पोटावर झोपण्याची सवय आहे? या ६ समस्या उद्भवण्याची शक्यता

Spread the love

काही जण एका कुशीवर तर काही जणांना पोटावर झोपण्याची सवय असते. पोटावर झोपल्यानं चांगली आणि गाढ झोप येते, असे त्यांना वाटते. पण अशा पद्धतीनं झोपण्याच्या सवयीमुळे शरीरावर नकारात्मक परिणाम होण्याची शक्यता अधिक असते. यामुळे आजारांची लागण होऊ शकते. सोबत शारीरिक दुखण्याचीही समस्या निर्माण होते. पोटावर झोपण्याच्या सवयीमुळे शरीरावर होणाऱ्या दुष्परिणांमाची माहिती जाणून घेऊया.

​डोके जड होणे

– काही जण सकाळी उठल्यानंतर डोके दुखत असल्याची तक्रार करतात. तर काही जणांचे डोके दिवसभर जड राहते. पोटावर झोपल्यामुळेही या समस्या उद्भवू शकतात.

– जेव्हा आपण पोटावर झोपतो आणि उशीवर डोके ठेवतो. त्यावेळेस आपली मान खालील बाजूस वळते. यामुळे मेंदूला होणाऱ्या रक्त पुरवठ्यामध्ये अडथळा निर्माण होतो.

– डोक्यामध्ये एक प्रकारे रिक्तपणा आणि तणाव निर्माण होतो. यामुळे डोके दुखी आणि डोके जड होते. तर काही जणांना मळमळ होण्याचाही त्रास होतो.

(वाचा : Heart Disease: तरुणांमध्ये वाढत आहे हृदयविकारांचे प्रमाण, ही आहेत ६ मुख्य कारणे)

​कंबर दुखी वाढते

– पोटावर झोपणाऱ्या लोकांना कंबर दुखीचा त्रास सहन करावा लागतो. पोटावर झोपल्यानं आपल्या पाठीच्या कण्यावर परिणाम होतो. यामुळे मणक्यांची रचना हलण्याची शक्यता असते.

– चुकीच्या पद्धतीनं झोपलात तर पाठीचा कणा तसंच कमरेवर अतिरिक्त ताण येतो. पाठीच्या मणक्याला इजा होण्याची शक्यता असते. यामुळे कंबर दुखीच्या समस्या निर्माण होतात. या वेदना कमरेच्या कोणत्याही भागात उद्भवू शकतात. पाठीचा कणा हा आपल्या शरीराचा आधार असतो. त्यामुळे झोपताना काळजीपूर्वक झोपावे.

(वाचा : Milk And Honey Benefits : रात्री झोपण्यापूर्वी प्या दूध आणि मध, या आजारांपासून होईल संरक्षण )

​बद्धकोष्ठतेचा त्रास

– जी लोक पोटावर झोपतात त्यांना अपचन, बद्धकोष्ठता, पोट दुखी यांसारख्या समस्यांचा त्रास असतो. पालथे झोपल्यानं आपल्या पोटावर जास्त प्रमाणात दबाव येतो आणि अन्नपदार्थाचे पचन होण्यास अडचणी निर्माण होतात.

– पचन प्रक्रियेत अडथळे निर्माण झाल्यास शरीरातील विषारी पदार्थ बाहेर फेकली जात नाहीत. शरीरामध्ये अतिरिक्त चरबी जमा होण्यास सुरुवात होते. परिणामी वजन देखील वाढू लागते.

– वजन वाढल्यास अन्य आजारांना आयते निमंत्रण मिळते.

(वाचा : Health Tips: वजन घटवण्यासाठी बुलेटप्रूफ काॅफी पिताय का? जाणून घ्या हे दुष्परिणाम)

​वायू विकार

– पोटावर झोपल्यानं शरीरामध्ये वायुच्या प्रवाहातही अडथळे निर्माण होतात. यामुळे शरीराच्या अवयवांमध्ये तीव्र वेदना होऊ लागतात. वायू विकारांमुळे ही शारीरिक दुखणी वाढतात.

– पालथे झोपल्यानं जेवणाच्या पचनानंतर उत्सर्जित होणार वायू शरीराबाहेर फेकली जात नाही. यामुळे साधारणतः सांध्यांचे दुखणे वाढते.

– सांधे दुखीचा त्रास टाळण्यासाठी पोटावर झोपण्याची सवय थांबवा. संतुलित आहार घ्या.

– नियमित व्यायाम, योगासने करा.

– त्रास जास्त वाढल्यास डॉक्टरांचा सल्ला घ्या.

(वाचा : Covid 19 : करोना व्हायरसचा जगभरातून होणार खात्मा, लस सापडल्याचा इटलीचा दावा)

​हे देखील एक कारण

– पोटात जंतूसंसर्ग झाला असल्यासही तुम्ही कळत-नकळत पोटावर झोपत असाल.

– ज्या लोकांच्या पोटामध्ये जंतूंची समस्या असते, ती लोक साधारणतः पोटावर झोपतात आणि त्यांच्या तोंडातून लाळ देखील गळते.

– लाळ गळण्यामागील कारण सेरेब्रल पाल्सी (प्रमस्तिष्क पक्षाघात) असू शकते. अन्नपदार्थ गिळताना समस्या होत असल्याने सतत लाळ गळते.

– अति प्रमाणात लाळ गळत असल्यास डॅाक्टरांचा सल्ला घ्यावा.

– साधारणतः पचनास हलके असणाऱ्या पदार्थांचे सेवन करा.

(वाचा : Benefits Of Chutney : ‘या’ चवदार चटण्या आहेत आरोग्यासाठी प्रचंड फायदेशीर)

​मुलांवर होतो असा परिणाम

– आरोग्य तज्ज्ञांच्या माहितीनुसार, ज्या लहान मुलांना पोटावर झोपण्याची सवय असते. त्यांच्यामध्ये शारीरिक उंचीशी संबंधित समस्यांचा सामना करावा लागतो.

– पालथे झोपण्याच्या सवयीमुळे मुलांच्या मेंदूच्या विकासावर नकारात्मक परिणाम होतो. सोबतच खूप कमी वयामध्ये पोटाशी संबंधित आजारांची लागण होते.

– त्यामुळे जर तुमची मुले पोटावर झोपत असतील तर त्यांना पोटावर झोपू नये, असे समजावून सांगण्याची जबाबदारी तुमची आहे.

– आपल्या मुलांना पाठीवर झोपण्याची सवय लावा.

(वाचा : How To Get Sleep Early : रात्री लवकर झोप येत नाही? करा हे उपाय)


Source link

You may also like...

Leave a Reply

Your email address will not be published. Required fields are marked *