मुलांना प्लास्टिकच्या भांड्यात खाऊ घालताय जेवण? मग आरोग्यास होतील ‘हे’ दुष्परिणाम!

Spread the love

बाळाला कोणता आहार खायला द्यावा या सोबतच बाळाला आहार कोणत्या भांड्यातून खायला द्यावा हा प्रश्न सुद्धा महत्त्वाचा आहे. मात्र आपल्याकडे याबाबत जास्त जागृती नसल्याने या गोष्टीकडे अनेकदा कानाडोळा केला जातो आणि बाळाला सर्रास प्लास्टिकच्या भांड्यातूनच आहार भरवला जातो. पण बाळाला प्लास्टिकच्या भांड्यातून आहार भरवणे खरंच लाभदायी असते का? बाळाला प्लास्टिकच्या भांड्यातून खाऊ घातले तर त्यामुळे काही समस्या उद्भवत नाही ना?

तर त्याचे उत्तर आहे. बाळाला प्लास्टिकच्या भांड्यातून आहार अजिबात भरवू नये. यामुळे अनेक दुष्परिणाम बळावर होऊ शकतात. तुम्हाला याबद्दल काहीच माहित नाही म्हणता? चला तर आज आपण या लेखातून जाणून घेऊया की बाळाला प्लास्टिकच्या भांड्यातून (side effects of eating plastic utensils) आहार भरवू नये, यामुळे बाळावर कोणते परिणाम होतात.

प्लास्टिकचा मोठा वापर

सध्याच्या युगात प्लास्टिकचा किती प्रमाणात वापर होतो हे तुम्हाला वेगळ्याने सांगायला नको. पूर्वीच्या काळी धातूंच्या भांड्यातून जेवण जेवण्याची प्रथा होतो. पण काळ बदलला तशी पद्धती बदलली आणि लोकांनी प्लास्टिकला जवळ केले. आता शाळेतला डब्बा ते ऑफिस मधला टिफीन हा बहुतांश प्लास्टिकचाच असतो. पण या पद्धतीचे दुष्परिणाम ओळखून ही पद्धत लवकरात लवकर मोडायला हवी. कारण प्लास्टिकच्या भांड्यातून अन्न खाणे ही पद्धती वाईट असल्याचे अनेक संशोधनांमधून सुद्धा सिद्ध झाले आहे. त्यमुळे वेळीच याचे दुष्परिणाम ओळखून आपण आहाराशी निगडीत प्लास्टिकचा वापर कमी करायला हवा.

(वाचा :- मुलांच्या मोबाईल व कम्प्युटर ‘स्क्रीन टाइम’चा समतोल साधण्यासाठी साध्यासोप्या टिप्स!)

प्लास्टिकची भांडी का वापरू नयेत?

आता आपण जाणून घेऊया प्लास्टिकची भांडी का वापरू नयेत. तुम्ही जेवढी पण भांडी वापरता ती बीपीए फ्री असणे गरजेचे आहे. प्लास्टिक जास्त काळ टिकून राहावे म्हणून त्यात बीपीए नावाचे तत्व मिसळले जाते. जेव्हा आपण प्लास्टिकच्या भांड्यातून भोजन करतो तेव्हा हे बीपीए तत्व आपल्या आहारासोबत आपल्या पोटात जाते. बीपीए हे अतिघातक तत्व नसले तरी त्यामुळे अनेक शारीरिक व्याधींना आमंत्रण मिळते. शरीरात बीपीएची मात्रा वाढल्यास हार्मोनल असंतुलन, वजन वाढणे, आणि पुढे जाऊन कर्करोगाचा धोका सुद्धा निर्माण होतो. या उलट धातूंची भांडी बीपीए फ्री असतात. उदाहरणार्थ चांदीची भांडी निर्माण करताना मात्र त्यात कोणत्याही प्रकारचे असे घातक तत्व मिसळले जात नाही आणि म्हणूनच चांदीच्या भांड्यातून भोजन करण्याचा सल्ला दिला जातो.

