नॉर्मल डिलिव्हरी हवी असल्यास करा बद्धकोणासन, आई व बाळ राहिल स्वस्थ!

Spread the love

बद्धकोनासन

बद्धकोनासन हा योग आसनामधला एक प्रकार असून त्याच्या नियमित अभ्यासाने शरीरात अशा प्रकारचे बदल होतात जे नॉर्मल डिलिव्हरीसाठी पूरक असतात. या योग आसनामुळे पेल्वीस उघडण्यास मदत मिळते आणि डिलिव्हरीसाठी कुल्ह्यांचे जोड ढिले होतात. म्हणूनच जाणकार आणि तज्ञ सुद्धा बद्धकोनासन करण्याचा सल्ला गरोदर स्त्रियांना देतात. आता आपण जाणून घेऊया की बद्धकोनासन करण्याचे नेमके फायदे काय आहेत आणि हे आसन करण्याची योग्य पद्धत कोणती आहे.

(वाचा :- प्रेग्नेंसीमध्ये ‘या’ गोष्टींचा विचार करुन भावूक होतात महिला!)

शरीरात लवचिकपणा निर्माण होतो

बद्धकोनासन केल्याने केवळ नॉर्मल डिलिव्हरीमध्ये फायदा होतो असे नाही तर बद्धकोनासन केल्याने विविध प्रकारचे लाभ होतात. हे आसन केल्याने शरीरातील रक्तप्रवाह सुधारतो. किडनी, प्रोटेस्ट ग्लेंड, मूत्राशय, गर्भाशय आणि पोटाच्या आतील अवयव या आसनामुळे सक्रीय होतात. हे आसन जांघ आणि कुल्ह्यांच्या स्नायुंमध्ये लवचिकपणा निर्माण करते. या आसनाच्या मदतीने सायटीकाच्या वेदनेपासून सुद्धा आराम मिळतो. बद्धकोनासन हे गरोदर स्त्रीच्या शरीरात लवचिकपणा निर्माण करते. यामुळे डिलिव्हरी वेळी स्त्रीला मदत मिळते आणि वेदना कमी होतात. हे आसन शरीराला सक्रीय ठेवते ज्यामुळे नॉर्मल डिलिव्हरी होण्याची शक्यता वाढते. डिलिव्हरीच्या वेळेस पेल्वीस आणि याच्याशी जोडलेले स्नायू आणि लिंगामेंट यांवर मोठा प्रभाव पडतो म्हणूनच बद्धकोनासन हे या भागांना लवचिक बनवते. यामुळे डिलिव्हरी नंतर होणारे त्रास सुद्धा कमी होतात.

(वाचा :- प्रेग्नेंसीमध्ये घरच्या घरी तयार करा आपलं ब्युटी पार्लर! असे बनवा विविध DIY फेस मास्‍क/पॅक)

कंबरदुखीपासून आराम

बद्धकोनासन करताना कंबर सरळ असते आणि यामुळे पोश्चर मध्ये अधिक सुधारणा होते. ज्यामुळे कंबरेच्या वेदनेपासून आराम मिळतो. गरोदरपणाच्या तिसऱ्या तिमाहीमध्ये कंबरदुखी अतिशय त्रास करते आणि बद्धकोनासनामुळे या वेदनेपासून आराम मिळतो. म्हणूनच प्रत्येक गरोदर स्त्रीने आपल्या गरोदरपणाच्या काळात बद्धकोनासनाला महत्त्व दिले पाहिजे आणी न चुकता बद्धकोनासन करायला हवे. जाणकार सुद्धा आवर्जून बद्धकोनासनाचा सल्ला स्त्रियांना देतात कारण त्यामुळे स्त्रीच्या शरीराला खूप लाभ मिळतात.

(वाचा :- Pregnancy glow : प्रेग्नेंसीमध्ये महिलांच्या चेह-यावर का येतं चंद्रासारखं तेज?)

बद्धकोनासन करण्याची पद्धत

बद्धकोनासन करताना सर्वप्रथम दंडासनाच्या स्थितीमध्ये बसावे. दोन्ही पायांना गुडघ्यांमधून वाकवून जमिनीवर ठेवा. यावेळी तुमच्या दोन्ही पायांचे तळवे एकमेकांशी जोडलेले असायला हवेत. हातांच्या बोटांना एकदुसऱ्यामध्ये अडकवून पायांच्या खाली ठेवा. कंबर सरळ ठेवा आणि छाती बाहेर असायला हवी. काही वेळ या स्थितीमध्ये राहून दीर्घ श्वास घेण्याचा अभ्यास करा. हळूहळू श्वास घ्या आणि मग बाहेर सोडा. गरोदर स्त्रिया मध्ये मध्ये पाय मोकळे करून रिलॅक्स होऊ शकतात. यानंतर दोन्ही पायांना वर हवेत उचला आणि मग खाली घेऊन या. या स्थितीत तुमचे पाय फुलपाखराच्या पंखासारखे वर खाली होत असतात.

(वाचा :- गर्भपात होण्याची कारणे, लक्षणे आणि संकेत!)

काय खबरदारी बाळगावी?

बद्धकोनासन करताना काही खबरदाऱ्या पाळायला हव्यात. हे आसन एका वेळेला दोन किंवा तीन मिनीटांपेक्षा जास्त वेळ करू नये. गुडघ्यांमध्ये वा पायांमध्ये जोरात वेदना होऊ लागल्यास हे आसन करू नका. जर तुमचे वजन जास्त असेल तर पहिले एका पायाने सराव करा आणि मग दुसऱ्या पायाने सराव करा. गरोदर स्त्रियांनी बद्धकोनासन करण्याआधी एकदा डॉक्टरांचा सल्ला आवर्जून घ्यावा. सहसा बद्धकोनासन करण्याला डॉक्टरांचा विरोध नसतो पण शारीरिक स्थितीनुसर ते योग्य सल्ला देऊ शकतात.

(वाचा :- गर्भसंस्कार म्हणजे काय आणि ते कसे करावेत?)

बद्धकोणासन ठरतं नॉर्मल डिलिव्हरीसाठी लाभदायक!

रक्तप्रवाह सुरळीत करण्यासोबतच अंतर्गत अवयवांची कार्य सुरळीत करणारे बद्धकोणासन |


Source link

You may also like...

Leave a Reply

Your email address will not be published. Required fields are marked *