केसांसाठी टॉनिक आहे ग्लिसरीन; मऊ आणि चमकदार केसांसाठी असा करा वापर)