मैं अपनी फेवरेट हूं! २०२० मधील करीना कपूरचे पाच सुपर स्टायलिश लुक

Spread the love

बॉक्स ऑफिससाठी २०२० हे वर्ष कितीही वाईट ठरलं असलं तरीही बॉलिवूडकरांची एकापेक्षा एक हटके स्टाइल त्यांच्या चाहत्यांना पाहायला मिळालीच. लॉकडाउनदरम्यानही बॉलिवूडमधील काही अभिनेत्रींनी आपल्या फॅशनेबल लुकने सिनेरसिकांना घायाळ केलं. पण या सेलिब्रिटींमध्ये बॉलिवूडची बेबो म्हणजेच करीना कपूर-खानची (Kareena Kapoor) स्टाइल सर्वाधिक चर्चेत होती. वर्षाच्या सुरुवातीपासून ते आतापर्यंत करीनाच्या वॉर्डरोबमधील शानदार आउटफिटचे कलेक्शन पाहायला मिळालं.

‘मैं अपनी फेवरेट हूं’ हा डायलॉग करीना कपूर-खानसाठी एकदम परफेक्ट आहे. रेड कार्पेट लुक असो किंवा मॅटर्निटी फॅशन; या अभिनेत्रीची स्टाइल नेहमीच अप्रतिम असते. साडीपासून ते लेहंग्यापर्यंत; वर्षाच्या सुरुवातीला करीनाचे पारंपरिक वेशभूषेमधील सुंदर-सुंदर फोटो सोशल मीडियावर व्हायरल झाले होते. तसंच प्रेग्नेंसीच्या काळात तिने आपल्या वॉर्डरोबमध्ये डिझाइनर कफ्तान ड्रेससह अन्य आकर्षक कपड्यांचा समावेश केल्याचं दिसलं. चला तर पाहुया २०२० मधील करीनाच्या पाच बेस्ट स्टायलिश लुकमधील फोटो…

पिवळ्या रंगाची साडी

फॅशनेबल ड्रेस, डिझाइनर बॅगपासून ते स्टेटमेंट ज्वेलरी कॅरी करणं; करीना कपूरला भरपूर आवडतं. अरमान जैन आणि अनीशा मल्होत्राच्या लग्नामध्येही करीनाचा असाच काहीसा अवतार चाहत्यांना पाहायला मिळाला. या कार्यक्रमासाठी करीना कपूरने पिवळ्या रंगाची सुंदर साडी नेसली होती. बेबोची ही साडी NIKASHA फॅशन लेबलने डिझाइन केली होती. यावर हाताने एम्ब्रॉयडरी करण्यात आली होती. या साडीवर तिनं आकर्षक डिझाइनचे ब्लाउज परिधान केलं होतं. या स्टायलिश लुकसाठी तिनं सुंदर डँगलर्स, बांगड्या मॅच केल्या होत्या.

(करीना कपूरच्या स्टायलिश अवतारावर भारी पडला मीरा राजपूतचा मोहक लुक)

​चंदेरी रंगाचा लेहंगा

करीना कपूर – खाननं अरमान जैन आणि अनीशा मल्होत्राच्या वेडिंग रिसेप्शनसाठी मनीष मल्होत्राने डिझाइन केलेल्या सुंदर लेहंग्याची निवड केली होती. या चंदेरी रंगाच्या लेहंग्यावर सुंदर एम्ब्रॉयडरीसह मिरर वर्क देखील करण्यात आलं होते. घेर असणाऱ्या या लेहंग्यावर करीनाने सीक्विन दुपट्टा कॅरी केला होता. या आउटफिटमध्ये करीना मोहक व सुंदर दिसत होती.

(करीना कपूरच्या स्टायलिश लुकवर भारी पडली सारा अली खानची ‘ही’ फॅशन)

​अ‍ॅनिमल प्रिंट ब्लेझर

वर्षांच्या सुरुवातीस करीनाने पती सैफ अली खानसह एका कार्यक्रमामध्ये उपस्थिती दर्शवली होती. या कार्यक्रमासाठी करीनाने काळ्या आणि पांढऱ्या रंगाचे आउटफिट परिधान केलं होतं. यामध्ये काळ्या रंगाचे Bandeau टॉप, अ‍ॅनिमल प्रिंट ब्लेझर आणि फ्लेअर्ड पँटचा समावेश होता. तिचे हे आउटफिट वेलवेट फॅब्रिकचे होते. या क्लासिक लुकसाठी बेबोने परफेक्ट मेकअप केला होता.

(करीना कपूरला ‘या’ ग्लॅमरस लुकवरून नेटकऱ्यांनी केलं होतं ट्रोल, म्हणाले…)

​गुलाबी रंगाचा कफ्तान ड्रेस

दुसऱ्या प्रेग्नेंसीची घोषणा केल्यानंतर चाहत्यांना करीनाची पहिली झलक पती सैफ अली खानच्या वाढदिवशी पाहायला मिळाली. सैफच्या वाढदिवशी बेबोनं प्रसिद्ध डिझाइनर Rajdeep Ranawatने डिझाइन केलेला गुलाबी रंगाचा कफ्तान ड्रेस परिधान केला होता. सिल्क फ्रॅबिकच्या या ड्रेसवर आकर्षक प्रिंटसह लाइनिंग पॅटर्न आपण पाहू शकता. बेल्टमुळे ड्रेसला प्लीट्स लुक मिळालाय. या लुकसाठी करीनानं लाइट टोन मेकअप करण्यावर भर दिला होता. स्टेटमेंट ईअररिंग्स आणि टाइट स्लीक बन हेअर स्टाइलमध्ये ही अभिनेत्री सुंदर दिसत होती.

(करीना कपूरचा ड्रेस तर सारा अली खानचा कुर्ता, या अभिनेत्रींच्याही स्टाइलची नुसती चर्चा)

​क्रोकेट जॅकेट सेट

काही दिवसांपूर्वी आपल्या मैत्रिणींसह करीना एका पार्टीमध्ये सहभागी झाली होती. या पार्टीसाठी तिनं दिल्लीतील फॅशन डिझाइनर राजदीप राणावतने डिझाइन केलेल्या शिबुया सिल्क ड्रेप्ड क्रोकेट जॅकेट सेटची निवड केली होती. या आउटफिटमध्ये सुंदर पॅचवर्क असणाऱ्या जॅकेट आणि पलाझो पँटचा समावेश होता. या लुकसाठी बेबोने लाइट टोन मेकअप आणि गळ्यामध्ये कॉपर शेडचे नेकलेस घातलं होतं.

(ग्लॅमरस नव्हे यावेळेस करीना कपूर क्युट अवतारात दिसली, मॅटर्निटी फॅशन पुन्हा चर्चेत)


Source link

You may also like...

Leave a Reply

Your email address will not be published. Required fields are marked *