मलायका अरोराचा ग्लॅमरस अवतार, पाहा पारंपरिक ते वेस्टर्न लुकमधील स्टायलिश फोटो

Spread the love

अभिनेत्री मलायका अरोरा फॅशन, डान्स आणि फिटनेससाठी प्रसिद्ध आहे. सध्या मलायका अरोरा क्वॉरेंटाइनमध्ये आहे. क्वॉरेंटाइन होण्यापूर्वी ती एका डान्स रिअ‍ॅलिटी शोमध्ये परीक्षकाची भूमिका निभावत होती. या कार्यक्रमाचे शुटिंग देखील सुरू होते. यादरम्यान या अभिनेत्रीचा एकापेक्षा एक ग्लॅमरस अवतार प्रेक्षकांना पाहायला मिळत होता.

मलायका अरोरा शोमध्ये कधी शॉर्ट ड्रेस तर कधी बॉडीकॉन स्लिट ड्रेस अशा घायाळ करणाऱ्या अंदाजात दिसत असे. स्टायलिश अवतारातील तिचे फोटो सोशल मीडियावर देखील मोठ्या प्रमाणात व्हायरल झाले आहेत. तसंच मलायका स्वतःचे फॅशनेबल फोटो चाहत्यांसोबतही शेअर करत असते. तिच्या मोहक आणि हॉट फोटोंवर चाहते लाइक आणि कमेंट्सचा अक्षरशः वर्षाव करतात.
(विद्या बालनला प्रसिद्ध डिझाइनर सब्यसाची मुखर्जीचा चेहरा सुद्धा पाहण्याची इच्छा का नाही?)

​ऑल ब्ल्यू लुक

या फोटोमध्ये तुम्ही मलायकाचा ‘ऑल ब्ल्यू लुक’ पाहू शकता. कार्यक्रमाच्या शुटिंगसाठी तिने इलेक्ट्रिक निळ्या रंगाच्या फुल स्लीव्ह्ज टॉपची निवड केली होती. लॅटेक्सपासून तयार करण्यात आलेल्या या टॉपची टर्टल नेकलाइन डिझाइन होती. ज्यावर मलायकाने A सिमेट्रिकल स्कर्ट परिधान केला होता. या स्कर्टवर अकॉर्डियन प्लीट्सचे डिझाइन तुम्ही पाहू शकता. मलायकाचा हा ड्रेस फॅशन डिझाइन अमित अग्रवालने डिझाइन केला होता.

(अनुष्का शर्मा आणि कियाराचे एकसारखेच जम्पसूट, कोणी कोणाला केलंय कॉपी?)

​सिल्व्हर लेहंगा

मलायका अरोरा लेहंग्यामध्ये नेहमीच सुंदर दिसते. काही दिवसांपूर्वीच शूटसाठी तिनं हा चंदेरी रंगाचा लेहंगा परिधान केला होता. मनीष मल्होत्राने डिझाइन केलेल्या या लेहंग्यावर गडद राखाडी रंगाची आकर्षक डिझाइन तुम्ही पाहू शकता. लेहंग्यावरील ब्लाउजचे स्ट्रॅप स्लीव्ह्ज आणि लो-कट नेकलाइन डिझाइन होती. मलायकाची स्टेटमेंट ज्वेलरी रेनू ओबेरॉय यांच्या लेटेस्ट कलेक्शनमधील आहे. डायमंड आणि एम्रल्डपासून ही ज्वेलरी तयार करण्यात आली आहे.

(करीना कपूर आणि मलायकाने पुन्हा एकसारखेच कपडे केले परिधान, पाहा फोटो)

​सेक्सी बॉडीकॉन ड्रेस

आपल्या ग्लॅमरस लुकने चाहत्यांना नेहमी क्लीन बोल्ड करणारी मलायका अरोरा या चंदेरी आणि काळ्या रंगाच्या बॉडीकॉन ड्रेसमध्ये सुपर हॉट दिसत होती. हॉल्टर नेकलाइन आणि डीप कट आर्महोल्स असणाऱ्या आउटफिटमध्ये मलायका अतिशय मोहक व सुंदर दिसत होती. मलायकाने या ड्रेसवर डायमंड ज्वेलरी मॅच केली होती. स्टायलिश हाय हील्स हा लुक जास्तच ग्लॅमरस दिसत आहे.

(Ankita Lokhande सुंदर साडीतील अंकिता लोखंडेच्या मोहक अदा, पाहा फोटो)

​मलायकाचे ‘सिल्व्हर- गोल्डन’ कॉम्बिनेशनवरील प्रेम

मलायका अरोरा बहुतांश वेळा कोणत्या-न्-कोणत्या कार्यक्रमामध्ये सिल्व्हर आणि गोल्डन रंगाच्या ड्रेसमध्ये दिसतेच. कदाचित या रंगांवर तिचे विशेष प्रेम असावे. काही दिवसांपूर्वीच शुटिंग सेटवर देखील तिला अशाच शेड्सच्या आउटफिटमध्ये पाहिलं गेलं. या शॉर्ट ड्रेसमुळे मलायकाला बोल्ड लुक मिळाला आहे. या आउटफिटचे फुल स्लीव्ह्ज, पफ्ड शोल्डर आणि नेकलाइन टर्टल डिझाइनमध्ये होती. साध्या आणि स्टायलिश ड्रेसमुळे तिला हटके लुक मिळाला होता.

(ड्रेस पाहिल्यानंतर लोक म्हणाले, अनुष्का शर्मानंतर आता पक्का प्रियंका चोप्राचा नंबर)

​मराठी मुलगी अवतार

गणेश चतुर्थी स्पेशल एपिसोडसाठी मलायकाने पारंपरिक पोषाखाची निवड केली होती. तिनं Raw Mango या ब्रँडची लाल रंगाची साडी नेसली होती. ज्यावर सोनेरी रंगाच्या धाग्यांचे सुंदर डिझाइन तुम्ही पाहू शकता. या लुकसह मलायकाने Apala कलेक्शनमधील स्टेटमेंट ज्वेलरी परिधान केली होती. महाराष्ट्रीयन नथीसह, तिच्या कपाळावर चंद्रकोर देखील दिसत आहे. या मराठमोळ्या लुकमध्येही मलायका मोहक दिसत आहे.

(डेनिम है ना! नव्या आणि ट्रेंडिंग फॅशनची माहिती)

​ब्लिंग-ब्लिंग

या फोटोमध्ये मलायका अरोरा (Malaika Arora Saree Look) गडद जांभळ्या रंगाच्या साडीमध्ये दिसत आहे. या साडीचा लुक बराच निराळा आणि स्टायलिश आहे. या प्री-स्टिच्ड साडीवर तिने वन शोल्डर स्लीव्ह्ज ब्लाउज परिधान केलं होतं. ब्लाउजच्या नेकलाइनची डिझाइन देखील सुंदर आणि हटके दिसत आहे. तिनं साध्या स्वरुपातील ज्वेलरी मॅच केली आहे. मलायकाची ही साडी गौरव गुप्ताने डिझाइन केली होती.

(करीनापासून ते रायमापर्यंत, या अभिनेत्रींनी फोटोशूटसाठी घेतला असा बोल्ड निर्णय)


Source link

You may also like...

Leave a Reply

Your email address will not be published. Required fields are marked *