मुरूम, खाज, लाल चट्टे व इतर स्किन अ‍ॅलर्जी झाल्यास ट्राय करा ‘हे’ रामबाण घरगुती उपाय!

Spread the love

बेकिंग सोडा

स्किन अ‍ॅलर्जीपासून मुक्ती मिळवण्यासाठी तुम्ही बेकिंग सोड्याचा वापर करू शकता. बेकिंग सोडा स्वयंपाकघरातील असा एक पदार्थ आहे जो अनेक समस्यांवर लाभदायक ठरतो. पण बेकिंग सोडा वापरताना थोडी काळजी घेण्याची आवश्यकता असते. बेकिंग सोडा त्वचेत पीएच संतुलन राखण्यास मदत करतो.

  • कसा करावा वापर?

त्वचेवर बेकिंग सोडा वापरण्यासाठी सर्वप्रथम एक चमचा बेकिंग सोडा घ्या आणि त्यात थोडं पाणी मिक्स करा. आता याची पातळ व मऊ अशी पेस्ट बनवून अ‍ॅलर्जी झालेल्या जागेवर लावा. १० मिनिटांनंतर ही पेस्ट धुवा. अ‍ॅलर्जीपासून मुक्ती मिळवण्यासाठी दिवसातून ३ ते ४ वेळा तुम्ही याचा वापर करू शकता.

(वाचा :- सफेद साखर वापरत असाल तर थांबा! त्याऐवजी वापरा ‘ही’ हेल्दी व सुरक्षित साखर!)

कोरफडीचा गर

कोरफडीमधील औषधी गुणधर्मांच्या व्याप्तीबद्दल आपण सारेच जाणून आहोत. कोरफडीचा वापर अनेक गोष्टींत व अनेक प्रकारे केला जातो. कोरफडीचा ज्यूस देखील लोक तितक्याच प्रमाणात वापरतात. स्किन अ‍ॅलर्जीपासून सुटका मिळवण्यासाठी कोरफड एक रामबाम उपाय आहे. जर तुम्हाला अ‍ॅलर्जीमुळे शरीरावर खाज व त्वचा कोरडी पडण्याची समस्या उद्भवत असेल तर कोरफडीचा गर खाज व जळजळ अगदी सहज व झटपट रोखेल.

  • कसा करावा वापर?

खाजेपासून सुटका मिळवण्यासाठी सर्वप्रथम कोरफड घेऊन त्वचेवर लावा. जर तुमच्याकडे कोरफडीचे झाड नसेल तर तुम्ही बाजारातून विकत आणून किंवा अ‍ॅलोवेरा जेलचा देखील वापर करू शकता. ३० ते ४० मिनिटे कोरफडीचा गर अ‍ॅलर्जी झालेल्या ठिकाणी लावून ठेवा. काहीच दिवसांत खाज व जळजळीच्या समस्येपासून मुक्ती मिळेल.

(वाचा :- आहारतज्ज्ञ सांगतायत लठ्ठ लोकांपासून ज्येष्ठ नागरीकांपर्यंत सर्वांना होणा-या घरगुती हेल्दी स्मूदीचे लाभ व रेसिपी!)

खोबरेल किंवा नारळ तेल

खोबरेल तेल स्किन केयरसाठी सर्वात उत्तम तेल आहे. यामध्ये मॉइस्चराइजिंग गुणधर्म असतात जे अ‍ॅलर्जी झालेल्या काळात त्वचेची रक्षा करतात. इतकंच नाही तर नारळ तेल अ‍ॅलर्जीमुळे होणारी खाज देखील थांबवतं.

  • कसा करावा वापर?

एका वाटीत थोडं खोबरेल तेल घ्या आणि ५ सेकंदासाठी ते गरम करा. हे कोमट तेल त्याजागी लावा जिथे तुम्हाला अ‍ॅलर्जी झाली आहे. लक्षात ठेवा, तेल अ‍ॅलर्जी झालेल्या ठिकाणी फक्त लावा चुकूनही मालिश करू नका. १ तास तेल तसंच राहू द्या. या तेलाचा वापर तुम्ही ३ ते ४ तासांनी पुन्हा करू शकता.

(वाचा :- Weight Loss : रोज न चुकता करा ‘या’ ६ गोष्टी, लठ्ठपणावर करू शकाल सहज मात!)

अ‍ॅप्पल सायडर व्हिनेगर

अ‍ॅप्पल सायडर व्हिनेगरचा वापर लोक सामान्यत: वजन कमी करण्यासाठी आणि पचनक्रियेसंबंधित त्रास दूर करण्यासाठी केला जातो. पण हे फक्त वजन कमी करणं किंवा डायजेशन ठीक करण्यासाठीच नाही तर उत्तम स्किन केयर एजंटही आहे. यामध्ये अ‍ॅसिटीक अ‍ॅसिड असतं, जे त्वचेवरील खाज व अ‍ॅलर्जी कमी करतं. पण नाजूक त्वचेवर याचा वापर करू नये.

  • कसा करावा वापर?

एक कप गरम पाण्यात एक टिस्पून अ‍ॅप्पल सायडर व्हिनेगर मिसळा. आता कापसाच्या बोळ्याने हे मिश्रण अ‍ॅलर्जी झालेल्या ठिकाणी लावा. आता हे सुकण्यासाठी ठेवा आणि काही वेळानंतर थंड पाण्याने जागा धुवून घ्या. हा उपाय तुम्ही दिवसातून कमीत कमी २ वेळा करू शकता.

(वाचा :-इम्‍यूनिटी बूस्‍टर आहे ‘हा’ हर्बल घरगुती काढा, साथीच्या रोगांपासून दूर राहण्यासाठी रोज करा सेवन!)

टी-ट्री ऑइल

टी-ट्री ऑइल मुरूमांपासून सुटका मिळवण्याचा सर्वोत्तम मार्ग आहे. स्किन अ‍ॅलर्जीमध्येही हे तेल लाभदायक ठरते. यामध्ये अ‍ॅंटीमायक्रोबियल आणि अ‍ॅंटी इन्फ्लमेट्री गुणधर्म असतात, जे कित्येक प्रकारच्या अ‍ॅलर्जीपासून सुटका मिळवून देण्यास मदत करतात. त्वचेवरील लाल चट्टे आणि खाज यासाठी टी-ट्री ऑइल चांगला उपाय आहे.

(वाचा :- ‘हे’ पदार्थ स्वाद व गंध घेण्याची हरवलेली क्षमता परत आणून इंद्रिये करतात सक्रिय!)


Source link

You may also like...

Leave a Reply

Your email address will not be published. Required fields are marked *