फिटनेससाठी लाइफस्टाइलमध्ये कोणते बदल करणं ठरेल लाभदायक? जाणून घ्या

Spread the love

लॉकडाउन दरम्यान जीवनशैलीत बरेच बदल घडून आले. पण, काही जण कामाचं गणित जुळवताना आरोग्याची घडी बसवायला विसरले. शारीरिक आणि मानसिक आरोग्य उत्तम राहण्यासाठी पुरेशी झोप, पौष्टिक आहार, व्यायाम यासोबतच चुकीच्या सवयी देखील सोडाव्या लागतात, याचा विसर अनेकांना पडला. प्रबळ इच्छाशक्ती आणि वेळेचा योग्य वापर याच्या मदतीनं बदललेली जीवनशैली पूर्वपदावर आणू शकता. फिट राहण्यासाठी तुमच्या जीवनशैलीत कोणते बदल कराल?जाणून घेऊया याविषयीची माहिती

फायदे अनेक
काळ्या मनुक्यांमध्ये औषधी गुणधर्म आढळतात, असं तज्ज्ञ सांगतात. काळ्या मनुक्यांचा समावेश आहारात केल्यानं हृदयविकार आणि मधुमेह होण्याचा धोका कमी होतो. शिवाय, काळ्या मनुक्यांच्या अर्कामध्ये रक्तातील शर्करेचं प्रमाण आटोक्यात आणण्याची क्षमता असते. मनुक्यांमध्ये नैसर्गिक साखर असल्यानं त्यांच्या सेवनानं शरीरात अतिरिक्त साखर जाण्याचा धोका निर्माण होत नाही.

​व्यायामाला पर्याय नाही

व्यायामाला शॉर्टकट नसतो. व्यायाम करण्यासाठी पुरेसा वेळ देता येत नाही अशी तक्रार बरेच जण करतात. कमी वेळेत जास्तीत जास्त शारीरिक हालचाल करण्यासाठी एचआयआयटी वर्कआउट तुम्हाला नक्कीच मदत करेल. एका संशोधनाअंती सिद्ध झालं आहे की, आठवड्यातून तीन वेळा दहा मिनिटांसाठी एचआयआयटी व्यायाम केल्यास फायदेशीर ठरू शकतं.

(लग्नासाठी हवाय आकर्षक लुक? जाणून घ्या काजल अग्रवालचे डाएट आणि फिटनेस सीक्रेट)

सकस आहार आवश्यक

उत्तम आरोग्यासाठी पोषक आहाराचं सेवन करणं आवश्यक आहे. शरीराच्या वाढीसाठी महत्त्वाच्या असणाऱ्या घटकांचं सेवन करणं आवश्यक आहे. यासोबतच शरीरात गेलेल्या पोषणद्रव्यांचं योग्य प्रकारे पचन होणंही तितकंच गरजेचं आहे. उदा. ‘क’ जीवनसत्व शरीरातील लोहाचं पचन होण्यासाठी मदत करतं. लोहयुक्त पदार्थ खाल्ल्यानंतर ‘क’ जीवनसत्व भरपूर प्रमाणात असणाऱ्या संत्र्याच्या रसाचं सेवन करावं. चरबीयुक्त पदार्थांचं विघटन करण्यासाठी ‘अ’, ‘ड’, ‘इ’ आणि ‘क’ जीवनसत्व मदत करतात. म्हणूनच आहारतज्ज्ञ जेवणात तेलाचं ड्रेसिंग असणारी कोशिंबीर आणि फळं खाण्याचा सल्ला देतात.

(रात्री झोपण्यापूर्वी गुळाचे सेवन का करावे? आरोग्यदायी लाभ माहीत आहेत का, जाणून घ्या)

​गाणी ऐका

संगीत ऐकल्यानं मूड फ्रेश राहतो. वर्कआउट करताना नेहमी संगीत ऐकावं. ट्रेडमिलवरील वर्कआऊट शरीरावर ताण येतो. अशा वेळी तुमच्या पसंतीचं संगीत ऐकल्यानं अतिरिक्त ताण हलका होऊन पुरेशा प्रमाणात व्यायाम करता येऊ शकतो.

(Health Care करीना कपूरची न्युट्रिशनिस्ट ऋजुता दिवेकरकडून जाणून घ्या आवळा खाण्याचे फायदे)

​श्वसनक्रिया सुरळीत होण्यासाठी

पोटाचे व्यायाम केल्यानं पोटाच्या स्नायूंसोबतच फुफ्फुसांचंही आरोग्य उत्तम राहण्यास मदत मिळते. पोटाचे व्यायाम करताना दीर्घ श्वास घेतला जातो, ज्याचा फुफ्फुसांना फायदा होतो. श्वसनाचे विकार असणाऱ्यांसाठी योग करणं फायद्याचं ठरू शकतं. श्वसनाचे व्यायाम केल्यानं रक्तातील ऑक्सिजनची पातळी व्यवस्थित राहते. शिवाय रक्तदाब आणि हृदयाचे ठोके नियंत्रित राहण्यासाठी मदत होते.

(Health Care Tips मधुमेहींनी उत्सवांमध्ये केवळ मिठाईच नव्हे तर ‘या’ गोष्टींपासूनही राहावे दूर)

शांत झोप येत नाही? पाहा हा व्हिडीओ

​स्क्रीनटाइमवर असावं नियंत्रण

अतिरिक्त स्क्रीनटाइम डोळ्यांच्या आजारांना आमंत्रण देऊ शकतं. दिवसभरात इतर व्यायामासोबतच डोळ्यांचे सुद्धा व्यायाम करणं आवश्यक आहे. तज्ज्ञांच्या मते, लॅपटॉपवर अथवा टीव्हीसमोर असताना दर वीस सेकंद नाकाकडे लक्ष केंद्रित करा. डोकेदुखीची समस्या सतावणाऱ्या लोकांनी डोळ्यांचे नियमित व्यायाम करायला हवे. यासोबतच डोळ्यांना ताण जाणवत असल्यास डोळे काही सेकंदासाठी बंद करा अथवा हिरवळीकडे बघा.

(सब्जाचे सेवन करण्याची योग्य वेळ आणि पद्धत, जाणून घ्या सविस्तर माहिती)

​दीर्घकाळ बसून आहात?

दीर्घकाळ बसून राहणं वृद्धत्वाला आमंत्रण देऊ शकतं, असं एका संशोधनातून सिद्ध झालं आहे. ऑफिसमध्ये काम करताना आपण किती वेळ बसून राहतो हे मोजता येणं अशक्य आहे. बसून काम करताना प्रत्येक तीस मिनिटांनी उभं राहून शरीराची हालचाल केल्यास संभाव्य धोके टाळता येऊ शकतात, असं कोलंबिया युनिव्हर्सिटीतील शास्त्रज्ञ नमूद करतात.

(निक्की तांबोळीच्या फिटनेसचे सीक्रेट आहेत ‘हे’ वर्कआउट, पाहा एक्सरसाइजचे व्हिडीओ)

संकलन- तेजल निकाळजे, साठये कॉलेज

असा करा सर्वांगासनाचा सराव, पाहा व्हिडीओ


Source link

You may also like...

Leave a Reply

Your email address will not be published. Required fields are marked *