नाश्त्यामध्ये पौष्टिक स्प्राऊट्स खाताय? मग ही माहित जाणून घ्याच!

Spread the love

आधीच बनवून ठेवू शकता

स्प्राऊट्स मध्ये मुख्य कडधान्य म्हणून मुग डाळीचा वापर केला जातो. स्प्राऊट्स बनवण्यासाठी तुम्हाला 2-3 दिवस आधीच मुग पाण्यात भिजवून ठेवावे लागतात. जेव्हा त्याला मोड येतील तेव्हा त्याचे तुम्ही स्प्राऊट्स बनवू शकता. म्हणजेच तुम्हाला 2 दिवस आधीच तुमचा 2 दिवसानंतरचा नाश्ता माहित असतो आणि हे मुग तुम्ही काही दिवस अजून वापरू शकता. यात वेळ आणि नाश्ता बनवण्याची एनर्जी दोन्ही वाचते. सोबत तुमच्या आरोग्याला पूर्ण पोषण सुद्धा मिळते. मुग डाळीपासून तयार होणारे स्प्राऊट्स खाल्ल्याने ब्लड शुगर वाढत नाही आणि वजन सुद्धा नियंत्रित राहते. हे स्प्राऊट्सचे सगळ्यात मोठे दोन फायदे आहेत.

(वाचा :- डायट प्लानमधून ‘हे’ पदार्थ करा कमी, लठ्ठपणा आणि आरोग्यावर दिसून येतील चांगले परिणाम!)

पोट साफ राहते

ज्या लोकांना बद्धकोष्ठतेची समस्या आहे किंवा ज्यांचे पोट सतत गच्च राहते किंवा ज्यांना अपचनाची समस्या आहे त्यांच्यासाठी स्प्राऊट्स अतिशय लाभदायक ठरतात. कारण यात मोठ्या प्रमाणावर फायबर असते. ज्या पदार्थात फायबर असते ते पदार्थ पोट साफ ठेवण्यासाठी आणि पोटाच्या समस्या दूर करण्यासाठी अतिशय महत्त्वाची भूमिका बजावतात. त्यामुळे जर तुम्हाला अशा कोणत्या समस्या असतील तर तुम्ही आवर्जून मुग डाळीचे स्प्राऊट्स खायला हवेत. याचा परिणाम तुम्हाला लवकरच दिसून येईल.

(वाचा :- ओट्स आवडत नसतील तर ट्राय करा ‘हे’ पौष्टिक पर्याय)

आळस दूर होतो

ज्या लोकांना सतत आळस येतो किंवा सुस्ती वाटते त्यांच्यासाठी मुग डाळीचे स्प्राऊट्स अतिशय गुणकारी ठरतात. मुग डाळ मेटाबॉलिक रेट वाढवण्याचे काम करते. यामुळे शरीराला खूप काळ मोठ्या प्रमाणावर उर्जा मिळत राहते आणि तुम्ही अधिक उर्जावान फील करता. त्यामुळे जर तुम्हाला सतत सुस्ती वाटत असेल किंवा आळस येत असेल तर तुम्ही नक्कीच स्प्राऊट्सचे सेवन सुरु करायला हवे. याचा फायदा तुम्हाला लवकरच जाणवू लागेल आणि तुम्हाला सतत येणारी सुस्ती आणि आळस दूर होऊन तुम्हाला ताजेतवाने वाटू लागेल. याचा फायदा म्हणजे तुम्ही तुमची कामे उत्साहाने करू शकाल.

(वाचा :- ‘या’ बहुगुणी पदार्थापासून बनवा आरोग्यदायी आणि सर्वात टेस्टी नाश्ता!)

कसे तयार करावे स्प्राऊट्स

सर्वप्रथम तुम्हाला रात्रीच्या वेळीस किंवा 2 दिवस आधी मुग डाळ पाण्यात भिजत घालावी लागेल. मुगाला एकदा का मोड आले की तुम्ही पहिला टप्पा पार केला असे समजा. मग ही मोड आलेली मुग चांगल्या पद्धतीने पुन्हा धुवून घ्या. यात मग चिरलेला कांदा, टोमेटो, कोथिंबीर टाका. यात तुम्ही शेंगदाणे सुद्धा टाकू शकता. आता तुम्हाला जशी चव हवी त्याप्रमाणे मीठ, मिरची, चाट मसाला आणि लिंबू पिळून घ्या. अशाप्रकारे झाले तुमचे मुग डाळीचे स्प्राऊट्स तयार! आता मस्तपैकी तुम्ही याचा आस्वाद घेऊन तंदुरुस्त राहू शकता.

(वाचा :- घरच्या जेवणाचा कंटाळा आला आहे? मग सात्विक आहाराचे ‘हे’ लाभ जाणून घ्याच!)

अशा पद्धतीने अ‍ॅड करा फ्लेवर्स

स्प्राऊट्स हे कडधान्यांपासून तुम्ही बनवू शकता हे आम्ही तुम्हाला आधीच सांगितले. त्यामुळे जेव्हा तुम्हाला वाटेल की आता बस्स झाले मुग! आता कंटाळा आला तेव्हा तुम्ही इतर कडधान्यांपासून सुद्धा स्प्राऊट्स बनवू शकता. तुम्हाला मुग डाळी प्रमाणे 2 दिवस आधी ते पाण्यात भिजवून ठेवायचे आहेत. पुढे मग तुम्ही तुमची क्रियेटीव्हीटी वापरून स्वत:चे स्पेशल स्प्राऊट्स बनवू शकता. तर मंडळी सांगण्याचा उद्देश एकच की या धकाधकीच्या आयुष्यात झटपट तयार होणारा पौष्टिक नाश्ता वा खाद्य तुम्हाला हवे असेल तर स्प्राऊट्स तुमच्यासाठी सर्वोत्तम पर्याय आहे.

(वाचा :- सफरचंद खाताय? मग ‘ही’ अत्यंत महत्त्वाची माहिती जाणून घ्याच!)


Source link

You may also like...

Leave a Reply

Your email address will not be published. Required fields are marked *