प्रेग्नेंसीमध्ये ‘या’ ५ पदार्थांपासून बनवा पंचामृत, गर्भातील बाळाला होतील अगणित आरोग्यवर्धक लाभ!

Spread the love

पंचामृताला आपल्या संस्कृती मध्ये आणि हिंदू धर्मात अत्यंत महत्त्वाचे स्थान आहे. पूजेवेळी किंवा धार्मिक कार्यक्रमावेळी पंचामृत वापरणे हे अत्यंत पवित्र मानले जाते. पण तुम्हाला माहित आहे का या पंचामृताचा वापर केवळ धार्मिक समारंभातच होत नाही तर गरोदर स्त्रीला सुद्धा या पंचामृताचा फायदा होऊ शकतो. पंचामृता मध्ये वापरली जाणारी सामग्री गरोदर स्त्री साठी चांगली समजली जाते आणि तिच्या साठी अत्यंत उपयुक्त सुद्धा ठरते.

पंचामृतामध्ये दूध, दही, साखर, मध आणि तूप यांचा वापर केला जातो. या सर्व गोष्टी बाळासाठी आणि आईसाठी सुद्धा चांगल्या समजल्या जातात. तुम्ही सुद्धा गरोदरपणात पंचामृत अवश्य सेवन करायला हवे. आज आपण या लेखातून पंचामृत सेवन केल्याने गरोदर स्त्रीला होणारे फायदे जाणून घेऊया.

पंचामृताचे फायदे

पंचामृत म्हणजे एक गोड मिश्रण असते जे गरोदर स्त्रीला पोषक तत्व प्रदान करू शकते. हे बाळाच्या विकासात मदत करते. यामुळे आईच्या स्नायूंना मदत मिळते आणि तिची रोगप्रतिकारक शक्ती सुद्धा वाढते. या सोबतच गरोदरपणात पंचामृताचे सेवन केल्याने स्त्री रिलॅक्स आणि स्वस्थ राहते. म्हणूनच जाणकार सुद्धा गरोदरपणात आवर्जून पंचामृत सेवन करण्याचा सल्ला देतात. तुम्ही देखील गरोदर असाल आणि तुम्हाला स्वस्थ राहायचे असेल व बाळाला सुद्धा स्वस्थ राखायचे असेल तर पंचामृत नक्की घ्या.

(वाचा :- आई-बाळासाठी प्रोटीन व कॅल्शियम असतं गरजेचं, ‘हा’ खास पदार्थ खाऊन करा दोन्ही तत्वांची पूर्ती!)

इतर फायदे

पंचामृताचे इतरही अनेक फायदे आहेत. पंचामृत हे पचन तंत्राला मजबूत करते. ज्यामुळे अ‍ॅसिडीटी, पोटाच्या व आतड्यांच्या समस्या तसेच अल्सर पासून सुद्धा आराम मिळतो. गरोदरपणात अ‍ॅसिडिटीची समस्या सतत जाणवत असेल तर पंचामृत हे तुमच्यासाठी सर्वोत्तम पेय ठरू शकते. पंचामृत शरीराला ताकद देणाऱ्या सात उतींना पोषण देते ज्यात प्रजनन उती, दात, फॅटी टिश्यू, नार्व टिश्यू, मसल टिश्यू, प्लाझ्मा आणि रक्त पेशींचा समावेश होतो. याच्या सेवनाने गरोदर स्त्रीच्या चेहऱ्यावर चमक सुद्धा येते आणि हे पंचामृत बाळाच्या त्वचेसाठी सुद्धा फायदेशीर ठरते.

(वाचा :- डिलिव्हरीनंतर वेट लॉससाठी किंवा ब्रेस्ट मिल्क वाढवण्यासाठी असं बनवा घरगुती डिटॉक्स वॉटर!)

पंचामृत सेवनाने काय होते?

