प्रसिद्ध डिझाइनर तरुण तहिलियानीने लाँच केले ब्रायडल लेहंग्यांचे नवं कलेक्शन

Spread the love

देशातील सुप्रसिद्ध फॅशन डिझाइनर तरुण तहिलियानीने ‘The Age Of Innocence’ या नावांतर्गत नववर आणि नववधुसाठी नवीन कलेक्शन लाँच केले आहे. या डिझाइनरच्या पोषाखांचे वैशिष्ट्य म्हणजे डिझाइन आणि पोषाख तयार करण्याच्या पद्धतीमध्ये आधुनिकता पाहायला मिळते. पण आउटफिटवर करण्यात येणारे काम आणि फिनिशिंग पारंपरिक स्वरुपातच ठेवली जाते. याच कारणामुळे तरुण तहिलियानी यांचे डिझाइन बॉलिवूड अभिनेत्रींमध्ये लोकप्रिय आहेत.

करीना कपूरपासून ते कतरिना कैफ, प्रियंका चोप्रापासून आणि ऐश्वर्या राय – बच्चनपर्यंत यासह अन्य अभिनेत्रींनीही तरुणने डिझाइन केलेले कित्येक आउटफिट आतापर्यंत परिधान केले आहेत.
(सर्व फोटोंचे क्रेडिट : फेसबुक@TarunTahiliani)
प्रसिद्ध डिझाइनरने लाँच केलेल्या नवीन कलेक्शनमधील काही लेहंग्यांचे डिझाइन आपण पाहुया.
(Navratri 2020 हटके लुकसाठी सोन्याच्या दागिन्यांऐवजी परिधान करून पाहा ट्रेंडी सिल्व्हर ज्वेलरी)

​कसीबा एम्ब्रॉयडरी लेहंगा

तरुण तहिलियानीने डिझाइन केलेला हा सुंदर ए-लाइन पॅनल्ड लेहंगा सिल्क फॅब्रिकपासून तयार करण्यात आला आहे. भरतकामामुळे हा लेहंगा आकर्षक दिसत आहे. हा पोषाख तयार करण्यासाठी डिझाइनरने दोन वेगळ्या प्रकारच्या भरतकामाचे तंत्र एकत्रित वापरले आहे. रेशीम धाग्यांच्या मदतीनं तयार केलेल्या सुंदर बॉर्डरसह फुलाफुलांची डिझाइन तुम्ही लेहंग्यावर पाहू शकता. यामध्ये सीक्वंस आणि मोती देखील जोडण्यात आले आहेत. मोती आणि फुलांची डिझाइन असलेली लेहंग्याची ओढणी देखील प्रचंड सुंदर आणि नाजूक आहे.

(प्रेग्नेंसीमध्ये अनुष्का शर्मा परिधान करतेय अशा प्रकारचे स्टायलिश आउटफिट)

​जामेवार लेहंगा

पिस्ता रंगाच्या या लेहंग्यावर हातांनी Jamebar पेंट आणि वर्क करण्यात आलं आहे. अशा प्रकारच्या एम्ब्रॉयडरीमध्ये पाच रंगांच्या धाग्यांचा किंवा रंगांचा उपयोग केला जातो. लेहंग्यामध्ये बेल्टचाही समावेश आहे. या बेल्टवर अतिशय बारीक स्वरुपात भरतकाम करण्यात आलंय. प्रिन्सेस कट डिझाइन ब्लाउजच्या स्लीव्ह्जवर आकर्षक खडे देखील लावण्यात आले आहेत. हेच खडे तुम्हाला बेल्टवरही दिसतील. दुपट्ट्यावरही Jamebar वर्कसह फ्रिंज डिझाइनचा समावेश करण्यात आला आहे.

(ऐश्वर्या रायची ७५ लाख रुपयांची लग्नातील साडी, मौल्यवान खडे व सोन्याच्या धाग्यांचा केला होता वापर)

​सनसेट लेहंगा

नावावरूनच तुमच्या लक्षात आलं असेल की या लेहंग्याच्या डिझाइनमध्ये सनसेटमधील रंगांचा समावेश करण्यात आला आहे. विशेष प्रकारच्या एम्ब्रॉयडरीमुळे लेहंग्याची रंगसंगती अधिकच सुंदर दिसतेय. या पोषाखावर ट्रेलिस स्टिच, गोटा वर्क आणि आकर्षक मण्यांचे डिझाइनचा समावेश आहे. लेहंग्यामध्ये फ्रेंच नॉट्स देखील दिसतंय. लेहंग्याप्रमाणेच ब्लाउज आणि ओढणीवरही सुंदर डिझाइन तुम्ही पाहू शकता.

(इतक्या वर्षांनंतर जेव्हा माधुरी दीक्षितच्या स्टायलिश ड्रेसबद्दल ट्रोलर्स म्हणाले, ‘अखियाँ मिलाऊँ)

​गोल्डन लेहंगा

हा लेहंगा गोल्ड, जेट आणि रूबी शेड डिझाइनमध्ये तयार करण्यात आला आहे. यावरील मोटीफ डिझाइन पूर्णतः डिझाइनरच्या स्टुडिओमध्ये हातांनी पेंट करण्यात आले होते. यावर कुंदन, रूबी, डल रोझ गोल्ड थ्रेड्सचा वापर करण्यात आला आहे. लेहंग्याच्या ओढणीवर लेस आणि Swarovski क्रिस्टल्स जोडले आहेत.

(मायलेकीची जोडी! मिशापासून ते आराध्याने परिधान केला होता आईसारखाच पोषाख)

​पेल रोझ लेहंगा

हलका गुलाबी आणि नीलमणी रंगामुळे या पेल रोझ लेहंग्याला आकर्षक लुक मिळाला आहे. लेहंग्यावर मीनाकारी, काशिदा आणि Jamebar पद्धतीचे भरतकाम करण्यात आलं आहे. आकर्षक लुक देण्यासाठी लेहंग्यावर कुंदन आणि फ्रेंच नॉट्स डिझाइन जोडण्यात आलं आहे.

(चोकर्सची चलती! ट्रेंडनुसार निवडा स्टायलिश नेकलेस)

यामध्ये ऑर्गैंझा सिल्कचा दुपट्टा तुम्ही पाहू शकता. ज्यावर मीनाकारी बुटी डिझाइन आहे. ज्यांना फिकट, हलक्या रंगांचे पोषाख परिधान करणं पसंत आहे, अशा लोकांसाठी हे डिझाइन परफेक्ट आहे.

(Aishwarya Rai केवळ आराध्याच नव्हे तर या ५ गोष्टींपासूनही दूर राहू शकत नाही ऐश्वर्या राय-बच्चन)


Source link

You may also like...

Leave a Reply

Your email address will not be published. Required fields are marked *