मेटॅलिक लुक ठरतोय हिट! तरुणींमध्ये ‘या’ पॅटर्नची का आहे इतकी क्रेझ

Spread the love

तेजल निकाळजे, साठये कॉलेज
फॅशन आणि कपड्यांची पारख असणारे मेटॅलिक रंगांच्या पोषाखाकडे आकर्षित होण्यापासून स्वतःला रोखू शकत नाहीत. पूर्वी केवळ रॅम्पवॉक किंवा फॅशन शोमध्ये दिसणारी मेटॅलिक फॅशन आता तरुणींच्या कपाटात दिसत आहे. सामान्य लुकपासून ते पार्टीवेअर आऊटफिट्सपर्यंत मेटॅलिक पॅटर्नच्या फॅशनला पसंती दिली जात आहे.

० कपड्यांना पसंती
मेटॅलिक रंगाच्या छटा असणारे भरपूर प्रकारचे कपडे बाजारात सहजरित्या उपलब्ध होतात. मेटॅलिक पेटर्नचे कपडे तरुणींनाच नाही तर तरुणांना देखील तितकेच आकर्षित करतात. खालील कपड्यांमध्ये सध्या मेटॅलिक पॅटर्नची प्रचंड क्रेझ आहे.
– टी-शर्ट, मिडी ड्रेस, गाऊन, मिनी स्कर्ट्स, जम्पसूट्स, लाँग स्कर्ट, प्लेटेड स्कर्ट, कॅमी टॉप्स, टँक टॉप्स, शॉर्ट पँट्स, फिरत्या रंगाची छटा असणारे मेश टॉप्स, शर्ट टँक टॉप, फ्रिंज टॉप्स, रिब टॉप्स, झिपर, श्रग किंवा जॅकेट, पफर जॅकेट, बॉम्बर जॅकेट.

० पर्स-बॅग्स आणतील लूक
आऊटफिटवर मॅचिंग किंवा आकर्षक रंगसंगतीच्या बॅग्स किंवा क्लच घेतल्यानं लूकमध्ये आणखी भर पडते. मेटॅलिक पॅटर्नमध्ये भूमितीय आकार असणाऱ्या बॅग्सना विशेष मागणी आहे. सोनेरी, चंदेरी आणि अनेक रंगांमध्ये उपलब्ध असल्यानं अशा बॅग्सची क्रेझ जास्त आहे. लहान मुलांसाठी देखील मेटॅलिक बॅग्सच्या असंख्य डिझाइन्स उपलब्ध आहेत. खालील पॅटर्नच्या पर्स आणि बॅग्समध्ये मेटॅलिक रंगांची चलती आहे.
– क्लच, टोट, हँड, शोल्डर, पोटली, मेटॅलिक, वेस्ट बॅग्स, मोबाइल पाऊच.
(चोकर्सची चलती! ट्रेंडनुसार निवडा स्टायलिश नेकलेस)

० अ‍ॅक्सेसरीज ठरतील सुपरहिट

मेटॅलिक पॅटर्न सौंदर्यात एक वेगळीच भर घालतं. अ‍ॅक्सेसरीजमध्ये सध्या मेटॅलिक ट्रेंड हिट ठरतोय. या पॅटर्नच्या अ‍ॅक्सेसरीज लूक वाढवण्यासोबतच सर्वांचं लक्षही वेधून घेतात. खालील अ‍ॅक्सेसरीजमधील मेटॅलिक पॅटर्न तुमच्या लुकला चार चांद लावतील.
– हेअरबँड, चोकर, बो, वॉच बेल्ट, हेअर क्लिप्स, मेटॅलिक सस्पेंडर्स.


० स्टायलिश बूट
नवीन आणि हट के लूक करायचा असेल तर मेटॅलिक शूज तुमची नक्कीच मदत करतील. या पॅटर्नमध्ये बाजारात असंख्य प्रकार उपलब्ध आहेत. मेटॅलिक शूजमधील होलोग्राफीक, रेन्बो मेटॅलिक, एक्लिप्स या पॅटर्नची तरुणांमध्ये विशेष आवड पाहायला मिळते.
– स्निकर्स, ओपन टो सँडल्स, फ्लॅट, ब्लॉक हिल्स, अँकल शूज, मोजरी, कोल्हापुरी चप्पल, फ्लिप-फ्लॉप सँडल्स.
(Flower Print Fashion फुलाफुलांची फॅशन जोमात)

० साड्यांची चर्चा

मेटॅलिक पॅटर्नच्या कपड्यांमध्ये साड्या आणि ब्लाउज देखील मागे पडले नाहीत. या प्रकारच्या साड्यांचा पार्टीवेअर लूकसाठी स्टायलिंगमध्ये समावेश केला जातोय. विशेषतः सॅटिन सिल्क आणि जाळीच्या साड्यांवर मेटॅलिक रंग खुलून दिसतात. महिलांचं मेटॅलिक रंगांच्या साड्यांकडे कल वाढत चालला आहे. यासोबतच स्टेटमेंट ब्लॉउजमध्येसुद्धा मेटॅलिक पॅटर्नची चलती आहे.

० नेल पेंटची क्रेझ
स्टायलिस्ट दिसण्यासाठी पेहरावाला साजेशी नेल पॉलिश लावली जाते. सध्या नेल पॉलिशमध्येही मेटॅलिक रंग पाहायला मिळत आहेत. मेटॅलिक रंगाच्या नेल आर्टची तरुणींमध्ये प्रचंड क्रेझ आहे. मेटॅलिक नेल पॉलिशमुळे नखांना अगदी आरशासारखा लूक येतो. मेटॅलिक सोबतच सोबतच मल्टी क्रोम रंगांच्या नेल पॉलिशसुद्धा ट्रेंडमध्ये आहेत.
(तुम्हाला स्टायलिश बॅग वापरायला आवडतात का? जाणून घ्या हे पाच प्रकार)

टिप्स

– मेटॅलिक पॅटर्नच्या कपड्यांना ठरावीक गोष्टी ध्यानात ठेवून परिधान केल्यास आणखी शोभून दिसेल.
– गडद मेटॅलिक रंग बऱ्याच जणांना आवडत नाही अशावेळी शिमर पॅटर्नचा उत्तम पर्याय आहे.
– मेटॅलिक रंगांना परिधान करताना दोन वेगवेगळे रंग एकत्र घालणं टाळा. (उदा. सोनेरी रंगाचं जॅकेट आणि चंदेरी रंगाचे बूट)
– गडद मेटॅलिक रंगाचे कपडे दुपारच्या उन्हात घालू नयेत, चमकणाऱ्या रंगामुळे डोळ्यांना त्रास जाणवू शकतो.
– बाजारात मेटॅलिक रंगाचे स्प्रे आणि फॅब्रिक रंग उपलब्ध असतात. त्यांच्या मदतीनं तुम्ही घरच्या घरी जुन्या बुटांना आणि कपड्यांना नवा लूक देऊ शकता.




Source link

You may also like...

Leave a Reply

Your email address will not be published. Required fields are marked *