प्रेग्नेंसीमधील पोटदुखी दूर करण्यासाठी ट्राय करा ‘हे’ सुरक्षित घरगुती उपाय!

Spread the love

मेडीटेशन आणि योग

गरोदर स्त्रियांना नेहमीच मेडीटेशन आणि योग करण्याचा सल्ला विविध फायदे पाहून दिला जातो आणि मेडीटेशन व योग करण्याचा एक फायदा म्हणजे यामुक्ले शारीरिक वेदनांपासून मुक्ती मिळते किंवा आपण त्या वेदनांना सहन करायला शिकतो आणि त्यावर नियंत्रण मिळवतो. मेडीटेशन आणि योग तुमचे मन स्वस्थ अधिक सुदृढ करते. तुमचे लक्ष केंद्रित होते. शिवाय शरीराला इतरही अनेक फायदे मिळतात. विविध प्रकारच्या आसनांमुळे रक्ताभिसरण प्रक्रिया सुधारते. त्यामुळेच गरोदर स्त्रीने आवर्जून सर्वात सोपा प्रतिबंधात्मक उपाय म्हणून मेडीटेशन आणि योग केले पाहिजे.

(वाचा :- नवव्या महिन्यात करा ‘या’ पदार्थांचे सेवन, योग्य वेळी उघडेल गर्भाशयाचे तोंड!)

आरामदायी कपडे परिधान करा

गरोदरपणाच्या तिसऱ्या तिमाहीमध्ये पोटाची त्वचा आणि स्नायू अधिक प्रसारण पावतात आणि खेचले जातात. ज्यामुळे पोटाला जास्त जागेची आवश्यकता भासते. जर अशा वेळी गरोदर स्त्रीने पोटावर जास्त घट्ट कडपे घातले तर त्याचा त्रास होणे सहाजिकच आहे. हा त्रास जर टाळायचा असेल तर शक्य तितके सैल कपडे गरोदर स्त्रीने परिधान करावेत. हा अत्यंत साधा उपाय सुद्धा अनेक स्त्रियांना माहित नसतो. याच कारणामुळे जाणकार आणि डॉक्टर सुद्धा गरोदरपणाचा काळ जस जसा पुढे सरकु लागतो तस तसा अधिक सैल आणि आरामदायी कपडे परिधान करण्याचाच सल्ला देत्ता.

(वाचा :- जाणून घ्या प्रेग्नेंसीत योनीमध्ये होणा-या वेदनांमागील कारणे व घरगुती उपाय!)

मालिश आणि शेक

मालिशमुळे सर्व प्रकारच्या वेदना दूर होतात हे आपण जाणतोच, पाठीवर झोपून अत्यंत हलक्या हाताने गरोदर स्त्रीने तेलाने शरीराची मालिश करवून घ्यावी. यात पोटाच्या मालिशसाठी विशेष वेळ द्यावा. ग्रोईन आणि गर्भाशयावर मालिश केल्याने अनेकदा पोटाच्या वेदना दूर होतात. मात्र हि मालिश अनुभवी व्यक्तीकडूनच करवून घ्यावी. याशिवाय पाण्याचा शेक सुद्धा द्यावा. गरोदरपणात पोटदुखी झाल्यास पोटावर गरम पाण्याने कधीही शेक देऊ नये. यावेळी तुम्ही कोमट पाण्याचा वापर करू शकता. मात्र गरोदर स्त्री गरम पाण्याने अंघोळ करू शकते. गरम पाण्याने अंघोळ केल्यास बऱ्यापैकी शरीर रिलॅक्स होते.

(वाचा :- डिलिव्हरीनंतर प्या हर्बल होममेड ड्रिंक्स, कमजोरी दूर होण्यासोबतच ब्रेस्ट मिल्क वाढेल!)

आहार

गरोदरपणाच्या काळात पोटाच्या वरच्या भागात हलक्या वेदना होऊ शकतात. अनेकदा अॅसिडीटी या गोष्टीला कारणीभूत असते व यामुळे छातीत जळजळ देखील निर्माण होते. अनेकदा चुकीच्या आहारामुळे हा त्रास उद्भवतो. यामुळेच गरोदरपणात शक्य तितकी आहारची काळजी घ्यावी व ताजा आणि सात्विक आहारच घ्यावा. डॉक्टरांच्या सल्ल्यानुसार आहार ठरवून त्याच आहाराचे जास्तीत जास्त सेवन करावे कारण त्यातून बाळाला आणि आईला उपयोगी असणारे पोषक तत्व मिळत असतात आणि पोटात देखील फार समस्या उद्भवत नाही.

(वाचा :- प्रेग्नेंट महिलांसाठी अमृत आहेत आयर्नने परिपूर्ण असलेले ‘हे’ पदार्थ!)

कष्टाचे काम करू नये

अनेकदा एखादी जड वस्तू उचलल्याने किंवा काम केल्याने पोटावर दाब निर्माण होतो आणि मग पोटात वा आसपासच्या भागात वेदना सुरु होतात. मुळात गरोदर स्त्रीने या काळात अजिबातच काम करू नये. अशावेळी तिने स्वत:ची आणि बाळाची काळजी घेण्यासाठी व जीवाच्या सुरक्षिततेसाठी शक्य तितका आराम करावा. हेच कारण आहे कि डॉक्टर गरोदरपणात सक्तीची विश्रांती घेण्याचा सल्ला देतात. तर या काही साध्या सुध्या घरगुती टिप्स आहेत ज्या वापरून गरोदरपणातील पोटदुखी रोखता येऊ शकते.

(वाचा :- डिलिव्हरीनंतर का येते महिलांना डिप्रेशन? जाणून घ्या रामबाण घरगुती उपाय!)


Source link

You may also like...

Leave a Reply

Your email address will not be published. Required fields are marked *