महिलांसाठी वेट लॉस करणं अवघड तर पुरुषांसाठी का असतं एकदम सोपं?

Spread the love

साधारणत: वजन कमी करण्याचा (weight loss) कोणताही हार्ड एंड फास्ट रुल अजिबात नाही. प्रत्येक व्यक्तीचं वजन वेगवेगळ्या कारणामुळे वाढतं तसंच ते वेगवेगळ्या पद्धतीने कमी देखील होतं. हे त्या व्यक्तीची लाईफस्टाईल, सवयी, वय, डाएट आणि वर्कआउट रुटीन यावर अवलंबून असतं. दोन व्यक्तींनी समजा एकच डाएट किंवा वर्कआउट प्लान फॉलो केला तर त्यांचं वजनही एकसमानच कमी होईल असं अजिबात नाही.

इतकंच काय तर स्त्री व पुरुष यांच्यासाठी वजन कमी करणं बायोलॉजिकल आणि शारीरिक कारणांनी एकमेकांपेक्षा वेगळं असतं. भले मग दोघांचं खानपान, लाईफस्टाईल, डाएट आणि वर्कआउट समान असेल. चला तर जाणून घेऊया कोणत्या ५ पद्धतींनी स्त्री व पुरुष दोघांसाठी वजन कमी करण्यात असतं अंतर?

वजन वेगवेगळ्या पद्धतींनी वाढतं

स्त्री व पुरुष दोघांचेही वजन वेगवेगळ्या कारणांमुळे वाढते. त्यामुळे साधीशी गोष्ट आहे की दोघांचेही वजन वेगवेगळ्या पद्धतीनेच कमी देखील होईल. पुरुषांचं वजन पोटाच्या आसपास अधिक वाढतं. तर ज्या मुलींना मासिक पाळी येते त्यांची चरबी ही हिप्सच्या आसपास वाढते. मेनोपॉज नंतर हार्मोनल बदलांमुळे महिलांच्या पोटावर चरबी वाढू लागते. तर अशी ही कारणं वेगवेगळी असल्यामुळे त्यांना वजन कमी करायलाही वेगळ्या पद्धती वापराव्या लागतात.

(वाचा :- kareena kapoor : ‘हे’ आहे करीना कपूरच्या हॉट फिगर व स्लिम बॉडीचं सिक्रेट!)

स्नायूंवरील चरबी

जर आपण फिजिकल फॅक्टरची तुलना केली तर पुरुषां मध्ये टेस्टोस्टेरोनचा स्तर अधिक प्रमाणात असल्यामुळे महिलांच्या तुलनेत पुरुषां मध्ये मसल मांस म्हणजेच स्नायूंवरील चरबी अधिक प्रमाणात असते. स्नायू फॅटच्या तुलनेच कॅलरीज अधिक प्रमाणात बर्न करतं आणि संतुलित वजनासाठी अधिक कॅलरीजची गरज असते. म्हणूनच पुरुषांना स्त्रियांच्या तुलनेत अधिक कॅलरीजची गरज असते. हेच कारण आहे की महिलांना मसल मांस वाढवण्यासाठी स्ट्रेंथ ट्रेनिंगची आवश्यकता असते.

(वाचा :- weight loss : झटपट वजन कमी करायचं आहे? मग जाणून घ्या आयुर्वेदातील ‘ही’ ५ सिक्रेट्स!)

खानपानात अंतर

साधारणत: महिला व पुरुषांच्या खानपानात जमीन आसमानाचे अंतर असते. एका अभ्यासा अनुसार, महिला प्लांट बेस्ड म्हणजेच शाकाहारी पदार्थ जास्त पसंत करतात तर पुरुषांना मांस मटण अधिक आवडते. याव्यतिरिक्त हार्मोन्सच्या अंतरामुळे महिला या पुरुषांपेक्षाही अधिक अनहेल्दी फुड खातात. जसं की पानीपुरी, रगडा पॅटीस, वडापाव, डोसा, पिझ्झा, बर्गर असे पदार्थ मुलींना जास्त प्रमाणात आवडतात तर मच्छी, चिकन, मटण असे मांसाहारी पदार्थ मुलांना अधिक प्रमाणात आवडतात.

(वाचा :- वयाच्या तिशीनंतर देखील राहायचं असेल फिट तर ‘या’ पदार्थांपासून ठेवा चार हाताचं अंतर!)

मनोवैज्ञानिक कारक

साधारणत: महिला या आपल्या डाएट आणि वजना विषयी मनमोकळेपणे चर्चा करतात पण पुरुष अशा गोष्टींवर चर्चा करण्यास कचरतात. महिला एकमेकींना डाएट आणि वेट लॉस विषयी प्रश्न व उपाय विचारत चर्चाही करतात. एकमेकींचा डाएट प्लान, योग, एक्सरसाईज जाणून घेण्यात मुलींना जास्त स्वारस्य असते पण मुलांना याच्याशी घेणंदेणं नसतं. म्हणूनच वजन कमी करण्याबद्दल मुलींना जास्त माहिती असते. तर वजन कमी करण्यासाठी पुरुष मात्र संपूर्ण दिवस उपाशी राहण्याचा मार्ग पत्करतात.

(वाचा :- हिवाळ्यातील ‘या’ जीवघेण्या आजारापासून राहायचं असेल लांब, तर सोडू नका या खास पदार्थांची साथ!)

तणाव

ताण तणावात राहिल्याने वजन झपाट्याने वाढते. तुम्ही ताण घेणं जितक्या लवकर कमी कराल तितक्या लवकर तुमचे वजन कमी होण्यास मदत होईल. खरं तर स्ट्रेस, चिंता पुरुष व स्त्रिया दोघांनाही असतात पण पुरुषांच्या तुलनेत महिलांना तणावातून बाहेर येण्यासाठी जास्त त्रास होतो व भरपूर वेळ लागतो. याच कारणामुळे महिलांना वजन कमी करण्यास अधिक काळ लागतो. तर मंडळी, अशाप्रकारे बायोलॉजिकल व शारीरिक अंतर असल्यामुळे स्त्री व पुरुष दोघांचे वजन वेगवेगळ्या कारणांमुळे वाढते व वेगवेगळ्या पद्धतींनी कमीही होते.

(वाचा :- ‘या’ कारणामुळेच भारतीय आहारात डाळ खिचडीला आहे अनन्यसाधारण महत्त्व!)


Source link

You may also like...

Leave a Reply

Your email address will not be published. Required fields are marked *