नाश्त्यासाठी बटाटयाचे पदार्थ एक चांगला पर्याय असून ‘हे’ आहेत त्याचे आरोग्यदायी फायदे!

Spread the love

नाश्त्यामध्ये आपल्याला असं काहीतरी मॅजिकल फुड हवं असतं जे लगेच पचेल आणि भरपूर काळासाठी आपल्या शरीराला उर्जा पुरवत राहिल. तुम्हीही असाच विचार करत असाल तर मग बटाटे हा तुमच्यासाठी उत्तम पर्याय असू शकतो. बटाटे म्हणजे पोषक तत्वांचा खजिनाच आहे जणू! म्हणूनच हा सर्वगुणसंपन्न बटाटा आपल्या प्रत्येक भाजीत सप्लीमेंट म्हणून का होईना पण असतोच असतो. खरं तर समस्या ही आहे बहुतांश लोकांना या गुणी बटाट्याचं कसं आणि कोणत्या स्वरुपात सेवन करावं हेच माहित नाही.

त्यामुळे आपल्या अज्ञानतेनुसार ही लोकं बटाटा आरोग्यास हानीकारक असल्याचं सगळ्यांना सांगत फिरतात आणि उगाचच बटाट्याचं नाव बदनाम करतात. पण काही लोक अशीही असतात ज्यांचा बटाटा वडा, बटाटा भजी, बटाटा भाजी, दम आलू, बटाट्याचा पराठा हे खाद्यपदार्थ अगदी जीव की प्राण आहेत बरं का! चला तर खूप गंमत केली बटाट्याची, आता आपण खरंच बटाटा आपल्या आरोग्यासाठी किती लाभदायक असतो हे जाणून घेऊया.

बटाट्यातील पोषक तत्वे

पोषक तत्वांच्या बाबतीत बटाटा हा अत्यंत समृद्ध कंदमुळ मानलं जातं. याच कारणामुळे बटाट्याला भाज्यांचा राजा मानलं जातं. कित्येक भाज्या किंबहुना सर्वच भाज्या बटाट्याशिवाय अपूर्णच वाटतात. बटाट्या मध्ये स्टार्च मोठ्या प्रमाणात आढळून येते. बटाटा हा प्रोटीन,लोह, कार्बोहाइड्रेट, व्हिटॅमिन ‘ए’, व्हिटॅमिन ‘ब’ आणि व्हिटॅमिन ‘क’ ने युक्त असतो. जेव्हा बटाटा क्रिम आणि चरबीयुक्त पदार्थां सोबत मिक्स करुन बनवला जातो तेव्हा यामध्ये फॅट वाढवण्याची क्षमता कित्येक पटीने वाढते.

(वाचा :- औषधं व ड्रग्सच्या एकत्रित सेवनाने सुशांत सिंगच्या शरीरावर झाले होते ‘हे’ दुष्परिणाम!)

बारीकपणामुळे त्रस्त आहात?

एका बाजूला जगातील कित्येक लोक हे दिवसें दिवस वाढत चाललेलं वजन (over weight)कमी करण्यासाठी झटताना दिसत आहेत तर दुसरीकडे अशीही काही लोकं आहेत जी आपल्या बारीकपणामुळे अर्थात अंडरवेट (under weight) त्रस्त आहेत. ही लोकं आपल्या शरीरावरील चरबी म्हणजेच फॅट्स वाढवण्यासाठी कित्येक उपाय शोधून काढून आपल्यावर ट्राय करत राहतात पण त्याचा काही एक उपयोग होत नाही. जर तुम्ही देखील या लोकांसारखे अंडरवेटला वैतागला असाल तर आजपासूनच नाश्त्यामध्ये बटाट्याचा वापर करण्यास सुरुवात करा. प्रत्येक दिवशी बटाट्याची वेगवेगळी रेसिपी ट्राय करा. यामुळे तुमच्या शरीराला पोषक तत्वांची पूर्तता तर होईलच पण त्याव्यतिरिक्त शरीरावर चरबी वाढून तुम्ही सुंदर दिसू लागाल.

(वाचा :- How To Use Soap Pieces: साबणाच्या उरलेल्या तुकड्यांपासून घरच्या घरी असं बनवा हँडवॉश!)

पचनक्रियेसाठी लाभदायक

शिजवलेला बटाटा पचवण्यास खूप सोपं असतं. ज्या लोकांना पचनक्रिये संबंधित काही समस्या असतील म्हणजेच ज्या लोकांना जेवण, नाश्ता किंवा अगदी लहान सहान स्नॅक्स पचवणं देखील अवघड जात असेल त्या लोकांनी नियमित आपल्या आहारात बटाट्याचा समावेश आवर्जून करावा. पण मंडळी लक्षात ठेवा पोटाशी निगडीत समस्या, अतिसार किंवा पोटात वेदना होत असतील तर त्या काळात बटाट्याचे सेवन करणे टाळले पाहिजे.

(वाचा :- ‘या’ ५ लोकांसाठी धोकादायक ठरु शकतं हळदीचं अतिसेवन, जाणून घ्या का?)

त्वचेसाठी लाभदायक

आपल्यातील भरघोस पोषक तत्वांमुळे बटाटा आपल्या केस आणि त्वचेचं सौंदर्य वाढवण्यास मदत करतो. ज्या लोकांना त्वचेवर किंवा चेह-यावर गडद डाग, मुरुमांचे डाग, पुरळ याची समस्या असेल त्यांनी चेह-यावर बटाट्याचे काप लावावेत. सोबतच तुम्ही आपल्या आहारात बटाट्याचं सेवन वाढवू शकता. त्वचेचा रंग उजळ करणारे नॅचरल ब्लीचिंग एजंट्स बटाट्यामध्ये असतात. बटाट्यामध्ये अॅंटीएजिंग गुणधर्म असल्याने रिंकल्स टाळण्यास मदत होते.

(वाचा :- रक्तशुद्धीकरणाचं काम चोख बजावणारा हा ड्राय फ्रुट प्रत्येक वयातील व्यक्तीसाठी आहे लाभदायक!)

या लोकांनी बटाट्याचा वापर टाळावा

जे लोक खूप जाड आहेत किंवा ज्या लोकांना आपल्या लठ्ठपणामुळे अधिक समस्यांना सामोरे जावे लागत असेल त्या लोकांनी बटाट्याचे सेवन खूपच मर्यादीत प्रमाणात करणं आवश्यक आहे. या सोबतच ज्या लोकांना अॅसिडीटीची समस्या असते त्या लोकांनीही बटाटे खाणं टाळावं. जर बटाटा खायचाच असले तर तो दह्यासोबत खावा किंवा दिवसभरात जास्तीत जास्त द्रव्य पदार्थांचे सेवन करावे.

(वाचा :- हॅंगओव्हर उतरवण्यासोबतच हा ज्यूस ७ दिवसांत करतो आरोग्याच्या समस्यांचा कायापालट!)


Source link

You may also like...

Leave a Reply

Your email address will not be published. Required fields are marked *