प्रेग्नेंसीमध्ये ‘या’ गोष्टींचा विचार करुन भावूक होतात महिला!

Spread the love

वेदनेचा त्रास

डिलिव्हरी मध्ये सामान्यपेक्षा जस्त वेदना होतात आणि हीच गोष्ट गरोदर स्त्रियांना सर्वाधिक त्रास देते. या बाबत डॉक्टर सांगतात की ज्या स्त्रीला वेदनेचा विचार करून भीती वा चिंता वाटते आहे तर तिने आपल्या डॉक्टरांशी याबाबत मनमोकळेपणाने चर्चा करावी. डॉक्टर तिला अशा काही पद्धती सांगतील ज्यामुळे या वेदना कमी होऊ शकतात. अनेक स्त्रिया हीच चुकी करतात की त्या त्यांना वाटणारी भीती डॉक्टरांजवळ बोलून दाखवत नाहीत. जर तुम्ही बोललात तर डॉक्टर तुमची नक्की यात मदत करू शकतात आणि तुमचा आत्मविश्वास वाढवू शकतात.

(वाचा :- प्रेग्नेंसीमध्ये घरच्या घरी तयार करा आपलं ब्युटी पार्लर! असे बनवा विविध DIY फेस मास्‍क/पॅक)

वेदना सहन झाल्या नाही तर

काही स्त्रियांना फक्त वेदनेची भीती असते तर काही स्त्रियांची ही भीती इतकी वाढते की त्यांना वाटते आपल्याला या वेदना सहनच होणार नाहीत. त्यांना वाटते की लेबर पेन सहन झाले नाही तर त्यांच्या वा बाळाच्या जीवाला धोका निर्माण होऊ शकतो. खास करून या स्त्रिया आपल्या बाळा बाबतीत चिंतीत असतात. परंतु याची चिंता करू नये कारण स्त्री या वेदना सहन करू शकते तिचे शरीर त्यादृष्टीनेच तयार झाले आहे. अशा स्त्रियांनी स्वत:चा आत्मविश्वास वाढवावा आणि हि भीती सोडून देणेच उत्तम आहे.

(वाचा :- Pregnancy glow : प्रेग्नेंसीमध्ये महिलांच्या चेह-यावर का येतं चंद्रासारखं तेज?)

योग्य वेळी हॉस्पिटलला पोहचू ना

ही एक भीती प्रत्येक गरोदर स्त्रीमध्ये पाहायला मिळते. कारण वॉटर ब्रेक झाल्यावर स्त्रीला लवकरात लवकर हॉस्पिटलला पोहोचवणे गरजेचे असते. याशिवाय नवव्या महिन्यात स्त्रीने अधिक सतर्क राहावे. या महिन्यात अनेक अशा गोष्टी दिसून येतात ज्या प्रत्यक्षात डिलिव्हरी जवळ आल्याची लक्षणे असतात. जसे की पाठीत वाढलेल्या वेदना, अंग दुखणे, पिशवी फाटत असल्याची जाणीव इत्यादी. हि लक्षणे कशी ओळखावीत हे डॉक्टर तुम्हाला समजावून सांगतात. त्यानुसार एक जरी लक्षण नवव्या महिन्यात दिसले तर लवकरात लवकर हॉस्पिटलला पोहचावे.

(वाचा :- गर्भपात होण्याची कारणे, लक्षणे आणि संकेत!)

बाळाला काही होणार नाही ना

अल्ट्रासाऊंडमध्ये जरी आई बाळाला पाहत असली आणि त्यात त्याच्या शारीरिक स्थिती अनेक गोष्टी स्पष्ट होत असल्या तरी डिलिव्हरी ही अशी गोष्ट आहे ज्यात काहीही होऊ शकते. त्यामुळे याबाबत स्त्रीच्या मनात असणारी भीती योग्यच म्हणावी लागेल. जोवर डिलिव्हरी यशस्वी होत नाही तोवर हि भीती स्त्रीच्या मनातून जात नाही. यावर काही उपाय नाही कारण डिलिव्हरी वेळी काय स्थिती असेल त्यानुसार डिलिव्हरी होते वा तशा गोष्टी घडतात. म्हणून स्त्रीने शक्य तितके सकारात्मक राहून चांगले विचार करावेत.

(वाचा :- गर्भसंस्कार म्हणजे काय आणि ते कसे करावेत?)

ऑपरेशनची भीती

डॉक्टर गरोदर स्त्रीची आधीच तपासणी करून सांगतात की तिची डिलिव्हरी नॉर्मल होईल की सिझेरियन त्यानुसार ऑपरेशन केले जाते. शिवाय डिलिव्हरीच्या शेवटच्या मिनिटापर्यंत सुद्धा कधी कधी ऑपरेशनचा निर्णय डॉक्टरांना घ्यावा लागू शकतो. कारण डिलिव्हरी मध्ये काय होईल त्याबद्दल कोणीच काहीच सांगू शकत नाही. करीना कपूरला डिलिव्हरी वेळी एंगझायटी झाली होती, त्यामुळे तिची सिझेरियन डिलिव्हरी करावी लागली. अनेक स्त्रियांना हीच भीती असते की शरीराची चिरफाड केली जाईल. पण इथे स्त्रियांनी ही गोष्ट लक्षात घेतली पाहिजे की हे कोणाच्याच हातात नाही. जी परिस्थिती असले त्यानुसार गोष्टी घडतात. त्यामुळे शक्य तितके सकारात्मक राहणे उत्तम!

(वाचा :- प्रेग्नेंसीमध्ये वाढतंय अनियंत्रित वजन? मग करा हे उपाय!)


Source link

You may also like...

Leave a Reply

Your email address will not be published. Required fields are marked *