भात खाल्ल्याने शरीरावर होतात हे परिणाम, किती प्रमाणात सेवन करणं ठरेल आरोग्यासाठी योग्य?

Spread the love

पोळीपेक्षा भात खाणे बहुतांश भारतीयांना आवडते. काही लोकांना दररोज वरण-भात-तूप खायला आवडतं तर काही जण राजमा-राइसचे चाहते असतात. कोकण तसंच दक्षिण भारतातील कित्येक पाककृतींमध्ये प्रामुख्याने तांदूळ आणि तांदळाच्या पिठाचा समावेश केला जातो. काही लोकांचा तर भाताशिवाय स्वयंपाक पूर्ण होणे, जवळपास अशक्यच. पण दररोज भात खाणे आरोग्यासाठी चांगलं असतं का? प्रत्येक दिवशी भात खाल्ल्याने आपल्या आरोग्यावर कोणते परिणाम होतात आणि शरीराला कोणते लाभ मिळतात? हे जाणून घेणे देखील आरोग्याच्या (Health Care Tips) दृष्टीकोनातून आवश्यक आहे.

  • तांदळामध्ये चरबी म्हणजे फॅट्सचे प्रमाण आणि नैसर्गिक स्वरुपातील साखर देखील कमी असते. तांदळाचे नियमित मर्यादित स्वरुपात सेवन केल्यास शरीरात इन्सुलिनचा स्राव संतुलित प्रमाणात राहण्यास मदत मिळते.
  • तांदळामध्ये फायबरची मात्रा भरपूर असते. यातील पोषक घटकांमुळे शरीराचे वजन नियंत्रणात राहण्यास मदत मिळते.

​खराब कोलेस्ट्रॉल नियंत्रणात राहतं

  • प्रत्येक दिवशी मर्यादित प्रमाणात तांदळाचे सेवन केल्यास शरीरातील खराब कोलेस्ट्रॉलची पातळी नियंत्रणात राहण्यास मदत मिळते. यातील पोषक घटक शरीराचे वजन नियंत्रणात ठेवण्याचे कार्य करतात. पण भात खाल्ल्याने वजन कमी होतं की नाही, याबाबत प्रत्येकाला वेगवेगळे अनुभव येऊ शकतात. कारण ही बाब आपल्या चयापचयाच्या क्षमतेवर अवलंबून असते.
  • दरम्यान बर्‍याच रिपोर्ट्समध्ये हे देखील स्पष्ट झालंय की, जास्त प्रमाणात भाताचे सेवन केलं तर चयापचयाशी संबंधित आजार होण्याची शक्यता असते. म्हणजे तुम्ही दररोज भात खाऊ शकता पण त्याच्या प्रमाणाबाबत योग्य ती काळजी घेणे आवश्यक आहे. यासाठी आपल्या ओळखीच्या डॉक्टरांचा किंवा आहारतज्ज्ञांचा सल्ला घेणे गरजेचं आहे.

​अभ्यासातील महत्त्वपूर्ण माहिती

  • भात खाल्ल्याने शरीराचे वजन वाढते की वाढत नाही, यामागील नेमके सत्य काय आहे? असा प्रश्न उपस्थित होणे स्वाभाविक आहे. याबाबत करण्यात आलेल्या अभ्यासातील माहिती जाणून घेऊया.
  • दररोज मर्यादित स्वरुपात तांदळाचे सेवन केल्यास शरीराच्या वजनावर कोणतेही नकारात्मक परिणाम होत नाहीत, अशी माहिती अभ्यासाद्वारे समोर आली आहे.
  • काही दिवसांपूर्वी क्योटोच्या दोशिशा वुमेन्स कॉलेज ऑफ लिबरल आर्ट्सच्या (Doshisha Women’s College of Liberal Arts) प्रोफेसर टोमोको इमई यांच्या देखरेखी अंतर्गत झालेल्या एका अभ्यासाद्वारे ही बाब समोर आलीय.

(Health Tips पोट आरामात जाईल आतमध्ये, फक्त नियमित करा हे ५ एक्सरसाइज)

​अभ्यासातील दुसरी बाजू

अभ्यासामध्ये ही बाब देखील मांडण्यात आली आहे की, पूर्वेकडील देशांच्या तुलनेत पाश्चिमात्य देशांमध्ये लठ्ठपणा ही सर्वात मोठी समस्या आहे. पण पूर्वेकडील देशांमध्ये पश्चिमेकडील देशांपेक्षा अधिक प्रमाणात तांदूळ खाल्ला जातो. याबाबत युनायटेड किंगडमचे नॅशनल ओबेसिटी फोरमचे चेअरमन टॅम फ्रे यांनी देखील मान्य केलंय की पाश्चिमात्य देशांच्या तुलनेत पूर्वेकडील देशांतील लोकांमध्ये लठ्ठपणाची समस्या कमी प्रमाणात आढळू येते.

(सॅनिटायझर बर्न्स टाळणे शक्य, तज्ज्ञांच्या माहितीनुसार ‘या’ खबरदारी बाळगणे आवश्यक)

​पौष्टिक आहार

दरम्यान पूर्वेकडील देशांमध्येही लठ्ठपणा ही मोठी समस्या आहे. या देशांमधील लोकांच्या आहाराचा बारकाईनं अभ्यास केल्यानंतर त्यांच्या शरीराच्या वाढत्या वजनामागे भात खाण्याच्या सवयीस जबाबदार धरता आले नाही. या संशोधनाशी जोडल्या गेलेल्या प्रोफेसर इमई यांनी सांगितले की, ज्या देशांमध्ये भात अधिक प्रमाणात खाल्ला जातो; तेथे पाश्चिमात्य देशांच्या तुलनेत लठ्ठपणाची समस्या बरीच कमी आढळून येते.

(सायकलिंगला सुरुवात करताय? मग आरोग्यासाठी या गोष्टींची खबरदारी घेणे आवश्यक)

​भात खाण्याचे योग्य प्रमाण आणि योग्य वेळ

  • मर्यादित स्वरुपात भात खाणे आरोग्यासाठी जितके महत्त्वाचे आहे, त्याचप्रमाणे भात योग्य वेळेत खाणेही आवश्यक आहे. तांदूळ पचनास अतिशय हलका आहे. दिवसभरात कोणत्याही वेळेत गरमागरम भात तुम्ही खाऊ शकता. पण दुपारच्या वेळेस भाताचे सेवन आरोग्यासाठी अधिक फायदेशीर ठरू शकते.
  • भारतीय पारंपरिक पद्धतीनुसार दुपारच्या वेळेस डाळ-भात आणि भाजी-पोळी खाल्ली जाते. तुम्ही दिवसभरात एक वाटी भात खाल्ल्यास शरीराचे वजन वाढण्याची समस्या निर्माण होणार नाही.
  • तसंच आपल्या आहारातील अन्य खाद्यपदार्थांवरही योग्य लक्ष ठेवून आरोग्याची योग्य ती काळजी घ्यावी.

NOTE : आहारामध्येही कोणतेही बदल करण्यापूर्वी आपल्या ओळखीच्या डॉक्टरांचा किंवा आहारतज्ज्ञांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *