पत्नी जेनेलियासह रितेश देशमुखने फिटनेस व अवयवदानासाठी केला ‘हा’ मोठा संकल्प

Spread the love

बॉलिवूड अभिनेता रितेश देशमुख आणि त्याची पत्नी जेनेलिया देशमुखने या वर्षाच्या सुरूवातीला शाकाहारी होण्याचा संकल्प केला होता. यासह त्यांनी अवयवदान करण्याचाही निर्णय घेतला आहे. अवयवदानाचा निर्णय घेतल्यानंतर शरीर निरोगी राहावे, यासाठी रितेश आणि जेनेलिया शाकाहार खाद्यपदार्थांचे सेवन करण्यासह अन्य गोष्टींची काळजी घेताना दिसत आहेत. महत्त्वाचे म्हणजे संकल्प पूर्ण करण्यासाठी दोघंही काही नियमांचे काटेकोरपणे पालन देखील करत आहेत.

चाहत्यांसाठी खास भेट

दरम्यान या दोघांनी आपल्या चाहत्यांसाठी ६ ऑक्टोबर ते १० ऑक्टोबरदरम्यान स्मार्ट प्रोटीन समिटचे (Smart Protein Summit) आयोजन देखील केलं आहे. आपल्या सोशल मीडिया अकाउंटद्वारे त्यांनी चाहत्यांना याबाबतची माहिती दिली आहे.
(World Vegetarian Day शाकाहाराद्वारे पोषक घटकांची कमतरता कशी भरून निघते?)

स्मार्ट प्रोटीन समिटची माहिती

​मांसाहारासह या गोष्ट देखील केल्या वर्ज्य

रितेश (Riteish Deshmukh) आणि जेनेलियाने (Genelia Deshmukh) शाकाहार तसंच अवयवदानाचा (Body Organ Donation) संकल्प अतिशय गांभीर्याने घेतल्याचे दिसत आहे. शरीर निरोगी ठेवण्यासाठी या दोघांनी मांसाहारी खाद्यपदार्थ (Non-Vegetarian Food) खाणे बंद केलं आहेच, शिवाय ब्लॅक कॉफी आणि शीतपेये पिण्याची सवय देखील सोडून दिली आहे.

(तास-न्-तास एकाच जागी बसून काम करताय का, हृदयाची काळजी कशी घ्यावी?)

​कसे होतं शरीराचे नुकसान?

मांसाहार आणि ब्लॅक कॉफीमुळे शरीराचे कसे नुकसान होते? असा प्रश्न तुमच्या मनात डोकावला असावा. तर जाणून घेऊया या प्रश्नांची उत्तरे. कॉफीमध्ये कॅफीनचे प्रमाण जास्त असते. जी लोक ब्लॅक कॉफीचे अति प्रमाणात सेवन करतात, त्यांचे शारीरिक नुकसान अधिक होतं. हे नुकसान धूम्रपानाच्या सवयी इतकेच धोकादायक असतात.

(स्त्रियांमध्ये आढळणाऱ्या या आजाराचा सामना करतेय सोनम कपूर, चाहत्यांसोबत शेअर केल्या टिप्स)

रितेश आणि जेनेलियाचा अवयवदानाचा निर्णय

​या गोष्टीही ठेवा लक्षात

– मांसाहारामुळे कित्येक गंभीर आजारांची लागण होऊ शकते. यापैकी असे काही आजार आहेत ज्यावर औषधोपचार करणं देखील आव्हानात्मक ठरू शकते. कारण मांस विक्रेत्यांद्वारे कित्येकदा आजारी जनावराचेही मांस विकले जाते, याचे सेवन करणाऱ्यांना आजारांची लागण होऊ शकते.

– अर्धवट शिजवलेले मांस खाल्ल्याने यकृत आणि आतड्यांशी संबंधित गंभीर आजार होण्याची भीती असते. मांसाहाराच्या सेवनाने अनेक प्रकारचे विषाणूजन्य रोग देखील पसरतात.

(आरोग्यासाठी अंडे खाण्याची योग्य वेळ कोणती? जाणून घ्या अंडे शिजवण्याची योग्य पद्धत)

​पचनसंस्थेचं नुकसान

  • मांस शिजवण्यासाठी तेलचा भरपूर प्रमाणात वापर केला जातो. तसंच मांसाहारी खाद्यपदार्थ शाकाहाराच्या तुलनेत पचण्यास अतिशय जड असतात. यामुळे आपल्या पचन संस्थेवर वाईट परिणाम होतात.
  • मांसाहारातील तेल, चरबीयुक्त पदार्थ आपल्या शरीरामध्ये जमा होतात. ज्यामुळे चरबी वाढण्याची शक्यता असते. सोबत कोलेस्ट्रॉलची पातळी देखील वाढू लागते. कोलेस्ट्रॉल वाढल्यास हृदयविकारासह अन्य आजारांना आयते निमंत्रण मिळते.

(मधुमेह होण्याची नवी कारणे? जाणून घ्या डॉक्टरांनी सांगितलेली संशोधनातील महत्त्वाची माहिती)

  • रात्रीच्या वेळेस मांसाहार केल्यानं पचनाशी संबंधित समस्या निर्माण होऊ शकतात. अपचन, पोट फुगणे, पोट जड होणे, गॅस किंवा आंबट ढेकर येणे यासारख्या समस्यांचा सामना करावा लागण्याची शक्यता आहे.

​रात्रीच्या वेळेस मांसाहार करावा?

  • रेस्टॉरंटमध्ये मिळणारे मांसाहारी खाद्यपदार्थ चांगले आहेत की नाही? योग्य पद्धतीने शिजवले आहेत की नाही? याबाबतची माहिती जाणून घेणे फार कठीण असते.
  • मांसाहार केल्यानं संक्रमण वाढण्याची शक्यता अधिक असते.
  • शाकाहारी खाद्यपदार्थांच्या तुलनेत मांसाहारामध्ये जास्त प्रमाणात मसाल्यांचा वापर केला जातो. अशा प्रकारच्या स्वयंपाकाचे नियमित सेवन केल्यास अ‍ॅसिडिट, आतड्यांशी संबंधित त्रास किंवा यकृत विकार होण्याची भीती असते.

(कंबरदुखी दूर करण्यासाठी व कमरेच्या स्नायूंसाठी उपयुक्त आसन, वाचा तज्ज्ञांनी दिलेली माहिती)

NOTE तुम्हाला आपल्या आहारामध्ये बदल करायचे असल्यास सर्व प्रथम ओळखीच्या डॉक्टरांशी संपर्क साधावा. त्यांच्या सल्ल्यानुसारच आहारामध्ये योग्य ते बदल करावेत.




Source link

You may also like...

Leave a Reply

Your email address will not be published. Required fields are marked *