नॉर्मल डिलिव्हरी हवी असल्यास ९व्या महिन्यात जरुर खा ‘हे’ पदार्थ!

Spread the love

नवव्या महिन्यातील डाएट

गर्भावस्थेच्या नवव्या महिन्यात गर्भातील बाळाचा जवळ जवळ पूर्ण विकास झालेला असतो व त्याचं वजन देखील वाढलेलं असतं. या काळात तुम्हाला पचनाशी निगडीत समस्या भेडसावू शकतात जसं की अपचन व अॅसिडीटी इत्यादी! त्यामुळे या काळात तुम्हाला काही पोषक तत्व असलेल्या पदार्थांचा समावेश करणं आवश्यक असतं. आज आम्ही सांगणार आहोत असे काही पदार्थ जे पोषक तत्वांनी भरलेले असतात व नॉर्मल डिलिव्हरीची शक्यता वाढवतात.

(वाचा :- प्रेग्नेंसीमध्ये का व कधी येते स्तनांवर खाज? जाणून घ्या यावरील उपाय!)

हळद

हळदी मध्ये वेदनाशामक गुणधर्म असतात आणि नवव्या महिन्यात स्त्रियांना कॉन्ट्रेक्शनची समस्या निर्माण होऊ शकते. त्यामुळे आपल्या आहारात हळदीचा समावेश नक्की करा. या काळात पेल्विक भागात, कमरेत आणि नितंबामध्ये होणा-या वेदन कमी करण्यास हळद लाभदायक ठरते. रात्री दुधात हळद मिसळून प्यायल्याने भरपूर लाभ मिळतात. तसंच हळदीमधील एं‍टीलिपिडेमिक गुणधर्म कोलेस्ट्रॉल वाढण्यापासून मज्जाव करतात. यामधील करक्‍यूमिन नामक तत्‍व प्रेग्नेंच स्त्री आणि बाळाला अनेक संक्रमण व आजारांपासून वाचवते. प्रेग्नेंसीमध्ये अनेकदा नीट झोप येत नसल्याची स्त्रीयांची तक्रार असते पण कोमट हळदीच्या दुधाने झोप चांगली लागते.

(वाचा :- प्रेग्नेंसीमध्ये मांसाहाराची इच्छा नाही? मग जाणून घ्या शाकाहाराचे लाभ व ५ खास पदार्थ!)

आलं आणि लसूण

नवव्या महिन्यात प्रेग्नेंस महिलांना आलं व लसूण देखील खाल्लं पाहिजे. आलं चेचून चहात घाला किंवा आलं पाण्यात घालून ते उकळा व उकळलेलं पाणी कोमट करुन प्या. तर दररोज सकाळी उपाशी पोटी लसणाच्या पाकळ्या खाल्ल्याने शंभर आजार शरीरापासून दूर राहतात. तसंच यामुळे सर्विक्स उघडण्यामध्ये देखील मदत मिळते. तुम्ही जेवणामध्ये देखील लसणाचा वापर करु शकता. लसूण गर्भावस्थेतील थकवा दूर करण्यास लाभदायक ठरते. आलं-लसणाचं सेवन केल्याने चक्कर व उलटीच्या समस्येपासूनही मुक्ती मिळते.

(वाचा :- प्रेग्नेंसीमध्ये फक्त ‘या’ पद्धतीनेच करा पनीरचं सेवन!)

ओव्याचे लाडू व कोमट पाणी

ओव्याचा गुणधर्म उष्ण असतो आणि ओवा नॉर्मल डिलिव्हरीसाठी मदत करतो. तुम्ही प्रेग्नेंसी मध्येच नाही तर डिलिव्हरी नंतर देखील हे लाडू खाऊ शकता. यामुळे शरीराला ताकद मिळते. तसंच प्रेग्नेंसी दरम्यान भरपूर पाणी प्यायलं पाहिजे व कोमट पाणी तर या काळात खूपच लाभदायक असतं. यामुळे स्नायूंमधील तणाव कमी होतो. थंड पाणी किंवा थंड पदार्थ खाल्ल्याने स्नायू संकुचन पाऊ शकतात. स्नायू आखडल्यामुळे डिलिव्हरीवेळी समस्या निर्माण होऊ शकते. त्यामुळे गर्भावस्थे दरम्यान गरम पदार्थ खाणं उत्तम पर्याय आहे.

(वाचा :- प्रेग्नेंसीमध्ये थायरॉइडची गोळी खाणं योग्य आहे का?)

खजूर व दूध-तूप

दूध गरम करुन त्यात खजूर घाला. दूध उकळल्यानंतर प्या. तुम्हाला हवे असल्यास गरम दुधासोबतही खजूराचे सेवन करु शकता. असं म्हटलं जातं की, नवव्या महिन्यात दूधात साजूक तूप घालून प्यायल्याने गर्भाशय व योनी चिकट म्हणजेच मुलायम होते. ज्यामुळे नॉर्मल डिलिव्हरी होण्यास मदत मिळते. पण दूधात साजूक तूप घालून प्यायल्याने वजन जास्त वाढतं, त्यामुळे जर तुमचं वजन आधीपासूनच जास्त असेल तर तूपाचे सेवन कमी करा. चीज, कॉफी, दारु, अपाश्चरायझ दूध या पदार्थांचे सेवन या काळात कटाक्षाने टाळले पाहिजे.

(वाचा :- गर्भावस्थेमध्ये योनीतून सफेद पाणी येत असल्यास करा ‘हे’ घरगुती रामबाण उपचार!)


Source link

You may also like...

Leave a Reply

Your email address will not be published. Required fields are marked *