मुलांचे केस सुंदर, हेल्दी, काळेभोर व चमकदार बनवण्यासाठी बनवा ‘हे’ घरगुती आयुर्वेदिक तेल!

Spread the love

मुल सुंदर कशामुळे दिसतात असा प्रश्न विचारला तर मिळणारं उत्तर हेच असेल की चेहऱ्यामुळे, मात्र चेहऱ्यापेक्षाही अशी एक गोष्ट आहे जी सौंदर्यात भर टाकते आणि ती गोष्ट म्हणजे केस होय. ज्या लहान मुलांचे केस काळेभोर आणि घनदाट असतात ती अधिक आकर्षक वाटतात, त्यांच्याकडे लगेच लक्ष जाते आणि याच कारणामुळे अनेक पालकांनाही आपल्या मुलाचे केस सुंदर असावेत असेच वाटत असते.

मात्र त्यासाठी काय उपाययोजना कराव्यात हे मात्र सामान्यत: पालकांना माहित नसते. अनेक जण केमिकल युक्त उत्पादने वापरतात मात्र त्याचे अत्यंत वाईट परिणाम होऊ शकतात. आज आम्ही या लेखातून तुम्हाला एका घरगुती पद्धतीने बनवता येणाऱ्या तेलाबद्दल (homemade ayurvedic oil for kids) सांगणार आहोत. जे तेल वापरून तुम्ही तुमच्या मुलाचे केस अधिक सुंदर आणि मजबूत बनवू शकता. यामुळेच साहजिकच त्याच्या सौंदर्यात अधिक भर पडेल.

साहित्य

सर्वप्रथम आपण जाणून घेऊया की हे स्पेशल तेल बनवण्यासाठी काय काय साहित्याची गरज आहे. तर हे तेल बनवण्याकरता तीन चमचे तूप, 7 कडू बदाम आणि पाच चमचे ऑलिव्ह ऑइल गोळा करा. केवळ ह्या तीन वस्तूंपासून आपण हे विशिष्ट तेल बनवू शकतो जे मुलांच्या केसांसाठी उपयुक्त ठरेल. तुम्हालाही कदाचित माहित असेलच की हे तूप, बदाम आणि ऑलिव्ह ऑइल हे तिन्ही पदार्थ केसांच्या वाढीसाठी आणि सक्षमीकरणासाठी फायद्याचे मानले जातात. बाजारात उपलब्ध असणाऱ्या अनेक उत्पादनांमध्ये सुद्धा याच गोष्टींचा समावेश मोठ्या प्रमाणावर केला जातो.

(वाचा :- मुलांना जडलेलं फोन किंवा टिव्हीचं व्यसन सोडवण्यासाठी चक्क बालरोगतज्ज्ञच सांगतायत साधेसोपे उपाय!)

तेल बनवण्याची कृती

सर्व साहित्य जमा झाल्यावर तुम्ही तेल बनवण्यास सुरुवात करू शकता. सर्वप्रथम एक भांडे घ्यावे. ते गॅस वर ठेवावे. त्यात नंतर तूप टाकावे आणि ते वितळू द्यावे. एकदा का तूप विरघळले कि त्यात कडू बदाम टाकावे. मंद आचेवर हे बदाम भाजून घ्यावे. तुम्हाला हे बदाम तोवर भाजायचे आहेत जोवर ते काळे होत नाहीत. दोन्ही बाजूंनी बदाम काळे होऊ द्या. या प्रक्रीयेसाठी 10-15 मिनिटांचा कालावधी जाऊ शकतो. अशाप्रकारे आपण साहित्यकृतीचा अर्धा टप्पा पूर्ण करतो.

(वाचा :- मुलांची रोगप्रतिकारक शक्ती वाढवण्यासाठी असे बनवा हेल्दी व टेस्टी ओट्सचे लाडू!)

पुढील कृती

बदाम भाजून झाल्यावर गॅस बंद करा. काही वेळ हे मिश्रण थंड होण्यासाठी सोडून द्या. मिश्रण थंड झाल्यावर त्यातील बदाम काढून घ्या. आता एक डब्बा घेऊन त्यात हे मिश्रण टाका आणि मग त्या मागोमाग ओलिव्ह ऑईलचे तेल देखील टाका व चांगल्या प्रकारे ढवळून घ्या. अशाप्रकारे तयार झाले आहे तुमचे स्पेशल तेल जे तुमच्या बाळाच्या केसांसाठी अत्यंत उपयुक्त कामगिरी बजावेल.

(वाचा :- वायू प्रदूषणामुळे लहान मुलांच्या फुफ्फुसांचं होतंय खूप नुकसान, घ्या ‘ही’ काळजी!)

काय आहे कमी जास्त केसांचे कारण?

या मागचे मुख्य कारण आहे जेनेटिक्स अर्थात अनुवंशिकता! आई आणि वडिलांच्या डीएनए वरून हे ठरते की बाळाच्या डोक्यावर कोणत्या प्रकारचे आणि किती प्रमाणात केस येणार. शिवाय त्या केसांची जडणघडण, रंग, रचना सारं काही सुद्धा आई वडिलांच्याच डीएनए वर अवलंबून असते. या व्यतिरिक्त केसांच्या दाट आणि विरळ प्रमाणाला हार्मोन्स सुद्धा कारणीभूत असतात. ते सुद्धा या फरकामध्ये महत्त्वपूर्ण भूमिका बजावतात. त्यामुळे जर तुमच्या बाळाच्या डोक्यावर कमी किंवा वेगळे केस आले तर त्याचे टेन्शन घेण्याची गरज नाही वा नाराज होण्याची गरज नाही. कारण ही गोष्ट पूर्णपणे सामान्य आहे.

(वाचा :- हिवाळ्यात मुलांना हेल्दी ठेवायचंय? वापरा सेलिब्रेटी डाएटिशियन ऋजुता दिवेकरच्या ‘या’ खास टिप्स!)

या स्पेशल तेलाचे फायदे काय काय आहेत?

या स्पेशल तेलामधील ओलिव्ह ऑईल हे फॉलीकल्स पर्यंतचा रक्त प्रवाह सुधारण्यास मदत करते. यामुळे केस मुळांपासून अगदी मजबूत आणि मोठे होतात. ओलिव्ह ऑईल स्कॅल्पला मॉइश्चराइज करून ड्रँडफ पासून संरक्षण देते. बदामा मध्ये मॅग्नेशियम आणि अन्य पोषक तत्व मोठ्या प्रमाणावर असतात. जे केसांच्या वाढीसाठी अत्यंत उपयुक्त असतात. बदाम तेलामुळे केस गळतीची समस्या मोठ्या प्रमाणावर कमी होते असे दिसून आले आहे. त्यामुळेच बदामाचे तेल केसांसाठी अत्यंत चांगले ठरते. तर मंडळी नक्की हे तेल घरी करून पहा आणि आपल्या मुलांवर या तेलाच काही दिवस प्रयोग करा. तुम्हाला नक्की फरक जाणवेल.

(वाचा :- ऐन करोनामध्ये आपल्या मुलांचा नाताळ सण असा बनवा खास!)


Source link

You may also like...

Leave a Reply

Your email address will not be published. Required fields are marked *