प्रेग्नेंसीमध्ये का व कधी येते स्तनांवर खाज? जाणून घ्या यावरील उपाय!

Spread the love

हार्मोनल बदल

गरोदरपणात स्त्री अशा समस्यांना सामोरी जात असते ज्या तिने आपल्या आजवरच्या आयुष्यात कधीच अनुभवलेल्या नसतात अनेक समस्यांमागचे मूळ हे हार्मोन्स मधील बदल असतात. गरोदरपणात स्त्रीच्या शरीरात अनेक प्रकारे हार्मोनल बदल घडून येतो. जस जशी डिलिव्हरी डेट अजून जवळ येते तसे हार्मोन्स अधिक बिघडू लागतात. याच कारणामुळे स्त्रीच्या स्तनांवर खाज येत असते. ही एकसामान्य समस्या असली तरी यामुळे खूप त्रासदायक जाणीव होते.

(वाचा :- प्रेग्नेंसीमध्ये मांसाहाराची इच्छा नाही? मग जाणून घ्या शाकाहाराचे लाभ व ५ खास पदार्थ!)

त्वचा आकुंचन पावणे

बाळ जस जसे गर्भात वाढत जाते तस तशी स्त्रीची त्वचा आकुंचन पाऊ लागते. या काळात गरोदर स्त्रीला आपल्या स्तनांवर पोटावर नितंबांवर स्ट्रेच मार्क्स दिसू लागतात. हे स्ट्रेच मार्क्स लाल, गुलाबी किंवा निळ्या रंगाचे सुद्धा असू शकतात. हळूहळू कालांतराने हा रंग फिका पडत जातो आणि या स्ट्रेच मार्क्स वर मोठ्या प्रमाणात खाज सुटते. सामान्यत: प्रत्येक गरोदर स्त्रीला या समस्येला सामोरे जावे लागते. कधी कधी खाज इतकी तीव्र होते की स्त्रीला अजिबात ती सहन होत नाही आणि तिची खुप चिडचिड होऊ लागते. अशावेळी गरोदर स्त्रीला प्रत्येक पतीने आणि घरातील व्यक्तीने समजून घेणे गरजेचे असते.

(वाचा :- प्रेग्नेंसीमध्ये फक्त ‘या’ पद्धतीनेच करा पनीरचं सेवन!)

ऐक्झीमा

नऊ महिन्यात गरोदरपणाशी निगडीत ज्या समस्यांना स्त्रीला तोंड द्यावे लागते त्यापिकी एक समस्या ऐक्झीमा देखील आहे. यामध्ये स्तन आणि शरीराच्या अन्य अवयवांवर पेचेस येतात. या पेचेस वर खाज तर येतेच मात्र त्वचा देखील रखरखीत होते. लाल चट्टे दिसतात. त्वचा काही ठिकाणी फुटू लागते आणि त्यावर छोटे छोटे दाणे येऊ लागतात. अशावेळी स्त्री घाबरणे साहजिक असते कारण तिने अशी समस्या कधी पाहिलेली नसते. मात्र अशावेळी स्त्रीने घाबरून जाऊ नये. ही सुद्धा गरोदरपणातील एक सामान्य समस्याच आहे.

(वाचा :- प्रेग्नेंसीमध्ये थायरॉइडची गोळी खाणं योग्य आहे का?)

प्रूरिगो

गरोदरपणात अनेक स्त्रियांना प्रूरिगोची समस्या सुद्धा सतावते. गरोदरपणात होणाऱ्या बदलांमुळे रोगप्रतिकारक शक्ती कमजोर पडते व त्यामुळे प्रूरिगोची लक्षणे दिसू लागतात. या समस्येमध्ये, स्तन आणि शरीराच्या इतर अवयांवर छोट्या छोट्या पुळ्या उठतात. या पुळ्यांना खाज सुद्धा मोठ्या प्रमाणावर येते. हळूहळू गरोदरपणाचा काळ वाढत जातो, तसतशी ही समस्या सुद्धा वाढत जाते. ही समस्या अनेक महिने राहू शकते आणि डिलिव्हरी नंतर सुद्धा त्रास देऊ शकते.

(वाचा :-गर्भावस्थेमध्ये योनीतून सफेद पाणी येत असल्यास करा ‘हे’ घरगुती रामबाण उपचार!)

स्तनावर येणाऱ्या खाजेवर उपाय

आता तुमच्याही मनात प्रश्न आला असेल की या समस्येवर नेमका उपाय काय आहे, चला आता त्याचेच उत्तर जाणून घेऊया. गरोदरपणात शरीराला हायड्रेटेड ठेवणे खूप गरजेचे असते. दिवसातून किमान 10 कप पाणी तर गरोदर स्त्रीने प्यायलाच हवे. शरीरात पाण्याची कमतरता निर्माण झाल्यास त्वचा रखरखीत होते. अशा त्वचेवरच जास्त प्रमाणात खाज निर्माण होते. त्यामुळे जास्तीत जास्त पाणी गरोदर स्त्रीने प्यायला हवे. सुती कपडे परिधान केल्याने त्वचेशी निगडीत समस्या दूर राहतात. सुती कपडे घामाला सुद्धा लगेच शोषून घेतात. याशिवाय गरोदर स्त्रीने शक्य तितके सैल कपडेच परिधान करावेत. जर खाज येत असेल तर खाजवण्यापेक्षा थंड पाण्याने अंघोळ करा. यामुळे त्वचेला आराम मिळतो.

(वाचा :- प्रेग्नेंसीमध्ये टोमॅटो खाल्ल्याने आई व बाळाला मिळतात ‘हे’ खास लाभ!)


Source link

You may also like...

Leave a Reply

Your email address will not be published. Required fields are marked *