मलायका अरोरा ते करीना कपूर, प्रेग्नेंट असताना या अभिनेत्रींनी केलं शानदार रॅम्प वॉक

Spread the love

गर्भावस्थेदरम्यान महिलांनी घरातच बसून राहण्याचे दिवस आता राहिले नाहीत. बदलत्या काळानुरूप जीवनशैलीमध्येही बदल होत आहेत. प्रेग्नेंसीदरम्यान वाढणाऱ्या वजनाबाबत सतत विचार करून महिला चिंताग्रस्त होत असत. हे चित्र फार पूर्वीच्या काळात पाहायला मिळायचं. पण आता स्त्रिया प्रसूतीच्या तारखेपर्यंत काम करण्यामध्ये विश्वास ठेवतात. बी – टाऊनमधील (Bollywood) अभिनेत्रींबाबत सांगायचे झाले तर काही जणी शूटिंगमध्ये व्यस्त असतात तर काही रॅम्प वॉक करतानाही दिसतात.

गर्भावस्थेत रॅम्प वॉक करून काही अभिनेत्रींनी सर्वांनाच चकित केलं आहे. आम्ही आज आपल्याला बॉलिवूडमधील अशाच काही अभिनेंत्रीबाबत माहिती देणार आहोत, ज्यांनी प्रेग्नेंसीमध्येही शानदार रॅम्प वॉक केले होतं. सामान्य अवस्था आणि गर्भावस्थेत रॅम्प वॉक करणं यामध्ये बरेच अंतर आहे.
(विद्या बालनला प्रसिद्ध डिझाइनर सब्यसाची मुखर्जीचा चेहरा सुद्धा पाहण्याची इच्छा का नाही?)

​मलायका अरोरा

‘छैया छैया गर्ल’ मलायका अरोराचे नाव घेतल्यानंतर डोक्यामध्ये पटकन दोन गोष्टींचा विचार येतो. पहिले म्हणजे तिची शानदार फिगर आणि दुसरे म्हणजे वॉशबोर्ड एब्स. अर्जुन कपूरसोबत असलेल्या रिलेशनशिपमुळे मलायका अरोरा सध्या चर्चेत आहे. दरम्यान, काही वर्षांपूर्वी मलायकाने तीन महिन्यांची गर्भवती असताना रॅम्प वॉक केलं होतं. यावेळेस सर्वत्र तिचीच जोरदार चर्चा सुरू होती. मलायका अरोराने विक्रम चटवाल यांच्यासाठी ‘लॅक्मे फॅशन वीक’मध्ये रॅम्प वॉक केलं होतं. या शोसाठी तिनं एक कटआउट ग्रे-माउव ड्रेस परिधान केला होता.

(Ankita Lokhande सुंदर साडीतील अंकिता लोखंडेच्या मोहक अदा, पाहा फोटो)

​करीना कपूर खान

करीना कपूर खान व्यावसायिक कामांव्यतिरिक्त खासगी आयुष्यामुळेही बऱ्याचदा चर्चेत असते. आपल्या पहिल्या प्रेग्नेंसीच्या वेळेस करीनानं देखील रॅम्प वॉक केलं होतं. लॅक्मे फॅशन वीकमध्ये डिझाइनर सब्यसाची मुखर्जी यांच्यासाठी तिनं रॅम्प वॉक केलं होतं. शोसाठी करीनानं वजनदार नक्षीकाम असलेला ऑलिव्ह ग्रीन रंगाचा लेहंगा परिधान केला होता. या आउटफिटमध्ये करीना नेहमी प्रमाणेच सुंदर दिसत होती. यावेळेस करीना जवळपास ६ महिन्यांची गर्भवती होती.

(जेव्हा करीना कपूरवर भारी पडली होती या टीव्ही अभिनेत्रीची स्टाइल, पाहा फोटो)

​लिसा हेडन

लिसा हेडनने लॅक्मे फॅशन वीकमध्ये डिझाइनर अमित अग्रवाल यांच्यासाठी क्रिकेटर हार्दिक पांड्यासोबत रॅम्प वॉक केलं. शोमध्ये लिसा रेड मॅटेलिक साडीमध्ये सुंदर दिसत होती. हाय हील्ससह उठावदार मेकअपमध्ये लिसाचा लुक प्रचंड आकर्षक दिसत होता. दरम्यान, या शोमध्ये रॅम्प वॉक करत असताना पडता-पडता बचावली. पण तिनं स्वतःचा तोल सांभाळला आणि ग्रेससह पुन्हा वॉक करण्यास सुरुवात केली.

(करीना कपूर आणि मलायकाने पुन्हा एकसारखेच कपडे केले परिधान, पाहा फोटो)

​नेहा धुपिया

‘फेमिना मिस इंडिया २००२’ची विजेती नेहा धुपियाने प्रेग्नेंसीची बातमी आपल्या चाहत्यांसोबत शेअर केली होती. ही गुड न्यूज शेअर केल्यानंतर बरोबर दुसऱ्या दिवशी नेहा ‘लॅक्मे फॅशन वीक २०१८’ मध्ये रॅम्प वॉक करताना दिसली होती. डिझाइनर पायल सिंगलसाठी ती या शोमध्ये सहभागी झाली होती. या शोमध्ये नेहा Peplum टॉपचा घेर असणारा स्कर्ट परिधान केला होता. ज्यामध्ये नेहाचा लुक मोहक दिसत होता.

(ईशा अंबानीने लग्नासाठी फॉलो केला होता आईसारखा ब्रायडल लुक,पाहा ३५ वर्षांपूर्वीचे हे फोटो)

​मीरा राजपूत कपूर

मीरा राजपूत साल २०१६ ‘लॅक्मे फॅशन वीक’ मध्ये सहभागी झाली होती. दरम्यान, रॅम्प वॉक शोमध्ये सहभागी झाल्यानंतर मीराने आपल्या प्रेग्नेंसीबाबत कोणतीही घोषणा केली नव्हती. पण तिच्या प्रेग्नेंसीची भरपूर चर्चा सुरू होती. मीराने यादरम्यान पेस्टल गुलाबी रंगाचा अनारकली सूट परिधान केला होता. ज्यावर गोटा पट्टीची डिझाइन होती. मीराचा हा ड्रेस अतिशय साधा पण मोहक होता. या ट्रेडिशन अवतारात मीरा देखील सुंदर दिसत होती.

(करीना कपूर दुसऱ्यांदा होणार आई, गुड न्यूज शेअर केल्यानंतर समोर आली पहिली झलक)


Source link

You may also like...

Leave a Reply

Your email address will not be published. Required fields are marked *