प्रेग्नेंसीमध्ये का दिला जातो तूप खाण्याचा सल्ला? तूपाने होते का नॉर्मल डिलिव्हरी?

Spread the love

गरोदरपणात तूप सेवनाबद्दलचे समज

गरोदरपणात स्त्रीने तुपाचे सेवन केल्याने तिला खूप फायदे होतात असे मानणाऱ्यांचा एक मोठा गट आहे. गरोदरपणात स्त्रीने तुपाचे सेवन केल्याने तिला प्रसूती कळा वेळेवर सुरु होतात. कारण तुपात प्रसूती कळा उद्युक्त करणारे घटक असतात. तूप हे योनी ओली ठेवण्यास साहाय्य करते यामुळे डिलिव्हरी दरम्यान स्त्रीला मदत होते. तुपाचे सेवन गरोदर स्त्रीने केल्यास तिचे पचनतंत्र सुधारते आणि बद्धकोष्ठतची समस्या उद्भवत नाही. गरोदरपणात तूप खाल्ल्याने बाळाच्या मेंदूच्या विकासाला चालना मिळते. तूप हे स्त्रीच्या शरीराला मजबुती, उष्णता आणि पोषण प्रदान करते. तर अशा प्रकारचे फायदे तूप खाल्ल्याने गरोदर स्त्रीला होतात असे म्हटले जाते.

(वाचा :- प्रेग्नेंसीमध्ये थायमिनचे सेवन केल्यास बाळाच्या हृदयाचा होतो चांगला विकास! काय असतं थायमिन व किती प्रमाणात घ्यावं?)

तुपाचे अतिसेवन घातक असते?

हो तूप जास्त प्रमाणात खाल्ल्याने त्याचे दुष्परिणाम शरीराला भोगावे लागू शकतात. गरोदरपणात स्त्रीने आपल्या आहारात मेद आणि अन्य पोषक तत्वांच्या दरम्यान संतुलन राखणे गरजेचे असते. जर हे संतुलन राखले गेले नाही तर स्त्रीला अनेक समस्यांना तोंड द्यावे लागू शकते. आहारातून जास्त प्रमाणात तूप खाल्ल्यास अतिसार होण्याचा सुद्धा धोका असतो. यामुळे स्त्रीला कमजोर वाटू शकते आणि वारंवार मळमळ जाणवते. ज्या गरोदर स्त्रीला पित्ताचा त्रास असेल तिने कमीत कमी प्रमाणात तुपाचे सेवन करावे. जास्त वय असलेल्या स्त्रियांनी सुद्धा तुपाचे कमी सेवन करावे.

(वाचा :- प्रेग्नेंसीमध्येही ऑफिसला जाताय? मग प्रत्येक महिन्यात फॉलो करा ‘या’ खास टिप्स!)

किती प्रमाणात तुपाचे सेवन करावे?

सामान्य बीएमआय असलेल्या स्त्रियांनी रोज केवळ दोन चमचेच तूप खावे. डॉक्टरांच्या म्हणण्यानुसार, गरोदर स्त्रीने दिवसातून 5 ते ८ चमचे तूप खायला हवे. तुम्ही चपाती आणि पराठे यांवर सुद्धा तूप लावून खाऊ शकता. दुधामध्ये एक चमचा तूप टाकून पिणे सुद्धा फायदेशीर ठरू शकते. लाडू, हलवा आणि अन्य डोहाळे पदार्थांत सुद्धा तूप घालून स्त्री त्या पदार्थांचे सेवन करू शकते. तुपाचे अतिसेवन होणार नाही याची काळजी गरोदर स्त्रीने घ्यावी.

(वाचा :- पोटात बाळाची स्थिती उलटी झाल्यास काय उपाय करावेत व अशावेळी कोणती काळजी घ्यावी?)

तूप खाण्याबद्दल करीनाचे मत

तूप जास्त खाण्याबद्दल करीना म्हणते की, “अनेक जण म्हणतात की गरोदरपणात जास्त तुपाचे सेवन करणे हानिकारक ठरू शकते. पण मला ती गोष्ट कितपत खरी आहे याबद्दल शंका आहे. कारण मला तूप खायला अतिशय जास्त आवडतं आणि माझी ही आवड मी गरोदरपणाच्या काळातही कमी केली नाही. उलट मी असं म्हणेन की गरोदरपणात जास्तीत जास्त तुपाचे सेवन केल्याने आई आणि बाळ दोघांना फायदा होतो. शिवाय डिलिव्हरी नंतर शरीर पुन्हा शेप मध्ये आणण्यासाठी सुद्धा मदत होते.”

(वाचा :- प्रेग्नेंट पत्नीची कशी काळजी घ्यावी? सैफने केलेल्या सपोर्टचा करीनाने केला उलगडा!)

तूप खाल्ल्याने नॉर्मल डिलिव्हरी होते?

आता आपण मुख्य प्रश्नाचे उत्तर जाणून घेऊया की खरंच तूप खाल्ल्याने गरोदर स्त्रीची नॉर्मल डिलिव्हरी होऊ शकते का? तर याचे उत्तर अजूनही ठोसपणे सिद्ध झालेले नाही. तुपाच्या सेवनाने जरी गरोदर स्त्रीला विविध लाभ मिळत असले तरी याचा अर्थ हा होत नाही की तिची डिलिव्हरी नॉर्मल होईल. गरोदर स्त्री कमजोर झाल्याने तिने तुपाचे अधिक सेवन न करणे उत्तम असते. जर डॉक्टरांनी जास्त कॅलरीयुक्त पदार्थ खाण्याचा सल्ला दिला असेल तर तुपाऐवजी दुसरा एखादा पौष्टिक पदार्थ निवडावा. तूप खाल्ल्याने नक्कीच गरोदर स्त्रीला फायदा होतो पण तुपाचे अतिसेवन करू नये.

(वाचा :- प्रेग्नेंसीतील मळमळ व उलटी रोखण्यासाठी लिंबू सरबत पीत आहात? मग जाणून घ्या हे सुरक्षित आहे की नाही?)


Source link

You may also like...

Leave a Reply

Your email address will not be published. Required fields are marked *