माधुरी दिक्षितला नव-यातील अतोनात आवडणारा ‘हा’ गुण प्रत्येक मुलगी आपल्या जोडीदारात शोधते!

Spread the love

व्हिडिओद्वारे शेअर केल्या भावना

अलिकडेच इन्स्टाग्रामवर माधुरीने एक व्हिडिओ शेअर केला होता ज्यामध्ये तिने आपल्या वैयक्तिक आयुष्याशी निगडीत काही महत्त्वाच्या प्रश्नांची उत्तरं दिली होती. त्याचवेळी तिला एक प्रश्न विचारला गेला की मिस्टर श्रीराम नेनेंमधील नेमकी कोणती गोष्ट तुला सर्वात जास्त पसंत आहे? तेव्हा माधुरी म्हणाली मला माझ्या नव-यातील प्रत्येक गोष्ट आवडते. पण पुढे तिने हे देखील सांगितले की, त्या सर्व आवडत्या गोष्टींमध्ये मिस्टर नेनेंचा प्रामाणिकपणा सर्वात जास्त तिला भावतो.

(वाचा :- Happy Propose Day Wishes in Marathi खास व्यक्तीला अशा सांगा मनातील भावना)

प्रामाणिकपणाशिवाय सारं काही अपूर्ण

एखाद्या व्यक्तीला आपल्या जोडीदाराप्रती किंवा नात्याबद्दल असणारी प्रामाणिकपणाची भावना मजबूत रिलेशनशीपच्या पायातील पहिल्या वीटेप्रमाणे असतात. नात्यात भले प्रेम आणि पैसा कितीही असो पण जर त्या नात्यात निष्ठेची भावना नसेल तर समजून जावे की जे काही आहे ते देखील सारे खोटे आहे. एखादी व्यक्ती अनैतिक संबंधानंतरही माझं तुझ्यावर प्रेम आहे हे खोटं ठामपणे सांगत असेल तर अशा प्रेमापासून कोसो दूर राहिलेलंच कधीही चांगलं!

(वाचा :- नात्यातील प्रेम सदा चिरतरूण ठेवायचं आहे? मग लढवा मीरा राजपूतसारखी युक्ती!)

माधुरीच्या यशस्वी व आनंदी वैवाहिक नात्याचे रहस्य

माधुरीने एका मुलाखतीत सांगितले की तिच्या व तिच्या नव-याच्या स्वभावात अशा ब-याच गोष्टी आहेत ज्या अगदी तंतोतंत सारख्या आहेत तर काही एकदम एकमेकांच्या विरूद्ध आहेत. तरीही त्यांनी कधीच एकमेकांना बदलण्याचा प्रयत्न केला नाही. त्याऐवजी त्यांनी एकमेकांना जसं आहे तसंच्या तसं स्वीकारलं. ती म्हणाली की श्रीराम जसे आहेत तसेच ते मला फार आवडतात त्यांच्यातील अशी एकही गोष्ट नाही जी मला पसंत नाही किंवा ज्यावर माझा जीव जडला नाही.

(वाचा :- “मी वेदनेसोबत जगणं शिकून घेतलं” संजय दत्तच्या मुलीचे हे शब्द का ठरतात दु:खी लोकांसाठी आशेचा किरण?)

या गोष्टीमुळे अनेक नाती तुटली आहेत

माधुरी दीक्षित जेव्हा स्वतःबद्दल बोलू लागली तेव्हा तिने असेही सांगितले की, लग्नानंतर बहुतेक जोडपी एकमेकांना बदलण्याचा प्रयत्न करतात आणि पण त्या दोघांनीही असे अजिबात केले नाही. माधुरीच्या बोलण्यात बरेच सत्य आहे. जोडपी अनेकदा आपल्या जोडीदाराशी संबंधित गोष्टी केवळ लग्नानंतरच नाही तर डेट करत असतानाही बदलण्याचा प्रयत्न करतात. सुरुवातीला लोक प्रेमाच्या भरात आनंदाने हे बदल स्विकारतात पण हळूहळू ते त्यांच्यावर हावी होऊ लागतं. ज्यामुळे समोरच्याला नात्यात गुदमरल्यासारखे वाटू लागते. त्यांना असे वाटते की त्यांचे जीवन पूर्णपणे जोडीदार नियंत्रीत करतो आहे आणि ही भावनाच त्यांना नात्यापासून दूर घेऊन जाते.

(वाचा :- स्वातंत्र्यलढ्यात भाग घेणार्‍या 100 वर्षांच्या आजीकडून शिका, जीवन कशाला म्हणतात?)

माधुरीची संपत्ती जास्त

एका रिपोर्ट अनुसार माधुरीचं इनकम श्रीराम यांच्यापेक्षा २०० कोटींनी जास्त आहे. माधुरी आपल्यापेक्षा पैशाने श्रीमंत आणि नावाने प्रसिद्ध असून आजही श्रीराम व माधुरीच्या नात्यात वादाची ठिणगी पडली नाहीये. ना कधीही कोणताही मोठी समस्या निर्माण झाली आहे. यावरुन दोघांचा समजूतदारपणा, बॉन्डिंग आणि एकमेकांवरील आकंठ प्रेम याचीच प्रचिती येते. पण सगळीच जोडपी अशी समजूतदार आणि एकमेकांचं यश खुल्या मनाने स्वीकारणारी नक्कीच नसतात. त्यामुळे माधुरी व मिस्टर नेने एकमेकांना खूपच नशिबवान मानतात.

(वाचा :- पती-पत्नीच्या आनंदी नात्याचा आरोग्यालाही होतो प्रचंड फायदा, जाणून घ्या कसा?)


Source link

You may also like...

Leave a Reply

Your email address will not be published. Required fields are marked *