मुलांची दृष्टी तेज करण्यासाठी असं बनवा घरच्या घरी बदामाचं काजळ!

Spread the love

लहान बाळ जन्माला आलं की त्याची खूप काळजी घेतली जाते, दरोरोज अंघोळ घालून पावडर लावून, मेकअप करून त्याला अधिक सुंदर बनवलं जातं आणि या मेकअपमधील सर्वात महत्वाच्या गोष्टींपैकी एक गोष्ट म्हणजे काजळ (benefits of kajal) होय. बाळाला काजळ लावल्याने त्याच्या डोळ्यांना शांती मिळते. बाळाला छान झोप लागते. मात्र हे काजळ केमिकल फ्री असायला हवे. नाहीतर बाळाच्या डोळ्यांना धोका पोहचू शकतो.

अनेक पालक हे बाजारात उपलब्ध असलेले काजळच वापरतात, पण असे काजळ जर बनावटी असेल आणि हलक्या दर्जाचे असेल तर त्यामुळे समस्या निर्माण होऊ शकतात. म्हणून आज या लेखातून आम्ही तुम्हाला घरच्या घरी बदामापासून काळाज बनवण्याची सोपी कृती (recipe of homemade kajal) सांगणार आहोत. हे काजळ तुम्ही सहज बनवू शकता. त्याचा फायदा बाळाला होऊन त्याचे डोळे सुरक्षित सुद्धा राहू शकतात. चला तर जाणून घेऊया स्पेशल काजळ बनवण्याची स्पेशल पद्धत!

साहित्य

कोणतीही गोष्ट बनवायची तर त्यासाठी योग्य साहित्य असणे गरजेचे आहे. बदामापासून काजळ बनवण्यासाठी काय काय साहित्य लागते ते आपण सर्वप्रथम जाणून घेऊया. बाळासाठी काजळ बनवण्याकरता दोन बदाम, एक फोर्क, तूप, दिवा, वात आणि एक चमचा हे सर्व साहित्य तुमच्याकडे असायला हवे. हे सर्व साहित्य सहज तुम्हाला तुमच्या घरातच उपलब्ध होईल, जर एखादे साहित्य उपलब्ध नसले तर तुम्ही सहज ते बाजारातून आणू शकता. तूप वा बदाम जर बाजारातून आणणार असाला तर ते चांगल्या दर्जाचे हवेत हि गोष्ट मात्र नक्की लक्षात ठेवा.

(वाचा :- मुलांचे केस सुंदर, हेल्दी, काळेभोर व चमकदार बनवण्यासाठी बनवा ‘हे’ घरगुती आयुर्वेदिक तेल!)

कृती

एकदा का साहित्य जमा झाले की तुम्ही बदामापासून काजळ बवण्याची कृती सुरु करू शकता. सर्वात प्रथम एक दिवा घ्या आणि त्यात तूप टाका. आता या दिव्यामध्ये वात लावून ती वाट पेटवा. आता फोर्क मध्ये बदाम घ्या आणि ते जळणाऱ्या वातीवर ठेवा. बदामच्या वर एक चमचा लावा जेणेकरून बदाम झाकला जाईल आणि चमचा आवरणासारखे काम करेल. वाटीतून निघणाऱ्या आचेमधून बदाम जाळा. जस जसे बदाम जळेल तस तसे चमच्यावर काजळ जमा व्हायला सुरुवात होईल. हि पहिली कृती करताना अत्यंत काळजीपूर्वक आणि सुरक्षितपणे करा. आता आपण पुढील कृती जाणून घेऊया.

(वाचा :- मुलांना जडलेलं फोन किंवा टिव्हीचं व्यसन सोडवण्यासाठी चक्क बालरोगतज्ज्ञच सांगतायत साधेसोपे उपाय!)

पुढील कृती

जेव्हा एक बदाम पूर्णपणे जळेल तेव्हा तो बाजूला करा आणि आता फोर्क मध्ये दुसरा बदाम पकडून हीच प्रक्रिया पुन्हा करावी. तुम्ही जेवढे बदाम घेतले आहेत ते जळेपर्यंत हि प्रक्रिया सुरु ठेवा. चमच्यामधून काजळ बाजूला करून डब्ब्यामध्ये भरून ठेवा. अशाप्रकारे तयार झाले बदामापासूनचे स्पेशल काजळ, आता हे काजळ तुम्ही बाळाच्या डोळ्यांना लावू शकता. या काजळाचा वापर केल्याने बाळाला मोठ्या प्रमाणात फायदे होतात. ते फायदे काय ते आता आपण जाणून घेऊया.

(वाचा :- मुलांची रोगप्रतिकारक शक्ती वाढवण्यासाठी असे बनवा हेल्दी व टेस्टी ओट्सचे लाडू!)

हे आहेत बाळाला काजळ लावण्याचे फायदे

बदामापासून तयार होणारे काजळ बाळाच्या डोळ्यांत लावल्याने पापण्यांचा विकास लवकर होतो आणि डोळ्यांची दृष्टी सुद्धा वाढते. काजळ लावल्याने बाळाच्या डोळ्यांना थंडावा मिळतो. ज्यामुळे बाळाला मस्त झोप लागते. अनेक जण बाळाला दृष्ट लागू नये म्हणून डोळ्यांव्यतिरिक्त इतर अंगावर सुद्धा काजळ लावतात आणि हे काजळ त्वचेला कोणतेही नुकसान पोहचवत नाही. असे म्हणतात की काजळ लावल्याने बाळाची दृष्टी अधिक चांगली होते, डोळे टपोरे आणि आकर्षण होतात. मात्र काही जाणकार हे मानत नाहीत. मात्र हि गोष्ट खरी आहे की काजळ लावल्याने बाळाला नुकसान काहीच होत नाही. त्यामुळे बाळाला तुम्ही काजळ लावू शकता.

(वाचा :- वायू प्रदूषणामुळे लहान मुलांच्या फुफ्फुसांचं होतंय खूप नुकसान, घ्या ‘ही’ काळजी!)

बाळाला काजळ कसे लावावे?

बाळाला अंघोळ घातल्यानंतर त्याच्या डोळ्यांत काजळ लावावे. काजळ लावताना खूप सावधगिरी बाळगावी कारण बाळाच्या डोळ्यात तुमची बोटे जाऊ शकतात. काजळ लावताना बाळ नेहमी रडते आणि डोळे बंद करण्याचा प्रयत्न करते. म्हणून काजळ लावताना सतर्क असावे आणि अनुभवी व्यक्तीकडूच ते लावून घ्यावे. काजळ लावल्यावर बाळाला जवळ घेऊन त्याला गप्प करावे.

(वाचा :- हिवाळ्यात मुलांना हेल्दी ठेवायचंय? वापरा सेलिब्रेटी डाएटिशियन ऋजुता दिवेकरच्या ‘या’ खास टिप्स!)


Source link

You may also like...

Leave a Reply

Your email address will not be published. Required fields are marked *