पराठा लव्हर्ससाठी बेस्ट आहे हा ऋतू, नाश्त्यात खा ‘हा’ पराठा आणि दिवसभर राहा एनर्जेटिक!

Spread the love

हिवाळ्याच्या दिवसांत भूक अधिक प्रमाणात लागते. त्यामुळे थंडीच्या दिवसांत हेवी म्हणजेच जड आहार घेतला जातो. कारण या काळात पचनक्रिया व्यवस्थित गतीशील असते आणि या दिवसांत शरीराला उर्जा देखील चांगली मिळते. हिवाळ्यात अनेक भाज्या बाजारात येतात शिवाय या भाज्या स्वस्तातही मिळतात. पण ब-याच जणांना भाज्या आवडत नाहीत. अशा लोकांनी त्याचे पराठे करुन खाल्ल्यास पौष्टिक व सात्विक आहारही पोटात जाईल शिवाय जिभेचे चोचलेही पुरवले जातील.

दही, लोणी, पुदीना-कोथिंबीर चटणी किंवा बटरसोबत हे पराठे खाल्ल्यास याचे शरीराला दुप्पट आरोग्यदायी लाभ मिळतात. खरंतर सकाळची न्याहारी म्हणून पराठे (benefits of paratha) खाल्ले तर भूक लवकर लागत नाही. पोट व्यवस्थित भरलेले राहिले की चिडचिड होत नाही. पराठे बनवण्यास अगदी सोपे असतात शिवाय चहाबरोबर त्याचा स्वाद काही औरच लागतो. पराठ्यामध्ये कधी जीरे पावडर टाकली तर एक वेगळीच चव तयार होते.जर तुम्ही देखील पराठा लव्हर्स असाल तर या दिवसांत पराठ्यांचा मनमुराद आनंद लुटू शकता.

मेथीचे पराठे

मेथीची भाजी खूपच पौष्टिक पालेभाजी मानली जाते. तुम्ही ही मेथीची भाजी पराठे किंवा पुरी बनवण्यासाठी फिलर्सच्या रुपात वापरु शकता. पराठ्यांबाबतीत खास गोष्ट ही आहे की तुम्हाला या रेसिपीसाठी जास्त मेहनत व वेळ खर्ची घालण्याची गरज पडत नाही. कारण मेथी बारीक चिरुन कणकेत मळून ते गोळे पोळीसारखी लाटले की झाले आपले पराठे तयार. मेथी पराठे बनवताना कणकेमध्ये म्हणजेच पिठात थोडसं काळं मीठ आणि थोजसं हिंग अवश्य घाला. यामुळे पराठ्यांचा स्वाद देखील वाढेल व पचनक्रियाही सुरुळीत राहिल.

(वाचा :- चहाव्यतिरिक्त असा करा आल्याचा वापर, आरोग्यास मिळतील अगणित लाभ!)

भरपूर पौष्टिक असते मेथीची पालेभाजी

मेथीची भाजी म्हटलं की, सर्वप्रथम तिच्यातील कडवटपणा डोळय़ांसमोर येतो. मेथी चवीला कडवट असली तरी शरीराला पोषक ठरणारे घटक तिच्यात भरभरून आहेत. कोणत्याही ऋतूत आवर्जून खावीशी वाटणारी भाजी म्हणजे मेथीची पालेभाजी. सर्व पालेभाज्यांमध्ये मेथी अव्वल आहे. मेथीची पाने जशी गुणकारी आहेत तसे मेथीचे दाणेही तितकेच औषधी आहेत. हिरवी मेथीची भाजी देखील मेथी दाण्यांसारखीच औषधी असते. पोषणाच्या बाबतीतही ही भाजी गुणकारी असते. मेथीच्या भाजीत अ‍ॅंटीबॅक्टेरियल व अ‍ॅंटीइन्फ्लामेट्री गुणधर्म असतात. त्यामुळे ती शरीराला संसर्गजन्य रोगांपासून व आतील सूजेपासून बचाव करण्यास मदत करते.

(वाचा :- बहुतांश लोकांना माहितच नाही पेरूच्या पानांचा वापर करण्याची ‘ही’ योग्य पद्धत!)

दिवसभर राहाल एनर्जेटिक

तुम्हाला माहित आहे का मेथीत फायबर व प्रोटीन अधिक प्रमाणात असते. त्यामुळे हे दोन्ही घटक शरीराला सतत उर्जा देण्याचं काम करतात. नाश्त्यामध्ये मेथीच्या पराठ्यांचं सेवन केल्यास पोट दिवसभर भरलेलं राहतं व सतत क्रेविंगची समस्या उद्भवत नाही. यामुळे तुम्ही अतिरिक्त कॅलरीज घेण्यापासून वाचता. म्हणजेच एकदा पराठा खाल्ला तर तुम्ही दिवसभर उर्जावान फिल करु शकता. काहीही न खाता पिताही दिवसभर तुम्ही न थकता काम करु शकता.

(वाचा :- डोकेदुखीचा त्रास होतोय? मग त्यामागे असू शकतात ‘ही’ कारणं!)

मेथी शरीराला गरम ठेवते

हिरव्या मेथीचा गुणधर्म उष्ण असतो. त्यामुळे मेथी हिवाळ्याच्या दिवसांत शरीराला आतून उष्णता देण्याचं काम करते. ज्या लोकांना अधिक थंडी लागते व थंडीचा त्रास होतो त्यांनी आठवड्याभरात कमीत कमी ३ ते ४ वेळा तरी हिरव्या मेथीच्या पालेभाजीचे सेवन केले पाहिजे. भाजी आवडत नसेल तर मेथीचे पराठे देखील उत्तम पर्याय आहे. पराठे बनवताना तुम्ही मोहरीच्या तेलाचाही वापर करु शकता. कारण मोहरीचे तेलही शरीराला उष्णता प्रदान करतं.

(वाचा :- ‘या’ ५ खास कारणांमुळे हिवाळ्यात केले जाते शेंगदाण्यांचे अधिक प्रमाणात सेवन!)

सुपाच्य असतात हे पराठे

साधारणत: लोक पराठं खाणं टाळतात कारण यामुळे फॅट म्हणजेच चरबी वाढते आणि ते खाल्ल्यावर पोट गच्च गच्च वाटू लागतं. पण मेथीच्या पराठ्यांसोबत असं होत नाही. कारण मेथीचा गुणधर्म उष्ण असतो व ती सुपाच्य असते. ज्या लोकांना पचनाशी निगडीत समस्या आहेत त्यांनी मेथीचे पराठे व मेथीच्या भाजीचे सेवन करावे. यामुळे पचनक्रिया सुरुळीत राहिल आणि बद्धकोष्ठतेसंबधी समस्याही दूर होतील. सुजलेले स्नायू, पोटदुखी व गॅस यांच्यावरील उपायांसाठी मेथीचा वापर केला जातो.

(वाचा :- कोणत्याही वयातील व्यक्तीचा गुडघ्याचा आजार एकपाद सुप्तवज्रासन करतं ठणठणीत बरा!)


Source link

You may also like...

Leave a Reply

Your email address will not be published. Required fields are marked *