फक्त चवीसाठीच नाही तर आरोग्यासाठीही खाल्ले जातात पापड, हे सत्य आहे का?

Spread the love

आपल्या देशांतील कित्येक भागांत दररोज न चुकता शाकाहारी पदार्थांसोबत पापड खाण्याची परंपरा पूर्वापार चालत आली आहे. पण सर्वात जास्त पापड कोणत्या राज्यात खाल्ले जात असतील तर ते आहे राजस्थान! पण देशभरात सर्वात जास्त आवडणारे आणि लोक ज्यांचे पापड चवीचवीने खातात ते राज्य म्हणजे गुजरात आहे. देशभरात लग्न किंवा इतर समारंभामध्ये पंचपक्क्वानांमध्ये न चुकता सलाड व पापड हे असतातच असतात. खरं तर लोणचं आणि पापड हे भोजनासोबत चवीला खाल्ले जातात.

म्हणजे लोणचं आणि पापड हे आपण साईड डिश म्हणून खातो. यामुळे जेवणाची मजा दुप्पट होते. पण फक्त चवीसाठी खाल्ले जाणारे पापड आरोग्यासाठीही तितकेच खास असतील हे तुम्हाला कधी वाटलं तरी होतं का? गरम गरम भातावर साजूक तूप, डाळ आणि सोबत कुर्रम कुर्रम पापड असा बेत असल्यावर कोण नाखुश असेल? सर्वांच्या ह्रदयाजवळच्या या थाळीतील हक्काची एक जागा कायमच पापडाने पटकावलेली असते. तुम्ही देखील पापड खाता? मग जाणून घ्या ही माहिती.

पचनक्रिया सुधारते

हो, बरेच लोक जेवणाच्या शेवटी पापड खातात. असं यासाठी केलं जातं कारण पापड पचनक्रियेसाठी अत्यंत लाभदायक मानला जातो. जेव्हा आपण खुपच जड आहार घेतो म्हणजेच आहारात जास्त कॅलरीज असलेले पदार्थ, तळलेले पदार्थ किंवा मसालेदार पदार्थ खातो. तेव्हा पापड ते जड अन्न पचवण्यासाठी आपल्या पचनकेंद्राची मदत करतात. कारण पापड हे विविध डाळींपासून बनवले जातात. त्यामुळे त्यामध्ये पोषक तत्वांचीही भरपूर मात्रा असते.

(वाचा :- दंडाचे स्नायू मजबूत करण्यासाठी खेळा ‘हे’ लहान मुलांचे खेळ, मिळतील टोन्ड व आकर्षक आर्म्स!)

गुणधर्म व स्वाद

साधारणत: पापड हे मुगडाळ किंवा उडदाच्या डाळीपासून बनवले जातात. या डाळींना रात्रभर पाण्यात भिजवून आणि सकाळी त्या बारीक वाटून त्याचं मिश्रण केलं जातं. या मिश्रणापासून पापड करण्याची खूप जुनी परंपरा आहे. सोबतच हे पापड बनवताना त्यामध्ये ओवा, काळी मिरी आणि चवीनुसार मीठ मिक्स केलं जातं. या तिन्ही गोष्टी पापडांचा स्वाद वाढवण्यासोबतच त्याच्या गुणधर्मांमध्येही वृद्धी करतात. म्हणजेच चवीसाठी खाल्ला जाणारा पापड गुणधर्मांनीही समृद्ध असतो.

(वाचा :- जाणून घ्या चालण्याची योग्य पद्धत कोणती? किती वेळ चालावं? कोणत्या गोष्टींची खबरदारी घ्यावी?)

पापडाचे प्रकार व लाभ

  1. आजकाल पापड हे फक्त स्वादासाठीच नाही तर आरोग्याच्या दृष्टीनेही बनवले जातात. म्हणजेच स्वादासोबतच त्यातील घटकांचे आरोग्याला कसे लाभ होतील यावर विशेष लक्ष दिलं जातं. यामुळे मार्केटमध्ये लाल-तिखटाचे पापड, जिरा पापड, ओवा पापड, लवंगाचे पापड हे देखील उपलब्ध असतात.
  2. लाल-तिखटांच्या पापडांना वेगळं केलं तर बाकीचे सर्व पापड आरोग्यास लाभदायक ठरतात आणि जेवण पचवण्यास मदत करतात. सोबतच पोटात होणा-या गॅसची समस्या पापडामुळे दूर होते. जेव्हा कोणाला मळमळ होण्याची समस्या सतावत असेल तेव्हा पापडाचे सेवन मुड आणि पोट ठीक करण्यास फायदेशीर ठरतो. आंब्याच्या लोणच्यासोबत पापड खाणं खास करुन हॉस्टलर्सना आवडतं. काही नवीन ट्राय करायचं असेल तर तुम्हीही कधीतरी लोणच्यासोबत पापड खाऊन बघा.

(वाचा :- लग्नादिवशी दिसायचं आहे आकर्षक? मग एक महिना आधीपासूनच सुरु करा ‘हा’ स्पेशल डायट!)

जेवणानंतर पापड

ज्या मसाल्यांचा वरच्या मुद्द्यात उल्लेख केला ते मसाले खास करुन पापडातील फ्लेवरचं काम करतात. पण पापड हे मुख्यत्वे उडदाची डाळ, मसूर डाळ, मुग डाळ, चणा डाळ या डाळींपासूनच तयार केले जातात. म्हणजेच डाळ हा पापडातील मुख्य पदार्थ असतो. यामध्ये मुगाच्या डाळीपासून तयार होणारे पापड पचनक्रियेस सर्वात जास्त कारक मानले जातात. त्यामुळे मुग डाळीचे पापड ज्यामध्ये जि-याचा फ्लेवर असतो तेच जास्त खाल्ले जातात. तसं तर पापड खाण्याचा कोणताही वेळ नसतो. तुम्हाला क्रेविंग होताच तुम्ही ते भाजून किंवा तळून खाऊ शकता.

(वाचा :- नाश्त्यामध्ये पौष्टिक स्प्राऊट्स खाताय? मग ही माहिती जाणून घ्याच!)

कोणता पापड व कोणती पद्धत अधिक लाभदायक?

आता तुमच्या मनात एक प्रश्न येत असेल की अखेर पापड खाण्याची योग्य पद्धत कोणती? म्हणजेच आपण पापड भाजून खावेत की तळून (deep fry) तर जेव्हा तुम्हाला फक्त पापड स्वादासाठी खायचे असतील तेव्हा तुम्ही ते तळून खावू शकता. पण नियमित स्वरूपात आणि आरोग्याच्या दृष्टीने लाभदायक ठरणा-या पद्धतीने तुम्हाला पापड खायचे असतील तर भाजलेले पापड (roasted papad) सर्वोत्तम! या भाजलेल्या पापडांवर बारीक चिरलेला कांदा, टोमॅटो, कोथिंबीर, लिंबू, चाट मसाला टाकून तुम्ही खाऊ शकता. असा मसालेदार पापड स्वादिष्टही असतो आणि आरोग्यदायीही!

(वाचा :- ‘या’ पदार्थांसोबत दही खाणं टाळा अन्यथा…!)


Source link

You may also like...

Leave a Reply

Your email address will not be published. Required fields are marked *