प्रेग्नेंसीमध्ये का होतात छातीत वेदना? यामागे कोणता गंभीर आजार तर कारणीभूत नाही ना?

Spread the love

गरोदरपणाचा स्त्री च्या शरीरावर इतका प्रभाव पडतो की अनेकदा तिला त्यातून त्रासच भोगावा लागतो आणि हा त्रास तिला वेदनेच्या रुपात मिळतो. अनेक स्त्रियांना या गरोदरपणाच्या काळात छातीत दुखण्याचा त्रास (reason behind chest pain) जाणवतो. असा त्रास अचानक सुरु झाल्याने साहजिकच स्त्री घाबरते. याबाबत ती अनेकांना विचारणा करते पण समाधानकारक उत्तरे मिळत नाही.

कधी कधी काही स्त्रिया भीतीपोटी चुकीचे उपचार देखील करुन बसतात व त्यांचे वाईट परिणाम त्यांना भोगावे लागू शकतात.. आज आपण या लेखातून जाणून घेऊया की खरंच गरोदरपणात असं छातीत दुखणं घातक असतं का? त्यामागची कारणे काय आहेत? यावर काही उपाय आहेत का? अशा एक न अनेक प्रश्नांची उत्तरे! ज्यामुळे सामान्य स्त्रियांना यांचा फायदा होईल आणि त्या याबाबतीत सजग होऊ शकतील.

छातीत होणाऱ्या वेदनेची लक्षणे

जस जसं गरोदरपणाचा काळ वाढत जाती तस तशी या वेदनेची लक्षणे दिसू लागतात. बाळाचे वजन वाढत असल्याने पोट आणि फुफ्फुसे यांवर दबाव पडू लागतो. यामुळे छातीत वेदना सुरु होतात. छातीत वेदना सुरु झाल्याने श्वास फुलतो, झोपताना किंवा श्वास घेताना समस्या निर्माण होते, मनात सतत भीती वाटते, हृदयाचे ठोके वेगाने चालू लागतात, रक्तदाब कमी होतो आणि सतत थकवा जाणवतो. ही सर्व लक्षणे गरोदरपणामुळे छातीत वेदना होत असल्याचे संकेत देतात.

(वाचा :- अर्जुन रामपालची प्रेयसी गॅब्रिएलाने डिलिव्हरीनंतर ११ दिवसांत केलं तब्बल २१ किलो वजन कमी!)

वेदनेमागची कारणे

अनेकदा शरीरात गरोदरपणामुळे होणारे बदल, डिलिव्हरीची भीती आणि बाळाचे आरोग्य यांमुळे स्त्रिया जास्त चिंतीत होतात व त्या गोष्टींचा ताण घेऊ लागतात. जर मिसकॅरेज नंतर स्त्री पुन्हा गरोदर राहिली असेल तर अशावेळी तिला अधिक भीती आणि चिंता वाटू शकते. यामुळे स्त्री तणाव आणि नैराश्याने ग्रासली जाऊ शकते. चिंतेमुळे छातीत वेदना निर्माण होतात. या शिवाय छाती गच्च झाल्यासारखी वाटते, श्वासोच्छवास वेगाने होऊ लागतो आणि लक्ष केंद्रित करता येत नाही.

(वाचा :- नवव्या महिन्यात करा ‘या’ पदार्थांचे सेवन, योग्य वेळी उघडेल गर्भाशयाचे तोंड!)

मॉर्निंग सिकनेस

गरोदरपणाच्या सुरुवातीच्या महिन्यांमध्ये उलटी होणे आणि मळमळ होणे ही सामान्य लक्षणे आहेत. शरीरातील हार्मोन्स मध्ये होणाऱ्या बदलांमुळे देखील असे होत असते. जेव्हा मॉर्निंग सिकनेस नियंत्रणाबाहेर जातो आणि अधिक गंभीर स्वरूप धारण करू लागतो तेव्हा स्त्रीच्या छातीत वेदना सुरु होतात. जेव्हा एसिड मुळे उलटी झाल्यावर गळ्यात समस्या निर्माण होतात तेव्हा देखील छातीमध्ये वेदना होऊ शकतात. सामान्यत: स्त्रियांमध्ये मॉर्निंग सिकनेस मुळे मोठ्या प्रमाणात अल्पकालीन छातीतील वेदना दिसून येतात.

(वाचा :- प्रेग्नेंसीमधील पोटदुखी दूर करण्यासाठी ट्राय करा ‘हे’ सुरक्षित घरगुती उपाय!)

फुफ्फुसांशी निगडीत समस्या

जर गरोदर स्त्रीला पहिल्यापासूनच अस्थमा असेल तर गरोदरपणामध्ये तिची समस्या अधिक वाढू शकते. यावेळी तुम्हाला अस्थमाच्या गंभीर लक्षणांना सुद्धा तोंड द्यावे लागू शकते. अस्थमामुळे छातीत गच्चपणा जाणवतो, श्वास फुलतो आणि छातीत वेदना देखील सुरु होतात. गरोदरपणात फुफ्फुसांमध्ये संक्रमण, छातीत कफ जमा होणे, गंभीर एलर्जी किंवा न्युमोनियाच्या कारणामुळे देखील छातीत वेदना होऊ शकतात. सामान्य ताप, थंडी सुद्धा छातीतील वेदनेला कारणीभूत ठरू शकते.

(वाचा :- जाणून घ्या प्रेग्नेंसीत योनीमध्ये होणा-या वेदनांमागील कारणे व घरगुती उपाय!)

डॉक्टरांना कधी दाखवावे?

अशा प्रकारच्या वेदना या सामान्यत: अल्पकालीन असतात. म्हणजेच काही काळ त्या त्रास देतात नंतर स्वत:हून निघून जातात. मात्र जर हि समस्या कमी झाली नाही आणि वेदना वा त्रास सतत वाढत असेल तर मात्र एकदा डॉक्टरांना अवश्य दाखवावे. अशावेळी अधिक प्रतीक्षा करण्यात वा घरगुती उपचार करण्यात वेळ न घालवता शक्य तितक्या लवकर वैद्यकीय मदत घ्यावी. अन्यथा या समस्येचे रूप गंभीर होऊन त्याचे दुष्परिणाम आई व बाळ दोघांवर दिसून येऊ शकतात. त्यामुळे सुरक्षितेच्या कारणास्तव आईने स्वत:ची काळजी घ्यावी आणि नेहमी सतर्क राहावे जेणेकरून या समस्येवर वेळीच निदान करता येईल. हि माहिती अनेक स्त्रियांना माहित नसते. त्यामुळे हा लेख जास्तीत जास्त शेअर करा आणि त्या स्त्रियांना जागृत करा.

(वाचा :- डिलिव्हरीनंतर प्या हर्बल होममेड ड्रिंक्स, कमजोरी दूर होण्यासोबतच ब्रेस्ट मिल्क वाढेल!)


Source link

You may also like...

Leave a Reply

Your email address will not be published. Required fields are marked *