बॉलीवूडमधील हे सेलिब्रेटी IVF व surrogacy प्रक्रियेद्वारे झाले आहेत आई-बाबा! नेमकं काय आहे हे तंत्रज्ञान?

Spread the love

फराह खान आणि शिरीष कुंदर

बॉलीवूडची प्रसिद्ध कोरियोग्राफर आणि दिग्दर्शक फराह खान आणि तिचे पती शिरीष कुंदर त्या सेलिब्रटी कपल्सपैकी एक आहेत जे आयव्हीएफ IVF प्रक्रियेद्वारे आई-वडिल बनले आहेत. लग्नानंतर २ वर्षे फराह खानने नैसर्गिकरित्या कंसीव करण्यासाठी किंवा बाळ जन्माला यावे म्हणून प्रयत्न केले. पण सतत अपयश आल्यामुळे दोघांनी मिळून आयव्हीएफ प्रक्रियेचा मार्ग निवडला. ११ फेब्रुवारी २०१८ मध्ये फराह खानने ४३ वय असताना तीन मुलांना जन्म दिला. डोनरचं अंड घेऊन आणि आयव्हीएफचा वापर करुन ही प्रक्रिया पूर्ण केली गेली.

(वाचा :- Navratri :- प्रेग्नेंसीमध्ये करताय नवरात्रीचे व्रत? मग जाणून घ्या ‘या’ महत्त्वपूर्ण गोष्टी!)

सोहेल खान आणि सीमा

सोहेल खान आणि सीमा देखील बॉलीवूडमधील त्या जोडप्यांमधील एक आहेत जे आयव्हीएफ सरोगसी प्रक्रियेद्वारे आई-बाबा झाले आहेत. या जोडप्याने आपल्या पहिल्या मुलाच्या म्हणजेच निर्वाणच्या जन्मानंतर तब्बल १० वर्षांनंतर दुस-या मुलाला जन्म देण्याचा प्लान केला. जेव्हा सामान्य मार्गाने हे शक्य होईना तेव्हा त्यांनी आयव्हीएफ सरोगसीचा आधार घेतला. लग्नानंतर १३ वर्षांनी २०११ सालात हे जोडपे योहानचे आई-बाबा झाले.

(वाचा :- प्रेग्नेंसीमध्ये चुकूनही खाऊ नका ‘हे’ पदार्थ अन्यथा गर्भातील बाळाला पोहचू शकतो धोका!)

आमिर खान आणि किरण राव

आमिर खान आणि त्याची दुसरी पत्नी किरणने जेव्हा बाळाला जन्म देण्याचा निर्णय घेतला तेव्हा त्यांनाही आयव्हीएफ सरोगसीचा आधार घ्यावा लागला. कारण या वयात सामान्यपणे बाळाला जन्म देणं शक्य नव्हतं. या दोघांसाठी आई-वडिल बनणं म्हणजे एक चमत्कारच होता. हे दोघे ५ डिसेंबर २०११ रोजी आई-वडिल झाले आणि त्यांनी आपल्या मुलाचं नाव आजाद ठेवलं. तसं तर आमिर खान आणि त्याच्या पहिल्या पत्नीची दोन मुलं आहेत.

(वाचा :- डिलिव्हरीनंतर अंगदुखीचा त्रास सतावतोय? मग ट्राय करा ‘हे’ रामबाण घरगुती उपचार!)

करण जोहर

बॉलीवूडमधील सर्वात मोठा दिग्दर्शक आणि निर्माता करण जोहर हा देखील आयव्हीएफ व सरोगसी द्वारेच वडिल बनला आहे. करण आपल्या लिंगाबद्दल अगदी खुलेआम चर्चा करतो त्यामुळे सामान्यपणे वडिल बनण्यासाठी त्याच्याकडे फक्त आयव्हीएफ व सरोगसी हेच मार्ग होते. जेव्हा योग्य वेळ आली तेव्हा करण सरोगसी प्रक्रियेची मदत घेऊन यश आणि रुही या जुळ्या मुलांचा बाबा बनला.

(वाचा :- सिझेरियन डिलिव्हरीनंतर ताबडतोब व्हायचं असेल फिट, तर आवर्जून खा ‘हे’ ५ पदार्थ!)

शाहरुख खान आणि गौरी खान

शाहरुख आणि गौरी खान हे जोडपे देखील आपल्या तिस-या मुलाचे आई-वडिल हे आयव्हीएफ प्रक्रियेद्वारेच बनले आहेत. या जोडप्याने आपल्या तिस-या मुलाला जन्म देण्याची प्लानिंग वयाच्या चाळीशी नंतर केली आणि या वयात सामान्यपणे कंसीव करणं आणि बाळाला जन्म देणे अशक्य असतं. या दोघांनी एकमताने आयव्हीएफ द्वारे बाळाला जन्म देण्यासाठी एक सरोगेट महिला हायर केली होती. असं म्हटलं जातं की शाहरुख व गौरीनेही २ वर्षे सामान्य पद्धतीने कंसीव करण्याचा प्रयत्न केला पण यात अपयश आल्यानंतरच त्यांनी हा मार्ग वापरला. २०१३ मध्ये अबरामचा जन्म झाला जो की ३४ व्या आठवड्यात जन्मलेला प्रीमॅच्युर बेबी होता.

(वाचा :- प्रेग्नेंसीमध्ये किती तास झोप घेणं आवश्यक असतं?)


Source link

You may also like...

Leave a Reply

Your email address will not be published. Required fields are marked *