मीठाच्या पाण्यात रोज बुडवून बसा पाय! थकवा, वेदना दूर होण्यासोबतच मिळतील आरोग्यवर्धक फायदे

Spread the love


सैंधव मीठाचा (benefits of pink salt) वापर भारतीय घरांमध्ये फार पूर्वापारपासून केला जातो आहे. या मीठाचा वापर खास करुन सण व उपवासां दरम्यान केला जातो, कारण समुद्री सफेद मीठापेक्षा हे मीठ पवित्र मानले जाते. आपल्यातील विशेष गुणधर्मांमुळे हेच सैंधव मीठ सध्या खूपच चर्चेत आहे. कारण हे मीठ फक्त चविष्टच नसून अनेक आजारांना दूर पळवून लावणारं आरोग्यदायी मीठ देखील आहे. सैंधव मीठाला हिमालयन सॉल्ट (himalayan salt) या नावानेही ओळखलं जातं. गुलाबी रंगाच्या या मीठात असे अनेक घटक असतात जे साध्या मीठाच्या तुलनेत याला खास व आयुर्वेदिक बनवतात.

सैंधव मीठाच्या पाण्यात पाय बुडवून बसल्यानेच तुम्ही अनेक आजारांपासून मुक्ती मिळवू शकता. ज्यामध्ये वेदना शमवण्यापासून तणाव दूर करण्यापर्यंत अनेक गुणधर्म आहेत. सैंधव मीठाचा वापर तुम्ही जेवणापासून अंघोळीपर्यंत ब-याच गोष्टींसाठी करु शकता. रोज केलेला अतिवापर नुकसानदायक ठरु शकतो त्यामुळे आठवड्यातून दोन ते तीन वेळाच याचा वापर करावा. दिवसभराच्या धावपळीनंतर रात्री फक्त अर्धा तासच सैंधव मीठाच्या पाण्यात पाय बुडवून बसा आणि बघा चमत्कार! यानंतर तुम्हाला खूपच रिलॅक्स आणि रिफ्रेश वाटेल.

सैंधव मीठ कुठून येतं?

साधारणत: भारतात सैंधव किंवा हिमालयन सॉल्ट हे पाकिस्तानातून येतं. भारतात फार पूर्वापारपासून या मीठाचा वापर होतो आहे पण हे पाकिस्तानमधील हिमालयाच्या पायथ्याशी सापडते. हे मीठ पाकिस्तानातील खेवडा नावाच्या खाणीतून मिळते. सैंधव मीठ पोटॅशियम व मॅग्नेशियमसारख्या खनिजांचं भांडार आहे. याच कारणामुळे याच्या मागणीत दिवसेंदिवस वाढ होत आहे. सैंधव मीठातील गुणधर्म तणाव, वेदना व अनेक गंभीर आजारांना शरीरापासून दूर ठेवतात. त्यामुळे तुम्हीही याचा लाभ घेऊ इच्छित असाल तर रोज या पाण्यात पाय बुडवून बसा.

(वाचा :- डिप्रेशनमध्ये आहात? मग मेंदू हेल्दी ठेवणा-या ‘या’ डाएट प्लानने करु शकता समस्येवर मात!)

ब्लड प्रेशर व तणावातून मुक्ती

सैंधव मीठातील मिनरल्स स्नायूंमधील वेदना, संकुचन, सूज दूर करतात आणि ब्लड सर्क्युलेशन चांगलं करतं. यामुळे ब्लड प्रेशर नियंत्रणात राहतो. जेवणात याचा वापर केल्याने कोलेस्ट्रोलची पातळी कमी होते. ज्यामुळे ह्रदयाशी निगडीत आजार दूर होतात. तसंच जर तुम्ही ताणतणावातून जात असाल आणि स्वत:ला मानसिकरित्या संतुलित ठेऊ इच्छित असाल तर सैंधव मीठ तुमची मदत करेल. यातील मेलाटोनिन आणि सेरोटोनिन हार्मोन्स कंट्रोल करतात व मेंदूमध्ये होणारी चलबिचलता नियंत्रित करतात. ज्यामुळे तणाव दूर होतो.

(वाचा :- Food To Boost Your Mood : मन उदास असल्यास खालीलपैकी एक पदार्थ खा, मूड होईल लगेच बूस्ट!)

त्वचा तजेलदार ठेवते

जर तुम्ही सैंधव मीठाच्या वापराने पायाचे सौंदर्य व त्वचीच पोत सुधारु इच्छित असाल तर १५ ते २० मिनिटे सैंधव मीठाच्या पाण्यात पाय बुडवून बसा. यासाठी एक बादली कोमट पाणी घ्या. या पाण्यात एक चमचा सैंधव मीठ घाला व यात पाय घालून बसा. यामुळे पायाची मृत त्वचा (dead skin) वेगळी होईल व फुटलेल्या टाचा आणि कोरड्या त्वचेपासून मुक्ती मिळेल. सोबतच त्वचा तजेलदार, सजल आणि नरम राहिल.

(वाचा :- छोटी-मोठी कामं केल्यानंतरही धाप लागते आहे? मग जाणून घ्या त्यामागील कारणे व उपाय!)

वेदनाशामक व हाडे करते मजबूत

जर तुम्हाला पायातील स्नायूंमध्ये सूज किंवा संकुचन निर्माण झाल्याची समस्या असेल किंवा गुडघे व टाचांजवळ वेदना होत असतील तर सैंधव मीठाच्या पाण्यात पाय बुडवून बसणं तुमच्यासाठी खूप लाभदायक ठरु शकतं. यामुळे तुमच्या वेदना कुठच्या कुठे पळून जातील. तसंच सैंधव मीठ हाडे मजबूत करण्याचं काम करतं. सैंधव मीठातील मॅग्नेशियम व कॅल्शियम हाडे मजबूत बनवतं. हाडांच्या कमजोरीमुळेच पाय व टाचा दुखतात पण या पाण्यात पाय बुडवल्याने पायांवरील सूज व वेदना दूर होतील.

(वाचा :- करोनानंतरचं जीवन सुरु करताना मानसिक व शारीरिक आरोग्यासाठी असा करा दिनक्रम सेट!)

अनिद्रा दूर करते व मेटाबॉलिज्म सुधारते

अनिद्रेची समस्या दूर करण्यासाठी सैंधव मीठ खूप लाभदायक ठरते. सैंधव मीठाच्या पाण्यात पाय बुडवल्याने तणाव म्हणजेच स्ट्रेस व वेदना दूर होतात. मन रिलॅक्स व रिफ्रेश होते व शांत झोप लागते. या पाण्यामुळे झोप चांगली लागणं, त्वचा निरोगी राहणं या फायद्यांसोबतच मेटाबॉलिज्मची प्रक्रियाही सुधारते. या प्रक्रियेमुळे मेंदू आणि शरीर दोघांना आराम मिळतो. ज्याचा सकारात्मक परिणाम हा मेटाबॉलिज्मवरही होतो.

(वाचा :- यावेळी खा ‘वेज पनीर भुर्जी’, लठ्ठपणा कमी करण्यास मदत करेल ही लो फॅट रेसिपी!)


Source link

You may also like...

Leave a Reply

Your email address will not be published. Required fields are marked *