बाळाला बिस्किट खाऊ घालण्याचे ‘हे’ आहेत दुष्परिणाम!

Spread the love

बाळ जन्मत:च आपण त्याला थेट आपण जो खातो तसा ठोस आहार भरावू शकत नाही. किमान सहा महिने बाळ हे आईच्या दुधावरच अवलंबून असते आणि या काळात त्याला केवळ आईचेच दुधच द्यावे. सहा महिन्यांनंतर हळूहळू बाळाला एक एक ठोस आहार भरवण्यास सुरुवात केली जाते कारण तोवर त्याचे पचन तंत्र ठोस आहार पचवण्यासाठी सक्षम झालेले असते. अशावेळी अनेकदा बाळाला ठोस आहार म्हणून बिस्किट खाऊ घातले जाते. बिस्किट हे बाळाला सहज पचतं आणि चवीला सुद्धा चांगलं असतं त्यामुळे बाळ सुद्धा आरामात ते खातं.

आईला सुद्धा बाळाला बिस्किट भरवताना काही मोठी कसरत करावी लागत नाही. त्यामुळे सहसा बाळाला ठोस आहार म्हणून पहिले बिस्किटच खाऊ घातले जाते. पण तुम्हाला माहित आहे का बाळाला असे बिस्किट खाऊ घालणे हे काहीसे धोकादायक असू शकते. हो मंडळी बाळाला बिस्किट खाऊ घालण्याने काही नुकसान होऊ शकते. चला जाणून घेऊया आजवर कोणीही तुम्हाला न सांगितलेली ही माहिती!

बिस्किट खाऊ घातल्याने होणारे नुकसान

बिस्किट हा कोणताही नैसर्गिक पदार्थ नाही हे तर आपल्याला माहित आहेच. बिस्किट हे प्रक्रिया करून तयार केले जातात. यामध्ये बीएचए आणि बीएचटी सारखे प्रिजर्वेटिव्‍स असतात आणि बेकिंग सोडा आणि ग्‍लाइसेरोल मोनोस्टिरेट तसेच फलेवरिंग एजेंट सुद्धा असतात. यात रीफाईन्ड गव्हाचे पीठ, ट्रांस फॅट, अॅडिटिव्‍स आणि अन्‍य सिंथेटिक तत्‍व सुद्धा मिसळलेले असतात. हेच कारण आहे की ठोस आहार आपण जेव्हा बाळासाठी सुरु करतो तेव्हा त्याला बिस्किट खाऊ घालण्याचा पर्याय योग्य नाही. यात असलेले तत्व बाळासाठी धोकादायक असू शकतात असे जाणकारांचे सुद्धा मत आहे. बिस्किटामुळे बाळाला पचन संबंधी समस्या जसे की बद्धकोष्ठतेचा त्रास सहन करावा लागू शकतो.

(वाचा :- या ५ लसी नवजात बाळाच्या निरोगी आयुष्यासाठी असतात अत्यंत आवश्यक!)

साखरेचे जास्त प्रमाण

बाजारात मिळणाऱ्या बिस्किटांमध्ये मोठ्या प्रमाणामध्ये रिफाईन्ड साखरेचा वापर केलेला असती यामुळेच ही बिस्किटे चवीला चांगली असतात. यामुळे बाळाला जास्त गोड गोष्टी खाण्याची सवय लागू शकते. एवढेच नाही तर बिस्कीटाची चव आवडली तर बाळ सतत त्याच बिस्किटाचा हट्ट धरू शकतो. त्यामुळे त्याच्या शरीरात साखरेचे प्रमाण वाढून अत्यंत कमी वयात त्याला मधुमेह आणि वजन वाढीचा त्रास सुरु होऊ शकतो. म्हणून बाळाला या वयात बिस्किटांपासून दूर ठेवणेच उत्तम आहे.

(वाचा :- सोहा अली खान आपल्या लाडक्या लेकीसोबत अशी लुटते आहे गणेशोत्सवाचा आनंद!)

अ‍ॅलर्जी

बिस्किटांमध्ये ग्लुटेन आणि लेसीथीन असते. हि तत्वे बाळाच्या शरीरावर रॅशेज निर्माण करू शकतात किंवा बाळाला खोकला, ताप आणि फुफ्फुसांमध्ये सूज यांसारख्या समस्यांना सामोरे जावे लागू शकते. काही संशोधना मधून सुद्धा बिस्किटांच्या सेवनामुळे लहान मुलांमध्ये अशा प्रकारच्या समस्या निर्माण होत असल्याचे दिसून आले आहे. हीच गोष्ट आहे की तज्ञ सुद्धा ठोस आहाराचा काळ सुरु झाल्यावर बाळाला लगेच बिस्किटे भरवण्यास मनाई करतात.

(वाचा :- पहिल्यांदा मासिक पाळी आल्यावर घाबरलेल्या मुलीला याविषयी अशी द्या योग्य माहिती!)

कॅलरी नसते

भले बिस्किटे खाल्ल्याने बाळाची भूक शांत होत असेल पण त्यात कॅलरी नसल्याने त्या बिस्किटांचा शरीराला काही फायदा होत नाही. याचा अर्थ हा आहे की बिस्किटांमधून बाळाला काहीच पोषण मिळत नाही. मार्केटमध्ये मिळणारी ही बिस्किटे म्हणजे बाळासाठी एखाद्या जंक फूड सारखी असतात. यातून शरीराला उर्जा मिळते पोषक मिळण्याचे प्रमाण शून्य असते. त्यामुळे एक प्रकारे बिस्कीट खाणे हे बाळासाठी व्यर्थ असते. त्यापेक्षा त्याला एखादा पोषक पदार्थ देणे उत्तम ठरते.

(वाचा :- मुलांच्या बारीकपणामुळे आहात चिंताग्रस्त? मग त्यांच्या आहारात करा ‘या’ पदार्थांचा समावेश!)

कोणती बिस्किटे खराब असतात

बिस्किटांमुळे बाळावर दुष्परिणाम होऊ शकतात याचा अर्थ असा नाही की सर्वच बिस्किटे वाईट व खराब असतात. जेव्हापासून बिस्किटांच्या दुष्परीणामाचे संशोधन पुढे आले आहे तेव्हापासून विविध कंपन्यांनी पोषक बिस्किटे सुद्धा बाजारात आणली आहेत जी बाळासाठी उत्तम ठरू शकतात. त्यात ना कोणते प्रिजर्वेटिव्‍स असतात ना सिंथेटिव तत्‍व असतात. नाचणी, बेसन, गव्हाचे पीठ, ओट्स, खजूर सिरप, गुळ, तूप, बदाम पावडर यांच्यापासून बनलेली बिस्किटे शक्यतो बाळाला भरवावीत.

(वाचा :- बाळाने कोणत्या महिन्यात गुडघ्यावर रांगणं गरजेचं असतं?)


Source link

You may also like...

Leave a Reply

Your email address will not be published. Required fields are marked *