बॉलिवूडमधील ‘या’ जोडप्यांमुळे कळते लहान वयाची मुलगी का ठरते बेस्ट जोडीदार?

Spread the love

लग्न जुळवताना मुलगा आणि मुलगी या दोघांच्या घरची एकच अट असते की दोघांच्या वयात जास्त अंतर नसावे. सामान्यत: मुलाचे वय जास्त असेल आणि मुलीचे कमी तर मुलीच्या घरचे नकारच देतात. अर्थात त्या मागे त्यांची स्वतःची सुद्धा काही कारणे असतात. वयात जास्त अंतर असेल तर तो व्यक्ती आपल्या मुलीला लवकर सोडून स्वर्गवासी होईल ही सर्वात मोठी भीती मुलीच्या घरच्यांना असते. शिवाय वय जास्त असल्याने समाजातील मान राखण्याचा प्रश्न सुद्धा निर्माण होतो.

नातेवाईक नावं ठेवण्याची शक्यता असते. पण या सर्व गोष्टी आपण बाजूला ठेवल्या आणि कमी वयाची मुलगी आणि जास्त वयाचा मुलगा यांच्या केवळ नात्याचा विचार केला तर ते नातं कितपत यशस्वी होत असेल? तर मंडळी या प्रश्नाचे उत्तर आहे होय अशी नाती यशस्वी होतात आणि सुखाचा संसार करतात. जास्त विचार करण्याची गरज नाही, तुम्हाला कित्येक प्रसिद्ध बॉलिवूड कपल्सची उदाहरणे सहज दिसतील. आज त्याच कपल्स बद्दल आपण जाणून घेऊया.

रितेश आणि जेनेलिया

बॉलिवूड मधील सर्वात हॅप्पी कपल म्हणून या दोघांकडे पाहिलं जातं. ना कधी त्यांच्या भांडणाची बातमी येते, ना कोणत्या वादाची, गेली कित्येक वर्षे दोघांचा संसार सुरळीत सुरू आहे दोघांमध्ये 7 वर्षांचे अंतर असून सुद्धा! हो रितेश (ritesh deshmukh) हा जेनेलियापेक्षा (genelia dsouza) सात वर्षांनी मोठा आहे. पण वयाच्या या अंतरामुळे कुठेच त्यांच्या नात्यात अंतर आले नाही. अर्थात याचं श्रेय ऱ्या दोघांनाच जातं कारण त्यांनी ते नातं सांभाळलं आहे. त्यांच्या नात्याची खास गोष्ट म्हणजे ते कधीच आपल्या नात्यातील रोमान्स कमी होऊ देत नाहीत. नेहमी एकमेकांशी प्रेमाने वागतात आणि आपलं नातं सुंदर राखण्याचा प्रयत्न करतात.

(वाचा :- मैत्री जपण्यासाठी या ८ गोष्टी आहेत महत्त्वाच्या)

शाहीद आणि मीरा

शाहीद (shahid kapoor) आणि मीरा (mira rajput) यांचं लग्न किती अचानक झालं हे सर्वांनाच ठाऊक आहे. अनेकांना वाटत होतं की शाहीद कोणत्या तरी बॉलिवूड अभिनेत्री सोबतच लग्न करेल, पण सर्वांच्या अंदाजाला दूर सारत त्याने निवड केली मीरा राजपूतची जी त्याच्या पेक्षा 1 किंवा 2 नाही तर तब्बल 14 वर्ष लहान आहे. पण कुठेच या गोष्टीचा त्यांच्या नात्यावर प्रभाव दिसून येत नाही. त्यांच्या नात्याचं एक गुपित म्हणजे दोघांनी एकमेकांना बॉलिवूडच्या दिखाव्यापासून दूर ठेवलं आहे. मीरा तर फार कधी कॅमेऱ्या समोर येत नाही आणि शाहीद सुद्धा केवळ चित्रपट प्रमोशन वगळता अन्य वेळी कॅमेरा पासून दूरच राहतो. दोघेही शक्य तेवढा वेळ आपल्या संसाराला देतात आणि खुश राहतात.

