नितळ व डागविरहित त्वचेसाठी रात्री चेहऱ्यावर अशा पद्धतीने लावा कोरफड जेल

Spread the love

त्वचेचा रंग उजळण्यासाठी तसंच चेहऱ्यावरील डाग कमी करण्यासाठी तरुणी कित्येक उपचार करतात. काही जणी तर महागडे स्किन केअर प्रोडक्ट्सपासून ब्युटी पार्लरमधील ट्रीटमेंट ते वेगवेगळ्या प्रकारचे घरगुती उपचारांची देखील मदत घेतात. त्वचेचा रंग आणि पोत सुधारण्यासाठी हानिकारक रसायनांचा वापर करण्याऐवजी नैसर्गिक उपचारांची मदत घ्यावी. आयुर्वेदिक औषधोपचार केल्याने त्वचेवर (Skin Care Tips) कोणतेही दुष्परिणाम होत नाहीत.
(Skin Care Tips टिकली लावल्यामुळे होते स्किन अ‍ॅलर्जी, कोणते उपाय करावेत? जाणून घ्या)

कोरफड ही औषधी वनस्पती त्वचेसाठी रामबाण उपाय आहे. यातील औषधी गुणधर्मामुळे आपली त्वचा निरोगी राहते. आरोग्य आणि सौंदर्यासाठी प्राचीन काळापासून कोरफडीचा उपयोग केला जात आहे. कोरफडमध्ये व्हिटॅमिन, खनिजे, सॅलिसिलिक अ‍ॅसिड यासह अन्य पोषक तत्त्वांचा समावेश आहे. कोरफड जेलचा योग्य पद्धतीने वापर केल्यास त्वचेवरील डागांची समस्या दूर होऊ शकते. पण यासाठी नियमित स्वरुपात हा उपाय करणं आवश्यक आहे. त्वचेसाठी कोरफड जेलचा कसा करावा उपयोग? जाणून घेऊया …
(Natural Skin Care हिवाळ्यात त्वचा मऊ राहण्यासाठी वापरा हे घरगुती बॉडी बटर)

​त्वचेचा रंग उजळण्यासाठी कसा करावा कोरफडीचा वापर?

तुमच्या घरामध्ये कोरफडीचे रोप असेल तर त्यापासून नैसर्गिक जेल तयार करा अथवा आयुर्वेदिक दुकानांमध्येही कोरफड जेल उपलब्ध असते. यापैकी कोणताही पर्याय आपण निवडू शकता. पण केमिकल फ्री प्रोडक्टचाच वापर करावा. दरम्यान कोरफडीच्या रोपाद्वारे जेल तयार करणार असाल तर त्यावरील पिवळ्या रंगांचा तवंग घेऊ नका. यामध्ये लॅकेट्स असते, यामुळे त्वचेवर अ‍ॅलर्जी होण्याची शक्यता असते.

(Skin Care Tips हिवाळ्यात त्वचेवर जास्त प्रमाणात मॉइश्चराइझर लावता? मग हे नक्की वाचा)

​अ‍ॅलोव्हेरा क्रीम तयार करण्यासाठी सामग्री

  • अर्धा कप शुद्ध कोरफड जेल
  • दोन मोठे चमचे कच्चे मध
  • एक काचेचं कंटेनर

(त्वचेवरील डागांपासून हवीय सुटका? जाणून घ्या मध-दुधापासून फेस वॉश व फेस पॅक तयार करण्याची पद्धत)

​अ‍ॅलोव्हेरा क्रीम तयार करण्याची पद्धत

  • एका वाटीमध्ये कोरफड जेल आणि मध एकत्र घ्या. दोन्ही सामग्री नीट मिक्स करा.
  • हे मिश्रण क्रीमसारखे तयार होईपर्यंत ढवळत राहा.
  • यानंतर मिश्रण काचेच्या कंटेनरमध्ये भरून ठेवा.
  • दोन आठवड्यांपर्यंत ही क्रीम आपण फ्रीजमध्ये ठेवू शकता.

(करीना-अनुष्‍कासह अन्य सेलिब्रिटीही करतात मुरुमांचा सामना, करतात हे नैसर्गिक उपाय)

अ‍ॅलोव्हेरा क्रीमचा उपयोग कसा करावा?

सर्व प्रथम आपला चेहरा फेस वॉशने (Skin Care Tips) स्वच्छ धुऊन घ्या. यानंतर कॉटनच्या टॉवेलनं चेहरा पुसन घ्यावा. अ‍ॅलोव्हेरा क्रीम थोडीशी हातावर घ्या आणि संपूर्ण चेहऱ्यावर लावा. मानेवर देखील क्रीम लावू शकता. डोळ्यांच्या आसपास क्रीम लावू नये. २० ते ३० मिनिटांनंतर आपला चेहरा थंड पाण्याने स्वच्छ धुऊन घ्यावा. यानंतर चेहऱ्यावर मॉइश्चराइझर लावायला विसरू नये.

(त्वचा भाजणे म्हणजे नेमके काय? यावर कोणते उपचार करावेत, जाणून घ्या तज्ज्ञांनी दिलेली माहिती)

​रात्री झोपण्यापूर्वी देखील लावा क्रीम

मॉर्निंग स्किन केअर रुटीन प्रमाणेच नाइट स्किन केअर रुटीन देखील योग्य पद्धतीने फॉलो होणे गरजेचं आहे. यासाठी रात्री झोपण्यापूर्वी देखील ही क्रीम चेहऱ्यावर लावू शकता. त्वचा संवेदनशील असल्यास कोणतेही उपाय करण्यापूर्वी आपल्या डॉक्टरांचा सल्ला घ्यावा. याव्यतिरिक्त पौष्टिक आहाराचे सेवन आणि भरपूर पाणी प्यावे. नियमित उपाय केल्यास त्वचेमध्ये सकारात्मक बदल अनुभवायला मिळतील.

(क्रीम-लोशनची गरज भासणार नाही, सतेज त्वचेसाठी जाणून घ्या आयुर्वेदिक ब्युटी टिप्‍स)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. कारण प्रत्येकाच्या त्वचेचा प्रकार एकसारखा नसतो.


Source link

You may also like...

Leave a Reply

Your email address will not be published. Required fields are marked *