(वाचा :- ब्रेस्ट मिल्क कमी असल्याने बाळाची भूक भागत नाही? जाणून घ्या ५ सामान्य कारणे व उपाय!)

प्लास्टिक कसे पोहोचवते नुकसान?

प्लास्टिकची भांडी वरून जोरात घासल्याने किंवा गरम केल्याने त्यांच्या वरचे आवरण उतरत जाते. यामूळ भांडी लवकर खराब देखील होत जातात. त्यामुळेच तुम्ही या ऐवजी धातूंची भांडी वापरली तर उत्तमच! जास्त वेळ प्लास्टिक मध्ये खाणे ठेवल्याने कॅन्सर होण्याचा धोका उद्भवू शकतो असे अनेक संशोधनातून सिद्ध झाले आहे. त्यामुळे ना प्लास्टिकच्या भांड्यात खाण्याचा कोणता पदार्थ स्टोर करावा, ना त्यातून बाळाला आहार भरवावा, ना मुलाला त्यातून शाळेचा डब्बा द्यावा. याबाबतीत पालक जेवढी सजगता बाळगतील तेवढे बाळ सुरक्षित राहील.

(वाचा :- चारचौघात मुलांवर हात उगारताय? मग थांबा, नाहीतर मुलांवर होतील ‘हे’ वाईट परिणाम!)

चांदीच्या भांड्याचा वापर करावा

आपल्या संस्कृतीमध्ये प्राचीन काळापासून सांगण्यात येत आहे की चांदी हा धातू बाळासाठी अजिबात विषारी नाही. यामुळे बाळात पुढे जाऊन प्रजनन तंत्र आणि नसां संबंधित कोणतेच आजार उद्भवत नाही. इतर धातू वा प्लास्टिक मध्ये असणारे घटक तत्व शरीराला नुकसान पोहचवू शकतात. म्हणून शक्य झाल्यास बाळाला चांदीच्या भांडयातूनच आहार भरवावा. तुम्ही अनेक घरात बाळासाठी खास वेगळ्या चांदीच्या भांडयाचा वापर होताना पहिला असेल त्याचे कारण हेच आहे की त्या भांडयाचे महत्त्व त्यांना कळलेले असते. तर आता तुम्हालाही महत्त्व कळले आहे तर आवर्जून चांदीच्या भांड्याचा वापर करायला सुरुवात करा.

(वाचा :- अयोग्य बेबी प्रोडक्ट्समुळे मुलांचं होऊ शकतं नुकसान, कशी व काय काळजी घ्यावी?)

अन्नाची गुणवत्ता वाढते

अन्नपदार्थ प्लास्टिक किंवा अन्य कोणत्याही धातूंच्या भांड्यात ठेवले तर त्यातील घातक तत्व काळानुसार त्या आहारात मिसळले जातात. जर तुम्ही जास्त वेळ बेबी फूड साठवून ठेवू पाहत असाल तर ते सहसा चांदीच्या भांड्यातच ठेवावे. कारण चांदीच्या भांड्यात विषाणू आणि जंतू नष्ट करण्याची क्षमता असते आणि त्यामुळे अन्नपदार्थ खराब सुद्धा होत नाहीत. म्हणूनच अनेक घरात जास्त वेळ जेवण ताजे राहावे म्हणून ते चांदीच्या भांड्यातच ठेवले जाते. चांदीच्या भांड्यात ठेवलेले पाणी आपली तहान सुद्धा लवकर भागवते आणि या पाण्याला एक वेगळी चव सुद्धा असते.

(वाचा :- मुलांना दिवसभर ठेवायचं आहे एनर्जेटिक? मग खाऊ घाला ‘ही’ खास डिश!)


Source link

You may also like...

Leave a Reply

Your email address will not be published. Required fields are marked *