प्रत्येक नवजात बाळाच्या केसांत फरक असण्यामागील कारणं? बाळाच्या केसांची कशी निगा राखावी?

Spread the love

काय आहे कमी जास्त केसांचे कारण?

या मागचे मुख्य कारण आहे जेनेटिक्स अर्थात अनुवंशिकता! आई आणि वडिलांच्या डीएनए वरून हे ठरते की बाळाच्या डोक्यावर कोणत्या प्रकारचे आणि किती प्रमाणात केस येणार. शिवाय त्या केसांची जडणघडण, रंग, रचना सारं काही सुद्धा आई वडिलांच्याच डीएनएवर अवलंबून असते. या व्यतिरिक्त केसांच्या दाट आणि विरळ प्रमाणाला हार्मोन्स सुद्धा कारणीभूत असतात. ते सुद्धा या फरकामध्ये महत्त्वपूर्ण भूमिका बजावतात. त्यामुळे जर तुमच्या बाळाच्या डोक्यावर कमी किंवा वेगळे केस आले तर त्याचे टेन्शन घेण्याची गरज नाही वा नाराज होण्याची गरज नाही. कारण ही गोष्ट पूर्णपणे सामान्य आहे.

(वाचा :-मुलांना आहारात आवर्जून द्या ‘हे’ पदार्थ, रोगप्रतिकारक शक्तीसोबतच पचनक्रियाही सुधारेल!)

मुंडण केल्याने फरक पडतो का?

भारतीय संस्कृतीमध्ये बाळ एका विशिष्ट वयाचे झाले की त्याचे मुंडण करण्याची प्रथा आहे. या मागे जनमाणसात हा समज आहे की असे केल्याने बाळाला जास्त घनदाट केस येतात. परंतु जाणकार मात्र या समजाला दुजोरा देत नाहीत. जाणकारांच्या मते केस कापल्याने जास्त केस येतात हा समज पूर्णपणे चुकीचा आहे. मुंडण करण्याचा आणि जास्त केस येण्याचा काही संबंध नाही. डोक्यावरचे केस हे डीएनए वर आधारितच असतात. त्यामुळे अन्य कोणत्याही प्रकारे केसांची रचन स्वत:हून बदलू शकत नाही.

(वाचा :- ‘या’ कारणांमुळे कमजोर होते मुलांची रोगप्रतिकारक शक्ती, काळजी घ्या!)

तेलाने मालिश करावी

जर बाळाचे केस अधिक निरोगी करायचे असले तर विविध प्रकारे ते निरोगी केले जाऊ शकतात आणि त्यांना सुरक्षा प्रदान केली जाऊ शकते. यासाठीचा सर्वात रामबाण मार्ग आहे केसांना तेलाने मालिश करणे. नारळाच्या तेलाने केसांना मालिश केल्याने मोठ्या प्रमाणात फायदा होतो. यामुळे बाळाच्या केसांना पोषण मिळते. केसांना योग्य प्रमाणात मॉइस्चराइज करण्यासाठी बाळाच्या केसांना हळूहळू मालिश करावे. आजही ज्या घरात बाळ जन्माला येत त्याच्या केसांना नारळाच्या तेलाने याच गोष्टीसाठी मालिश केली जाते.

(वाचा :- मुलांना देताय व्हिटॅमिनयुक्त आहार? मग ही माहिती जाणून घ्याच!)

केस विंचरणे व योग्य उत्पादनाची निवड करणे

जेव्हा फॉन्टनेल पूर्णपणे बंद होईल तेव्हा तुम्ही बाळाचे केस विंचरू शकता. दिवसातून एकदा नरम दात असलेल्या फणीने बाळाचे केस विंचरावेत. बाजारात खास लहान बाळांच्या केसांसाठी स्पेशल फण्या सुद्धा मिळतात. हळूहळू केस विंचरले तर त्याचा केसांना फायदा होतो. बाळाचे केस हे नाजूक असतात त्यामुळे आपण मोठी माणसे जे शॅम्पू वापरतो ते बाळाच्या केसांसाठी वापरू नयेत. बाळासाठी मिळणाऱ्या स्पेशल उत्पादनांचाच केसांवर प्रयोग करावा अन्यथा केसांना हानी पोहचू शकते.

(वाचा :- बाळाला सर्दी-पडसं झाल्यास करा ‘हे’ घरगुती रामबाण उपाय!)

केस धुणे

बाळाचे केस धुण्यासाठी कोमट पाण्याचा वापर करावा आणि बेबी शॅम्पूचाच वापर करावा. गरम पाणी वा हार्ड शॅम्पूचा वापर केल्यास केसांना हानी पोहचू शकते शिवाय बाळाला सुद्धा त्रास होऊ शकतो. रोज बाळाला अंघोळ घालताना बाळाचे केस फक्त ओले करावेत. रोज शॅम्पूचा वापर करू नये. आठवड्यातून एकदाच बाळचे केस शॅम्पूने धुवावेत. अजून एक महत्त्वाची गोष्ट नेहमी लक्षात ठेवा की बाळाच्या डोक्यावर जोरात पाणी ओतू नका. बाळाच्या केसांमध्ये काही समस्या आढळल्यास एकदा डॉक्टरांचा सल्ला आवर्जून घ्यावा.

(वाचा :- लहान मुलांसाठी अशा पद्धतीने बनवा ओट्सची चविष्ट आणि पौष्टिक खिचडी!)


Source link

You may also like...

Leave a Reply

Your email address will not be published. Required fields are marked *