बाळाला कधी, कोणत्या स्वरुपात व कोणत्या वयात हळदीचे पदार्थ खाऊ घालावेत?

Spread the love

बाळ गर्भात असल्यापासून ते १ वर्षाचं होईपर्यंत प्रत्येक आईला एकच चिंता भेडसावत असते की बाळाला काय खाऊ घातलेलं योग्य आणि काय अयोग्य? कारण १ वर्ष पूर्ण होईपर्यंत बाळाची परिस्थिती अतिशय नाजूक असते. म्हणजे तुम्ही त्याला खाऊ घातलेली प्रत्येक गोष्टच त्याला पचेल असं नाही. कारण या काळात त्याची पचन क्षमता किंवा पचनक्रिया काहीशी संथ असते. त्यामुळे तुम्ही त्याच्या आरोग्याच्या दृष्टीने काहीतरी त्याला खाऊ घालाल आणि त्याच्या शरीरावर मात्र दुष्परिणाम होतील. तुम्हाला माहितच असेल की बाळ एक वर्षाचं होईपर्यंत ते पूर्णत: आईच्या दूधावर अवलंबून असतं. आईच्या दूधामध्ये इतकी पोषक तत्वे असतात जितकी एका आहारातही नसतील.

आईच्या दूधाने बाळाला भविष्यात होणा-या गंभीर आजारांपासून वाचवता येऊ शकतं. म्हणूनच वयाच्या १ वर्षाआधी बाळाला स्तनपानाव्यतिरिक्त काहीही खाऊ घालू नये अशी सक्त ताकिद डॉक्टरांकडून दिली जाते. त्याचप्रमाणे हळद हा पदार्थ अनेक औषधी गुणधर्मांनी परिपूर्ण असतो म्हणूनच अनेक औषधांमध्ये त्याचा वापर केला जातो. इतकंच काय तर बाळासाठीही हळद उपयुक्त मानली जाते. पण बाळाच्या आहारात हळदीचा समावेश करण्याआधी हे जाणून घेणं अत्यंत गरजेचं आहे की बाळाला कधी, कसं आणि किती प्रमाणात हळदीचा आहार द्यावा? जेणे करुन त्याला हळदीच्या गुणांचे लाभही मिळतील आणि आरोग्यावर दुष्परिणामही होणार नाहीत.

हळदीचा उपयोग

हो, बाळासाठी हळदीचा वापर करु शकतो. यूएस फूड एंड ड्रग एडमिनिस्‍ट्रेशन अनुसार आहारात हळदीचा उपयोग सुरक्षित असतो. पण बाळासाठी याच्या वापराबद्दल कोणतेही क्लीनीकल संकेत मिळालेले नाहीत. त्यामुळे बाळाला हळदीचे पदार्थ खाऊ घालण्याआधी डॉक्टरांचा सल्ला घेणे गरजेचे असते. सहा महिन्यांच्या किंवा १ वर्षाआधी बाळाला हळद खाऊ घालू नये. कारण या मुलांसाठी आईचं दूधच पोषकतेचा सर्वोत्तम स्त्रोत असतं.

(वाचा :- १ वर्षाच्या बाळाला द्या ‘हा’ पोषक आहार, आरोग्यास होतील लाभच लाभ!)

बाळाला हळद कधी खाऊ घालावी?

बाळाला हळद देण्याआधी ती कधी व कोणत्या स्वरुपात खाऊ घालावी हे जाणून घेणे महत्त्वाचे आहे. हे लक्षात ठेवा की नवजात बाळाला हळद खाऊ घालणं अजिबात सुरक्षित नाही. ठोस आहार सुरु केल्यानंतरच तुम्ही बाळाला हळद खाऊ घालू शकता. तसं तर ६ महिने झाले की बाळाच्या आहारात तुम्ही हळद घालू शकता पण तुम्हाला अजिबातच जोखीम पत्करायची नसेल तर १ वर्षानंतर हळद देणं उत्तम!

(वाचा :- तुमचं मुल कमजोर आहे? मग त्याला हेल्दी बनवण्यासाठी आहारात करा ‘या’ पदार्थांचा समावेश!)

हळदीचे फायदे

हळदीत करक्युमिन नामक घटक असतो जो औषधी वनस्पतींद्वारे अनेक रोगांविरुद्ध कारक ठरतो.

  1. पचनक्रियेत सुधार – बाळाच्या आहारात हळदीचा समावेश केल्याने पित्त रसाच्या उत्पादनास बळकटी मिळते. ज्यामुळे पचनक्रिया सुधारते. तसेच पोट फुगण्याच्या समस्येपासूनही मुक्ती मिळते.
  2. इन्फ्लामेट्री बाऊल सिंड्रोम – हळदीत असलेले करक्युमिन क्रोन डिजीज, अल्सरेटिव कोलाइटिज आणि इतर इन्फ्लामेट्री बाऊल डिजीजपासून बाळाचा बचाव करतो.
  3. खोकला – हळद कफ दूर करुन खोकला आणि सर्दी-पडश्यापासून आराम मिळवून देते. बाळाला खोकला झाल्यास हळदीचा वापर करु शकता.
  4. रोगप्रतिकारक शक्ती – बाळाची रोगप्रतिकारक शक्ती वाढवण्यासाठी हळदीचा वापर केला जाऊ शकतो. यासाठी बाळाच्या आहारात थोड्याश्या प्रमाणात हळद टाकावी.

(वाचा :- मुलांच्या वाईट सवयी सोडवण्यासाठी कामी येणा-या काही भारी ट्रिक्स!)

बाळाला हळद खाऊ घालण्याची पद्धत

एक कप दूधात एक चिमुटभर हळद टाकून ते दूध बाळाला पाजा. जर बाळ १ वर्षापेक्षा लहान असेल तर त्याच्या दूधात साखर टाकू नका. बाळासाठी सूप बनवताना तुम्ही त्यात चिमुटभर हळद टाकू शकता. बाळासाठी दाल खिचडी बनवताना त्यातही चिमुटभर हळद टाका. गाजर, भोपळा किंवा बटाटा प्युरीमध्येही तुम्ही हळद घालू शकता.

(वाचा :- वडिलांशिवाय का अपूर्ण असतं मुलीचं संगोपन?)

हळदीमुळे होणारे नुकसान

अतिप्रमाणात हळद खाल्ल्याने बाळाचे पोट खराब होऊ शकते. याव्यतिरिक्त शरीरात २० ते ९० टक्के लोहाचे अवशोषण कमी होते ज्यामुळे आर्यन डेफेशियंसी एनीमियाचा धोका वाढतो. एनीमिया असणा-या मुलांसाठी हळदीचा वापर विचारपूर्वक करा. हळदीमुळे खरं तर कोणालाही अॅलर्जी होत नाही पण नाजूक आणि संवेदनशील असणा-या लोकांना अॅलर्जी होऊ शकते.

(वाचा :- ‘या’ तेलाने मालिश केल्यास बाळाची हाडे होतील मजबूत!)


Source link

You may also like...

Leave a Reply

Your email address will not be published. Required fields are marked *