बिपाशा बासूला सोडून ‘या’ कारणामुळे जॉन अब्राहमने केलं एका साधारण मुलीशी लग्न!

Spread the love

सिनेसृष्टीतील चर्चेत आलेल्या अनेक रिलेशनशीपपैकी अभिनेता जॉन अब्राहम (john abraham) आणि अभिनेत्री बिपाशा बासू (bipasha basu) यांचंही एक नातं आहे. पडद्यावर स्वत:चा जलवा दाखवल्यानंतर दोघांचीही रियल लाईफमध्येही केमिस्ट्री चांगली जुळून आली. पण तरीही या दोघांच्याही गोड नात्याचा हार्टब्रेकसोबत शेवट झाला आणि दोघांचे रस्ते वेगळे झाले.

दोघांपैकी जॉन अब्राहमने पहिलं मुव्ह ऑन केलं आणि मोठ मोठ्या ग्लॅमरस अभिनेत्रींना सोडून त्याने एका साधारण जिला कोणीही ओळखत नाही अशा प्रिया रुंचल (priya runchal) नावाच्या मुलीशी विवाह केला. असं साधारण मुलीसोबत लग्न करण्यामागचं त्याने जे कारण स्पष्ट केलं ते अनेक लोकांना पटू शकतं व ते आपल्या आयुष्याशी त्याचा संबंध जोडू शकतात. जाणून घेऊया जॉन अब्राहमच्या वैवाहीक आयुष्याबद्दल सारं काही!

म्हणून प्रियासोबतचं नातं आहे अनोख

जॉन अब्राहमने एका मुलाखतीत सांगितले की, प्रिया जेव्हा त्याच्या आयुष्यात आली तेव्हा त्याला नात्यांची एक वेगळी परिभाषा समजली. जॉनने सांगितले की, प्रियामुळे तो जास्त मॅच्युर झाला आणि या गोष्टीचा सकारात्मक परिणाम कुठेतरी त्यांच्या वैवाहीक आयुष्यावरही पडला. यासोबतच प्रिया आयुष्यात आल्यानंतर जॉनला हे समजलं किंबहुना त्यान हे मान्य केलं की, आपल्यातही काही कमी आहेत आणि तो देखील एक परफेक्ट पार्टनर नाही, पण प्रियाने भक्कम साथ देऊन त्याला एक चांगला व्यक्ती व जोडीदार बनण्यात मदत केली. प्रियासोबत आलेला हा असा पहिलाच अनुभव होता जो त्यांने इतर नात्यात कधीच फिल केला नव्हता.

(वाचा :- एकटं राहूनही आनंदी व सुखी आयुष्य जगता येतं! जाणून घ्या कसं?)

जोडीदार तोच जो तुम्हाला उत्कृष्ट बनवेल

ख-या अर्थी लाइफ पार्टनर तोच असतो जो आपल्यातील कमतरता किंवा वाईट सवयी दूर करेल आणि एक चांगली व्यक्ती बनून समाजात वावरण्यास आपली मदत करेल. असे लोक आपले विचार जोडीदारावर लादत नाहीत तर आपल्या गोड स्वभाव व वाणीतून जोडीदाराला आयुष्याकडे नव्या दृष्टीकोनातून पाहायला प्रोत्साहित करतात. आयुष्यात जेव्हा ही सकारात्मकता येते तेव्हा समोरचा व्यक्ती स्वत:च आपल्या जुन्या वाईट सवयी सोडून चांगला व्यक्ती बनण्याकडे मार्गक्रमण करतो आणि हा बदल त्याला स्वत:ला हवाहवासा वाटू लागतो.

(वाचा :- ‘या’ ५ सवयी जाणून घेतल्यानंतर डोळे बंद करुन द्या लग्नाला होकार!)

