पहिल्यांदा आई होणा-या महिलांना अभिनेत्री जेनेलिया डिसूझाने दिल्यात ‘या’ खास टिप्स!

Spread the love

जेनेलिया डिसुझा (genelia dsouza) म्हणजे एकेकाळच्या सर्वात सुंदर अभिनेत्रींपैकी एक आणि आताच्या बॉलीवूड मधील (bollywood actress) सर्वात आदर्श आईंपैकी एक होय. जेनेलियाने आपल्या संसाराकडे पूर्ण लक्ष देता यावं म्हणून आपल्या करियरवर पाणी सोडलं. आज ती दोन मुलांची आई आहे आणि अगदी कसलेल्या स्त्री प्रमाणे दोघांचा सांभाळ करत आहे. तिने जरी अभिनयातुन काढता पाय घेतला असला तरी इतर व्यवसायांमध्ये ती आवर्जून लक्ष घालते आणि तिच्याकडून संसार व कामाचे हेच संतुलन शिकून घेण्यासारखे आहे.

प्रत्येक नवीन आईला किंवा ज्या स्त्रिया आता आईच्या भूमिकेत रुजू होणार आहेत त्यांच्यासाठी जेनेलिया म्हणजे आदर्श आहे. आज तिच्याच जीवनातील काही महत्त्वाच्या गोष्टी आम्ही तुम्हाला सांगणार आहोत, ज्यातून तुम्हाला आई म्हणून वावरताना करियर आणि संसार कसा बॅलेन्स करावा याच्या टिप्स (tips for new mothers) मिळतील.

जेनेलियाचा सल्ला

एका मुलाखती मध्ये जेनेलियाने आई म्हणून वारतानाचे आपले मत व्यक्त केले होते. ती म्हणाली होती, “कोणत्याही आधुनिक स्त्रीसाठी तिचे करियर महत्त्वाचे असते, मात्र आई होण्याची भावना सुद्धा आयुष्यात एकदाच मिळते. तुम्ही आई होणे हा देवाने जणू तुम्हाला दिलेला प्रसाद असतो व तो आपण स्वीकार करायला हवा. मुलांची जबाबदारी हि जबाबदारी म्हणून न पाहता ती एन्जोय करायला शिकावी. त्यांच्या सोबत आनंदचे क्षण घालवावेत. कोणतीही गोष्ट हि ताण घेऊन केली तर त्याचे नकारात्मक परिणाम होतात. म्हणून आईची भूमिका प्रत्येक स्त्रीने एन्जोय करावी.

(वाचा :- लहान वयात आई झालेली मीरा राजपूत मुलांना सांभाळताना येणा-या अडथळ्यांवर अशी करते आहे मात!)

कशी आई आहे जेनेलिया?

तुम्हालाही प्रश्न पडला असेल ना कि जेनेलिया आई म्हणून आदर्श आहे म्हणजे ती नेमकी कशी आई आहे. तर मंडळी जेनेलिया आपला पूर्ण वेळ आपल्या मुलांसाठी देते. त्यात ती अजिबात हयगय करत नाही. स्वत:ला झालेला त्रास सुद्धा लपवते आणि मुलांच्या काळजीमध्ये कमी पडणार नाही याची खात्री बाळगते. तिच्या मते मुले मोठी होईपर्यंतच आपण त्यांना सांभाळणार असतो. त्यामुळे त्यांना योग्य प्रकारे सांभाळणे आणि चांगल्या गोष्टी शिकवणे आपल्याच हातात असते आणि आपण या वेळेचा नीट वापर करून मुलांना घडवलं पाहिजे.

(वाचा :- मुलांना हेल्दी बनवण्यासाठी डाएटिशियन ऋजुता दिवेकरचे ‘हे’ ५ नियम करा आवर्जून फॉलो!)

स्वत:च्या आईचे कष्ट आठवतात

जेनेलिया म्हणते की, “जेव्हा एखादी स्त्री आई होते आणि एका आदर्श आईप्रमाणे आपल्या मुलांची जबाबदारी घेते त्यातून ती अनेक गोष्टी शिकते व त्यापैकीच अजून एका गोष्टीची जाणीव स्वत:ला होते ती म्हणजे आपल्या आईने घेतलेली मेहनत होय. आपल्या आईने आपल्याला सांभाळताना काय कष्ट घेतले, स्वत:च्या आवडत्या गोष्टींचा त्याग कसा केला, आपल्यासाठी ती 24 तास कशी हजार राहायची या सगळ्या गोष्टी स्वत: आई म्हणून वावरताना आठवतात.”

(वाचा :- तीन वर्ष झाल्यानंतरही बाळाने बोलण्यास सुरुवात न केल्यास असू शकतो ‘हा’ आजार!)

आयुष्य बदलून जाते

आई झाल्यावर आयुष्य अक्षरश: बदलून जाते हे जेनेलिया सुद्धा कबूल करते. मात्र हे सगळे बदल स्त्रीने स्वीकारले पाहिजेत. जर हे बदल स्वीकारले नाहीत तर नेहमी चिडचिड होत राहील आणि त्याचा परिणाम मुलांच्या संगोपनावर होईल. जेनेलियाने सुद्धा आपली लक्झरी लाईफ बाजूला ठेवून आईच्या भूमिकेत प्रवेश केला आणि जे काही बदल घडले ते स्वीकारले. स्त्री हि एक योद्धा असते व तिने आयुष्यात येणाऱ्या प्रत्येक गोष्टीला सामोरे गेले पाहिजे. जर आपण त्या गोष्टीला सामोरे गेलो नाही तर आपण कधीच त्या गोष्टीची जुळवून घेऊ शकत नाही असे जेनेलियाला वाटते. जेनेलियाचा हा संदेश प्रत्येक स्त्रीसाठी मोलाचा आहे.

(वाचा :- बाळाचे केस नैसर्गिकरित्या घनदाट करण्यासाठी ट्राय करा ‘हे’ रामबाण घरगुती उपाय!)

मुलांना सर्वाधिक प्राधान्य

मुलांना सर्वाधिक प्राधान्य देणे हे आई झाल्यांनतर प्रत्येक आईचे कर्तव्य आहे हे जेनेलिया सांगते. या काळात मुलांना आईची सर्वाधिक गरज असते आणि त्यांची ती गरज आई म्हणून आपण पूर्ण केली पाहिजे. त्यांना सर्वाधिक वेळ देणे, नवनवीन गोष्टी शिकवणे, त्यांच्या सोबत वेळ घालवणे, रात्रीचे त्यांना जवळ बसवून त्यांच्याशी गप्पा मारणे यांसारख्या गोष्टी सुद्धा जबाबदारी सोबत पार पाडल्या तर त्याचा परिणाम म्हणून मुलांसोबत घट्ट नाते निर्माण होते. तर मंडळी या काही टिप्स आहेत ज्या तुम्ही आवर्जून आईच्या भूमिकेत वावरताना पाळा आणि मुलांचे उत्तमरित्या संगोपन करा.

(वाचा :- लहान मुलांना झालेली डिहायड्रेशनची समस्या कशी ओळखावी व त्यावर उपाय काय?)


Source link

You may also like...

Leave a Reply

Your email address will not be published. Required fields are marked *