पहिल्या भेटीत ‘या’ चुका करणा-या मुलांवर मुली होतात नाराज!

Spread the love

यात काहीच शंका नाही की, एखादं नातं घट्ट होण्यासाठी भेटीगाठी व संवाद खूपच महत्त्वाचं असतं. ऑनलाईन युगात जोपर्यंत जोडीदाराच्या डोळ्यांत विश्वास किंवा प्रेम दिसत नाही तोपर्यंत नातं घट्ट झालं असं समजूच शकत नाही. पहिल्या भेटीसाठी जोडपी न जाणो किती तयारी करतात, किती उत्साहात असतात पण तरीही म्हणावं तितकं ते जोडीदाराला इम्प्रेस करु शकत नाहीत. कारण पहिल्या भेटीत आपण अशा काही चुका करतो जे आपलं झालेलं काम बिघडवतात. असंच काहीसं बॉलीवूड अभिनेत्री प्रियांका (priyanka chopra) व निक जोनससोबत (nick jonas) झालं.

झालं असं होतं की, तब्बल ६ महिने फक्त मेसेजेसवर बोलल्यानंतर प्रियांका व निक मेट गाला इव्हेंटमध्ये भेटले होते. तिथे त्यांनी एकांतात वेळ घालवण्याचा प्लान केला व ते आपल्या अपार्टमेंटमध्ये गेले. तासनतास संवाद साधल्यानंतरही निकने प्रियाकांच्या मनातील एक इच्छा पूर्ण केली नाही जे तिला काही रुचलं नाही. तर असं आपल्यातील ब-याच जोडप्यांसोबत झालं असेल किंवा घडू शकतं. त्यामुळे पहिल्या भेटीत छोट्यात छोट्या गोष्टीलाही काळजीपूर्वक हाताळण्याचा प्रयत्न करावा. त्यातील महत्त्वाच्या गोष्टींबद्दल जाणून घेऊया.

सतत फोनमध्ये पाहणं

खूप लोकांना हे माहितच नसतं की, पहिल्यांदा डेटवर गेल्यावर सतत फोनमध्ये डोकावून पाहणं देखील नात्यासाठी धोक्याची घंटा होऊ शकते. अशामुळे समोर बसलेल्या व्यक्तीला वाटतं की, तुम्ही त्यांना भेटून कंटाळला झाला आहात किंवा तुम्हाला त्यांच्याशी बोलण्यात काडीमात्रही रस उरलेला नाही. यामुळे ते तुमच्याशी तितके कम्फर्टेबल होऊ शकत नाहीत जितकं त्यांनी भेटण्याआधी ठरवलेलं असतं. त्यामुळे तुम्ही जोडीदारालाच नाही तर कोणालाही भेटायला जाल तेव्हा फोनमध्ये सतत गुंतून राहणार नाही याची नक्की काळजी घ्या व त्या व्यक्तीला जास्तीत जास्त वेळ देण्याचा प्रयत्न करा.

(वाचा :- पती-पत्नीचे हे गुण एकमेकांसाठी असतात चांगली शिकवण!)

आनंदाने स्वागत करणं विसरु नका

बहुतेक मुलं पहिल्या डेटच्या उत्साहात किंवा आनंदात हेच विसरुन जातात की, भेटायला येणा-या मुलीला फक्त फुलांचा गुच्छ किंवा चॉकलेट्स देऊन खुश करता येणार नाही. जर तुम्हाला खरचं तिच्या मनात जागा निर्माण करायची असेल तर तिला कम्फर्टेबल करण्यासोबतच अशा अनेक गोष्टी कराव्या लागतील ज्यामुळे ती तुमचा स्वभाव पहिल्याच भेटीत ब-यापैकी जाणू शकेल. उगाच रोबोटिक संवाद, स्वागत, स्तुती मुलींना नाही आवडत, त्यापेक्षा मनमोकळा संवाद, खरंखुरं मत व्यक्त करणं आणि आनंदाने स्वागत करणं किंवा व्यक्त होणं त्यांना जास्त रुचतं.

(वाचा :- पती-पत्नीचे हे गुण एकमेकांसाठी असतात चांगली शिकवण!)

जोडीदाराच्या पसंतीला प्राथमिकता द्या

जर तुम्ही आपल्या जोडीदाराला एखाद्या गर्दीच्या ठिकाणी भेटणार असाल तर सर्वात आधी त्याच्या/तिच्या आवडी-निवडीचा जरुर विचार करा. इतकंच नाही तर भेटण्याच्या जागेपासून खाण्यापिण्याच्या आवडी-निवडीपर्यंत जोडीदाराच्या पसंतीला प्राथमिकता द्या. यामुळे तुम्हाला दोन फायदे होतील. एक म्हणजे त्यांचे तुमच्या आयुष्यात व मनात किती महत्त्व आहे हे जोडीदाराला समजेल व दुसरं म्हणजे तुमचा हा सॉफ्ट व्यवहार त्यांच्या मनात तुमच्यासाठी विशेष स्थान निर्माण करेल.

(वाचा :- ईशा देओल म्हणते, लग्नानंतरही ‘या’ ३ गोष्टींचा करु नये मुलींनी त्याग!)

घरापर्यंत सोडायला जा

हिंदी मधील ही म्हण तर ऐकलीच असेल की, ‘अंत भला तो सब भला’! हो, जर दिवसभर तुमचा वेळ छान गेला असेल किंवा प्लान केल्याप्रमाणे तुमची डेट यशस्वी झाली असेल तर दिवसाच्या शेवटी आपल्या जोडीदाराला सरप्राईज देण्यास विसरु नका. जर ती घरापासून दूर राहत असेल तर तिच्या हॉस्टेलपर्यंत किंवा घरी सोडायला जरुर जा. यामुळे अजून काही वेळ एकत्र घालवता येईल आणि तुमच्या मनातील काळजी व तुमच्या सुरक्षिततेची जबाबदारी तुम्ही स्विकारली असल्याचं जोडीदाराच्या लक्षात येईल. तसंच जाताना एक गुलाब देण्यास विसरु नका.

(वाचा :- रुबीना दिलैक घेणार होती नव-याकडून घटस्फोट, टोकाला गेलेल्या वादातून नातं कसं वाचवावं?)

घरी गेल्यानंतर मेसेज करणं

काही लोक डेट झाली की आपली जबाबदारी संपली किंवा जोडीदार खुश झाला असं समजतात. पण हे अत्यंत चूक आहे. दिवसभर एकत्र वेळ घालवल्यानंतर जेव्हा तुम्ही घरी जाल तेव्हा जोडीदाराला एक मेसेज जरुर करा की आजचा दिवस कसा वाटला? आजच्या दिवसातलं काय आवडलं व काय नाही आवडलं? पुन्हा डेटवर येण्याची तिची/त्याची इच्छा आहे का? काय कमी होतं किंवा काय ओव्हर होतं? सरप्राईज कसे वाटले? स्वभाव कसा वाटला? सारं काही जाणून घेण्याचा प्रयत्न करा. कारण भेटून गेल्यानंतर संवाद न साधल्यास पुन्हा एकदा संवादाची दरी निर्माण होऊ शकते जी नात्यातील इंटरेस्ट कमी करु शकते. तुम्ही आपुलकीने केलेली विचारपूस नक्कीच जोडीदाराला भावेल व तो मनोमन तुमच्यावर खुश होईल. कधी कधी आर्थिक समाधानापेक्षा मानसिक समाधान खूप मोठं असतं.

(वाचा :- आनंदी नात्याचे ५ खास पैलू!)


Source link

You may also like...

Leave a Reply

Your email address will not be published. Required fields are marked *