(वाचा :- “माझे वडिल खोटारडे आहेत” सोनम कपूरने वडिलांबद्दल केला मोठा खुलासा!)

सैफ आणि करीना

या लिस्टमध्ये या जोडीचं नाव नाही असं कसं होईल, कारण नेहमी चर्चेत राहणारी अत्यंत प्रसिद्ध आणि वयात मोठं अंतर असणारी दोघांची जोडी आहे. करीना (kareena kapoor) सैफ अली खान (saif ali khan) पेक्षा 10 वर्षे लहान आहे मात्र तरी तिने स्वतःच्या मर्जीने सैफचा पती म्हणून स्वीकार केला कारण तिचं खरंच त्याच्यावर प्रेम होतं. दोघांचं एकमेकांवर असलेलं हे गोड प्रेम नेहमी लहान सहन गोष्टीतून देखील दिसत असतं. या दोघांनी दाखवून दिलंय की जर प्रेम खरं असेल तर व्हायला बंधन नाही. तुम्ही कोणत्याही व्यक्ती सोबत खुश राहू शकता. त्यांचे विचार सुद्धा अत्यंत आधुनिक असून ते पती पत्नी कमी व मित्र मैत्रीण या नात्याने एकमेकांसोबत जास्त वागतात.

(वाचा :- ‘या’ खास कारणांमुळे विराटने कोहली आहे अनुष्का शर्माच्या प्रेमात वेडा!)

अजय आणि काजोल

ही गोष्ट फार लोकांना माहीत नाही पण हे खरे आहे की अजय देवगण आणि काजोल या दोघांच्या वयातही मोठे अंतर आहे, मात्र दोघांकडे पाहून अजिबात या गोष्टी वर विश्वास बसत नाही कारण त्यांचे एकमेकांवर प्रेमच तितके अफाट आहे. दोघांच्या संसाराला आता 20 वर्षांपेक्षा जास्त काळ लोटला आहे मात्र आजही त्यांचे नाते सदाबहार आहे. त्यांच्या लग्नावेळी अनेकांनी त्यांचे हे नाते कितपत टिकेल यावर शंका व्यक्त केली होती मात्र दोघांनी आपला संसार यशस्वी करून दाखवला आणि सिद्ध केले की प्रेमात सारं काही शक्य आहे फक्त ईच्छाशक्ती हवी. त्यांचे हे प्रेमळ नाते वयात अंतर असून सुद्धा आयुष्यभर साथ देऊ इच्छिणाऱ्यांसाठी आदर्श आहे.

(वाचा :- लग्नाच्या नावानेही अभिनेत्री फातिमा सना शेखला वाटते भिती! तिच्यासारखे विचार आयुष्याचं का करतात नुकसान?)

संजय आणि मान्यता

बॉलिवूडचा खलनायक संजय दत्त आणि त्याची पत्नी मान्यता दत्त यांच्यामध्ये तब्बल 19 वर्षांचे अंतर आहे आणि तरी त्यांचा संसार मुला बाळांसह सुखाने सुरू आहे. रिलेशनशिप बाबत संजयचे चंचल मन पाहता अनेकांनी मान्यताला लग्नाच्या निर्णयाबद्दल पुन्हा विचार करायला सांगितले, पण मान्यताला आपल्या प्रेमावर विश्वास होता आणि तिने आज संजय दत्त सोबत आपले नाते यशस्वी करून दाखवले. त्याच्या प्रत्येक काळात ती त्याच्या सोबत उभी राहिली. तिने त्याला आधार दिला आणि आज दोघे सुखाने आयुष्य जगत आहेत. तर मंडलळी पाहिलंत का, वयात अंतर असेल तर चालेल, पण प्रेमात आणि भावनांमध्ये अंतर आले नाही पाहिजे, मग कोणतेही नाव सुरळीत सुरू राहते.

(वाचा :- पत्नी प्रेग्नेंट असताना शाहीद कपूरने उलगडलं एक आश्चर्यकारक सत्य, बहुतांश जोडप्यांना येतो याचा अनुभव!)


Source link

You may also like...

Leave a Reply

Your email address will not be published. Required fields are marked *