आयुर्वेदाच्या म्हणण्यानुसार गरोदर स्त्रीसाठी पंचामृत हे कोणत्याही टॉनिक पेक्षा कमी नाही, हे बाळाच्या मेंदूच्या विकासात मदत करते आणि बाळाची स्मरणशक्ती वाढवते. जर तुमच्या शरीरात पित्त वाढले असेल तर या कारणामुळे तुम्हाला खूप समस्यांचा सामना करावा लागू शकतो. पंचामृत हे पचन मार्गामधून अधिक पित्तामुळे निर्माण होणारी उष्णता बाहेर फेकते आणि पित्त शांत करते. याच कारणामुळे जुने जाणते लोक पंचामृत प्यायचे. हाच फायदा गरोदरपणात स्त्रीला सुद्धा पंचामृत सेवनाने होऊ शकतो.

(वाचा :- हळदीपासून बनवा ‘ही’ खास रेसिपी व डिलिव्हरीनंतर ३ दिवसांत कमी करा पोटावरील चरबी!)

पंचामृतामधील पाच तत्वे

आपण आता पंचामृतामधील पाच तत्वांचे महत्त्व जाणून घेऊया. यातील सर्वात महत्वाचा पदार्थ आहे दूध! सर्वात उत्तम दूध असते आईचे आणि दुसरे सर्वोत्तम दूध असते गायीचे, यामुळेच गायीच्या दुधाला अतिशय महत्त्व दिले जाते. दुधाच्या सेवनाने रोगप्रतिकारक शक्ती वाढते आणि त्यातून शरीराला आवश्यक असणारी तत्वे सुद्धा मिळतात. दुधामधून प्रोटीन, कॅल्शियम आणि व्हिटॅमिन ए, बी 12 आणि व्हिटॅमिन डी प्रदान करते. दुधाचे इतके सारे फायदे असल्यामुळेच पंचामृतामध्ये दुधाला महत्त्वाचे स्थान आहे.

(वाचा :- प्रेग्नेंसीमध्ये बद्धकोष्ठता, दातदुखी व एनीमियाने त्रस्त आहात? ‘हा’ एकमेव पर्याय आहे सर्व समस्यांवर जालीम!)

दही आणि मध

दही हे प्रोबायोटिक रुपात कार्य करते. यात अमिनो अॅसिड असते जे गरोदरपणाच्या सुरुवातीच्या दिवसांमध्ये होणाऱ्या पचन संबंधित समस्या दूर करते. हे स्नायुंना पोषण शरीराला मजबुती प्रदान करतात. मध हे पंचामृतामध्ये वापरल्या गेलेल्या सर्व गोष्टींचा प्रभाव वाढवण्याचे काम करते. यामुळे रोगप्रतिकारक शक्ती वाढते आणि शरीर लवकर रिकव्हर होते. दही आणि मध यांचे हेच गुण त्यांना या अत्यंत उपयुक्त मिश्रणामध्ये महत्त्वाचे स्थान मिळवून देतात. दही आणि मधाशिवाय पंचामृत अपूर्ण आहे असे मानले जाते.

(वाचा :- आई बनण्यासाठी छोटीशी लवंग करेल मदत, लवंगाच्या मदतीने अशी वाढवा फर्टिलिटी!)

तूप आणि साखर

पंचामृतामधील शेवटचे दोन पदार्थ म्हणजे तूप आणि साखर होय. गायीच्या दुधानने तयार झालेले साजूक तूप शरीर आणि पोटाला साफ करते. यात अँटी-इंफ्लामेट्री गुणधर्म असतात जे चेहरा खुलवतात आणि डोळे, गळा आणि हृदयाला अधिक निरोगीपण प्रदान करतात. आयुर्वेदामध्ये साखर ही उर्जा देणारी गोष्ट म्हणून महत्त्वपूर्ण मानली जाते. साखरेच्या सेवनाने गरोदरपणात होणारा थकवा कमी होतो. शरीरात निर्माण होणारी शुष्कता कमी करण्यात सुद्धा साखर महत्त्वाची भूमिका बजावते.

(वाचा :- प्रेग्नेंसीमध्ये सतत अल्ट्रासाऊंड करणं पडू शकतं महागात, कोणत्या वेळी करणं असतं सुरक्षित?)


Source link

You may also like...

Leave a Reply

Your email address will not be published. Required fields are marked *