फिट राहायचंय? तर मग आहार आणि व्यायामाचं असं करा नियोजन

Spread the love

नमिता जैन
क्लिनिकल एक्सरसाइज, लाइफस्टाइल अँड वेट मॅनेजमेंट एक्सपर्ट

नियमित व्यायाम करत असाल, तर शरीराच्या गरजा (Health Care) निराळ्या असतात. खर्च होणाऱ्या कॅलरी भरून काढण्यासाठी व्यवस्थित आहार घेणं गरजेचं आहे. तुम्ही नीट खाल्लं नाही, तर शरीर व्यायाम करताना साथ देणार नाही. वर्कआउट यशस्वी रीतीनं पूर्ण करण्यासाठी आपण काय खातोय याकडं लक्ष देणंही तितकंच महत्त्वाचं आहे. कर्बोदकं आणि प्रथिनंयुक्त आहार घेतला, तरच तुम्ही पूर्ण ताकदीने व्यायाम करू शकाल. व्यायाम आणि आहारामधूनच फिटनेस राखता येतो.

कर्बोदकं (कार्बोहायड्रेट्स) कशातून मिळतात?

पोळी, भात, पास्ता, ब्रेड, फळं आणि सर्व प्रकारच्या भाज्या.
प्रथिनं (प्रोटीन) कशातून मिळतात?
मटण, चिकन, मासे, अंडी, सोया आणि सर्व दुग्धजन्य पदार्थ
(कंबरपट्ट्याची गरज कधीच भासू नये, यासाठी करा हे सोपे व्यायाम प्रकार)

​कर्बोदकं अतिशय महत्त्वाची!

कर्बोदकं शरीराला ऊर्जा देण्याचं काम करतात. खेळाडूंसाठी कर्बोदकंयुक्त आहार घेणं अतिशय महत्त्वाचं आहे. प्रथिनं कर्बोदकांबरोबर काम करत शरीर अधिक सुदृढ आणि आरोग्यदायी बनवतं.

(अति प्रमाणात गोड पदार्थ खाताय? आरोग्याचं होऊ शकते नुकसान)

​प्रथिनं जास्त घेताय?

तुम्ही वेट ट्रेनिंग घेत असाल, तर शरीराला जास्त प्रमाणात प्रथिनांची आवश्यकता असते; पण अति प्रमाणात प्रथिनांचं सेवन केल्यास शरीराला त्रास होऊ शकतो. अति प्रमाणात प्रथिनं शरीरात गेल्यास किडनीशी निगडित समस्या उद्भवू शकतात.

(सावधान! तुमच्या ‘या’ चुकांमुळे कमरेच्या स्नायूंवर होताहेत गंभीर परिणाम)

व्यायाम करण्याआधी काय खावं?

व्यायाम करताना शरीर ऊर्जादायी असणं आवश्यक आहे. त्यामुळे व्यायाम करण्याअगोदर दोन-तीन तास पोटभर खाऊन घ्या. म्हणजे व्यायाम करताना शरीर क्रियाशील आणि मन उत्साही राहील. सर्व तऱ्हेची पोषणतत्त्वं असलेला आहार घेणं अतिशय महत्त्वाचं आहे. ओट्स, चिकन सँडविच, सलाड सँडविच, पास्ता, दूध किंवा व्हीट ब्रेड हे अतिशय उत्तम पर्याय ठरू शकतात.

(Weight Loss Tips डाएट न करताही वजन होईल कमी, जाणून घ्या पाणी पिण्याची योग्य पद्धत)

​…तर आळस येऊ शकतो

व्यायाम करण्याआधी खूप खाल्लं, तर वर्कआउट करताना आळस येऊ शकतो; पण काहीही न खाता व्यायाम केला, तरीही त्याचा हवा तो परिणाम साधता येणार नाही. व्यायाम करण्याच्या एक तास अगोदर शक्यतो काहीही खाणं टाळावं, कारण पचनक्रिया सुरू असताना व्यायाम करणं अवघड जातं. लगेचच भरल्यापोटी व्यायाम करणंही जड जातं.

(Weight Loss Tips व्यायाम न करता वजन घटवायचंय? ५ दिवस प्या हा स्पेशल चहा)

​व्यायामानंतर काय खावं?

कर्बोदकं आणि प्रथिनं यांचं ४:१ अशा प्रमाणात व्यायामानंतर आहार घ्यावा. खर्च झालेली ऊर्जा भरून निघण्यासाठी काही तरी खाणं अतिशय महत्त्वाचं आहे. व्यायाम केल्यानंतर ४५ मिनिटांच्या आत तुम्ही खायला हवं. ही पोषणतत्त्वं शोषून घेण्यासाठीची सर्वोत्तम वेळ असते. वर्कआउटनंतर सफरचंद, केळं आणि सुकामेवा असा पौष्टिक आहार घेण्यास प्राधान्य द्या. बिस्किटं, चॉकलेट आणि कँडी असं अर्बटसरबट खाणं टाळावं.

(चालण्याचा व्यायाम कसा करावा? जाणून घ्या ६ आठवड्यांचा फायदेशीर प्लान)

​विशेष पेयं की पाणी?

व्यायाम करताना घाम येतो आणि शरीरातील पाण्याचं प्रमाण कमी होतं. त्यामुळे शरीरातील पाण्याचा समतोल राखण्यासाठी पाणी पिणं गरजेचं आहे. व्यायाम करण्याआधी, करताना आणि केल्यावर पाणी प्यायला हवं. एक तासापेक्षा जास्त वेळ सचोटीनं नियमित व्यायाम करत असाल, तरच स्पोर्ट्स ड्रिंक्स म्हणजे विशेष पेयं घेण्याला प्राधान्य द्या. साठ मिनिटांपेक्षा कमी वेळ व्यायाम करत असाल, तर स्पोर्ट्स ड्रिंक्सची आवश्यकता नाही. स्पोर्ट्स ड्रिंक्स खेळाडूंसाठी तयार केलेली असतात. त्यात इलेक्ट्रॉलाइट्सचं (सोडियम आणि पोटॅशियम) प्रमाण जास्त असतं.


Source link

You may also like...

Leave a Reply

Your email address will not be published. Required fields are marked *