मुलांना कोणत्या वयात व कशा पद्धतीने खाऊ घालावेत कांद्याचे पदार्थ?

Spread the love

बाळाला कधी खाऊ घालावा कांदा

आपण आताच पाहिलं की बाळाचा ठोस आहार हा 6 महिन्यांनी सुरु होतो. पण अनेक जाणकारांचे म्हणणे आहे की बाळाला लगेच 6 महिन्यांनी कांदा खाऊ घालू नये. कारण कांद्याची चव हि अत्यंत तीव्र असते आणि बाळाला त्या चवीचा त्रास होऊ शकतो. मात्र अमेरिकन अकेडमी ऑफ पीडियाट्रिक्‍स यांच्या म्हणण्यानुसार या बाबतीत जास्त तथ्य नाही. तुम्ही चवी मध्ये बदल करून, तीव्रता कमी करून बाळाला कांदा खाऊ घालू शकता. त्यामुळे बाळ 6 महिन्याचे झाले की त्याला कमीत कमी कांद्याचा वापर करून बनवलेला आहार एकदा भरवून पहा.

(वाचा :- मुलांना हेल्दी सवयी कशा लावाव्यात याविषयी ऋजूता दिवेकरने दिला सल्ला!)

अस्थामावर कांदा आहे गुणकारी

कांदा हा अँटीऑक्सीडेंट्स सारखा काम करतो आणि यात ते सर्व पोषक तत्वे आढळतात जे अनेक प्रकारच्या आजारांपासून लढण्यासाठी मदत करतात. जर बाळाला अस्थमा असेल तर तुम्ही आवर्जुन त्याला कांदा खाऊ घालायला हवा. कांद्यामध्ये अँटी इंफ्लामेट्री गुण असतात जे अस्थामाची लक्षणे कमी करू शकतात. म्हणून जर तुमच्या बाळामध्ये अस्थमाची लक्षणे असतील तर नक्कीच तुम्ही कांद्याचा वापर करून पाहायला हवा. यामुळे फरक नक्कीच दिसेल.

(वाचा :- हिवाळ्यात मुलांना चुकूनही देऊ नका ‘हे’ पदार्थ, नाहीतर येईल पश्चातापाची वेळ!)

बाळाला कांदा खाऊ घालण्याचे इतर फायदे

कांदा हृदयाला निरोगी ठेवतो आणि पुढे जाऊन कोलेस्टेरॉलचा स्तर सुद्धा कमी करतो. कांद्यामध्ये व्हिटॅमिन सी असते आणि त्यामुळे विषाणू संक्रमणापासून शरीराला सुरक्षा मिळते. यामुळे बाळाची रोगप्रतिकारक शक्ती मजबूत होते. कांदा खाल्ल्याने बाळाच्या शरीराची लोह अवशोषण क्षमता देखील मोठ्या प्रमाणावर वाढते. कांद्यामध्ये पॉलीफेनोल्‍स जास्त प्रमाणात असते. कांदा हा बाळांमध्ये सहसा आढळणाऱ्या वाहत्या नाकाच्या समस्येवर सुद्धा रामबाण ठरतो.

(वाचा :- मुलांसाठी घरच्या घरी बनवा ‘या’ ५ प्रकारच्या हेल्दी व टेस्टी खिचडी!)

कोलिक बेबीसाठी कांद्याचे पाणी

असे म्हणतात की कांद्याचे पाणी वा कांद्याचा रस हा कोलीक बेबीसाठी खूप उपयुक्त असून त्यामुळे बाळाला आराम मिळतो. मात्र याचा अजून तरी कोणता वैज्ञानिक पुरावा समोर आलेला नाही, जो दर्शवेल की कांद्याचा रस प्यायल्याने पोटदुखी कमी होते. एक वर्षापेक्षा कमी वयाच्या बाळाला दूध वा फॉर्म्युला मिल्कच्या व्यतिरिक्त अजून कोणतेच द्रव्य देऊ नये. त्याममुळे जर तुम्ही पोटदुखीच्या समस्येवर बाळाला कांद्याचा रस पाजत असाल तर त्या आधी आवर्जून एकदा डॉक्टरांचा सल्ला घ्या.

(वाचा :- ‘या’ वयाआधी लहान मुलांना आहारात चुकूनही देऊ नयेत ब्रेड!)

या गोष्टींची घ्या काळजी

बाळाच्या आहारात कांद्याचा वापर करताना ही गोष्ट नेहमी लक्षात ठेवा की कांद्याची बाहेरील पात ही खूप आरोग्यदायी असते. म्हणून केवळ कांद्याची केवळ वरची साल काढून घ्यावी कांदा कापण्याआधी पहिले 30 मिनिट फ्रीजर मध्ये ठेवा. कांदा पूर्णपणे कापून घ्या. पण कांद्याचे मूळ हे सर्वात शेवटी कापा कारण त्यातूनच सर्वाधिक गॅस बाहेर पडतो. बाळाच्या आहारात कांद्याचा वापर करताना अजुन एक गोष्ट लक्षात ठेवावी ती म्हणजे मंद आचेवर ऑलिव्ह ऑईल किंवा व्हेजिटेबल ऑईल मध्ये कांदा खरपूस भाजून घ्या.

(वाचा :- बाळाला कोणत्या वयापासून पाजावं बाटलीने दूध? जेणे करुन पोषक तत्वांशी करावी लागणार नाही तडजोड!)


Source link

You may also like...

Leave a Reply

Your email address will not be published. Required fields are marked *