सपोर्ट करणं

प्रिया रुंचल एनआरआई आहे पण लग्नानंतर तिने जॉनसोबत मुंबईला राहायचा निर्णय घेतला जेणे करुन त्याला सपोर्ट करता येईल. जॉनने सांगितले की, त्याची पत्नी कायम लाइमलाईटपासून कोसो दूर राहते पण जेव्हा जेव्हा त्याला गरज असते तेव्हा तेव्हा ती त्याच्या सोबत उभी राहते. त्याने हे देखील सांगितले की लोकांसमोर उगाच खोटा दिखावा करण्यापेक्षा प्रिया आपल्या जबाबदा-या चोख पार पाडते व बिझनेस सांभाळण्यासाठीही मोठा रोल निभावते. प्रियाच्या सपोर्टमुळेच जॉन स्ट्रॉंग झाला. असा जोडीदार सर्वांना भेटला जो स्वप्न पूर्ण करण्यासाठी साथ देतो तर अजून काय हवं ना? असा जोडीदार सर्वांनाच हवाहवासा वाटेल.

(वाचा :- रितेश-जेनेलियाचा लव्ह फॉर्म्युला वापरल्यास पत्नीशी होणार नाहीत कधीच वाद!)

स्विकार व आदर

प्रिया व जॉनचं करियर एकदम वेगळं होतं. इतकंच नव्हे तर दोघांच्या स्वभावातही खूप असमानता आहे. तरीही दोघांचे नाते एकदम स्टेबल आहे. यामागचं सर्वात मोठं कारण हे आहे की, दोघांनीही एकमेकांना जसं आहे तसं स्विकारलं आहे. त्यासोबतच दोघांनी नात्यातील एकमेकांबद्दलचा आदर कायम ठेवला आहे. प्रिया व जॉन एकमेकांच्या निर्णयाचा व पर्सनल स्पेसचा आदर करतात. त्यामुळे दोघांमध्ये वादाचे प्रसंग निर्माण होतच नाहीत. जोडपं कोणतंही असो पण प्रेमासोबतच नात्यात आदर असणंही गरजेचं असतं. तसंच आपल्या जोडीदाराला आहे तसं स्विकारा. जर तुम्ही विरुद्ध स्वभावाच्या व्यक्तीला आपल्यासारखं बनवणार असाल किंवा बदलणार असाल तर हेच योग्य आहे की तुम्ही तुमच्यासारखा माणूस निवडा ज्याच्यासोबत तुमचं ट्युनिंग चांगलं जमेल.

(वाचा :- ‘या’ ५ गोष्टींवरुन ओळखा तुम्ही आई-बाबा बनण्यास आहात मानसिकरित्या तयार!)

प्रामाणिकपणा

नातं असो वा काम, प्रामाणिकपणे केलेल्या प्रत्येक गोष्टीला निसंशय यश हे मिळतंच. प्रियाने जॉनवर प्रामाणिकपणे प्रेम केलं. त्याचा भूतकाळ खोदून काढण्याऐवजी तिने त्याला आहे तसा भूतकाळातील गोष्टींसहित स्वीकारलं व प्रामाणिक प्रेम करत राहिली. ज्यामुळे जॉन देखील तिच्याकडे आकर्षित झाला. जॉन अभिनेता आहे आणि आपण एक साधारण मुलगी हे सत्य तिने कायम स्विकारलं व त्याच्या करियरमध्ये ती कधीच आड आली नाही. तर जॉन व प्रियाचं नातं आपल्या सर्वांनाच खूप काही शिकवतं. भूतकाळ कितीही काळा असूदेत पण भविष्य सुंदर करण्यासाठी नात्यातील दोघांनाही मेहनत घ्यावी लागते हेच खरं आहे.

(वाचा :- ‘या’ ५ गोष्टी सांगतात नात्यातील प्रेम चाललंय आटत, वेळीच घाला वाईट सवयींना आवर!)


Source link

You may also like...

Leave a Reply

Your email address will not be published. Required fields are marked *