मॉडेल्सची त्वचा मेकअपशिवाय कशी दिसते इतकी नितळ? जाणून घ्या त्यांचे १० मोठे ब्युटी सीक्रेट

Spread the love

आपलीही त्वचा नितळ, चमकदार आणि डागविरहित असावी, अशी प्रत्येकाचीच इच्छा असते. त्वचा सतेज दिसावी, यासाठी कित्येक उपायही केले जातात. मॉडेल, अभिनेत्रींची त्वचा इतकी परफेक्ट कशी असते? त्या चेहऱ्याची देखभाल करताना नेमकी कोणती काळजी घेतात? वगैरे – वगैरे… असे बरेच प्रश्न तुमच्याही मनात अनेकदा डोकावले असतीलच. त्वचा नितळ आणि सतेज दिसण्यासाठी मॉडेल्स काही – न् – काही उपाय करत असतात. चेहऱ्याची योग्य पद्धतीने काळजी घेत असतात. मॉडेल्सचे टॉप १० ब्युटी सीक्रेट आपण जाणून घेऊया.
(Ice Cubes For Face जाणून घ्या हळद-दुधाच्या आइस क्युबने चेहऱ्यावर मसाज करण्याची पद्धत)

योजना आखून त्याचे पालन करतात

फॅशन शो असो किंवा नसो, परंतु मॉडेल्सना वर्षभर आपला लुक मेंटेन ठेवावा लागतो. फॅशन वीकमध्ये सहभागी होण्यासाठी मॉडेल्सची कित्येक महिन्यांपूर्वीपासूनच तयारी सुरू असते. यामध्ये त्वचेची काळजी घेण्यापासून ते खाण्यापिण्याच्या सवयीकडेही योग्य ते लक्ष द्यावे लागते.

​त्वचेची घेतात काळजी

आपल्याला नेमके कोणते आउटफिट परिधान करावे लागणार आहे, याची माहिती मॉडेल्सना नसते. यामुळे त्यांना आपल्या चेहऱ्यासह संपूर्ण शरीराच्या त्वचेची काळजी घेणे गरजेचं असते. त्यांच्या स्किन केअर प्रक्रियेमध्ये मेकअपपासून अन्य बऱ्याच गोष्टींचा समावेश असतो.

(Natural Hair Care दही आणि केळ्यापासून घरामध्ये कशी तयार करायची हेअर स्पा क्रीम? जाणून घ्या माहिती)

​डर्मेटोलॉजिस्टचा सल्ला

मॉडेल्स आपल्या त्वचेसाठी सातत्याने मेकअप आणि अन्य सौंदर्यप्रसाधनांचा वापर करत असतात. यामुळे त्यांना डर्मेटोलॉजिस्टच्या संपर्कात राहावे लागते. मॉडेल्ससाठी त्यांची त्वचा अतिशय महत्त्वाची असते, अशा परिस्थिती डर्मेटोलॉजिस्ट मदत घेणे आवश्यक आहे. त्वचेला आराम देण्यासाठी कित्येक लोशन आणि तेलांचाही वापर केला जातो.

(Aloe Vera घरच्या घरी कसे तयार करायचे शुद्ध अ‍ॅलोव्हेरा जेल? जाणून घ्या पद्धत)

​अनेक प्रकारचे फेशिअल

मॉडेल्सचे आयुष्य त्यांच्या कामांमुळे अतिशय व्यस्त स्वरुपाचे असते. बहुतेकदा त्यांना खाण्यापिण्यासाठीही वेळ मिळत नाही. अशा परिस्थितीत त्वचेसाठी काही ट्रीटमेंट्स करणे त्यांच्यासाठी गरजेचं असते. उदाहरणार्थ त्वचा निरोगी राहण्यास उपयुक्त असलेले फळांचे सेवन, इत्यादी. कित्येक मॉडेल्स थकवा दूर करण्यासाठी मॉडेल हीलिंग एलईडी लाइटचा आधार घेतात. यामध्ये बॅक्टेरिया नष्ट करण्यासाठी ऑक्सिजनचा (Spray) पुरवठा केला जातो.

(Natural Skin Care मुरुमांच्या डागांमुळे त्रस्त आहात? जाणून घ्या हळद, मध व कोरफड फेस पॅकची माहिती)

​चेहरा स्वच्छ धुणे

चेहरा आकर्षक दिसण्यासाठी मॉडेल्स तज्ज्ञांनी दिलेल्या सल्ल्यानुसार आपली त्वचा स्वच्छ ठेवत असतात. चेहरा धुताना काही नियमांचं पालन केलं जाते. चेहऱ्याला वारंवार स्पर्श करणं टाळलं जाते. मेकअपमुळे चेहऱ्याचे नुकसान होऊ नये, यासाठी मॉडेल दिवसातून दोन ते तीन वेळा चेहरा स्वच्छ धुतात.

(Aishwarya Rai Bachchan मिस वर्ल्ड ऐश्वर्या रायचं ब्युटी सीक्रेट माहीत आहे का?)

​चेहऱ्याला देतात आराम

मेकअपमुळे चेहऱ्याचे नुकसान होण्याचीही शक्यता असते. यासाठी कित्येक मॉडेल्स आपल्या चेहऱ्याला आराम देण्यासाठी गरम पाण्याचा वापर करतात. त्वचेला आराम देण्याच्या प्रक्रियेमध्ये चेहऱ्यावर मेकअप केला जात नाही.

(तुम्हालाही नाकातील केस कापण्याची सवय आहे का? ही माहिती नक्की जाणून घ्या)

सकाळच्या सुमारास बर्फ आणि काकडीचा वापर : कित्येक मॉडेल्स सकाळी उठल्यानंतर चेहऱ्यावरील थकवा दूर करण्यासाठी बर्फ आणि काकडीचा वापर करतात.

​जास्त मेकअप करायचा नसल्यास?

मेकअप करण्यासाठी वेळ नसल्यास किंवा मेकअप करण्याची इच्छा नसल्यास आपण केवळ गाल, नाक आणि ओठांवर हायलाईटरचा वापर करू शकता.

(Natural Skin Care त्वचेची काळजी घेताय ना? या १० गोष्टी लक्षात ठेवणं आहे आवश्यक)

मृत त्वचा काढण्यासाठी स्क्रब : मृत त्वचेची समस्या दूर करण्यासाठी कित्येक मॉडेल्स स्वतः तयार केलेल्या बॉडी स्क्रबचा वापर करतात. उदाहरणार्थ नारळाचे तेल आणि साखरेपासून तयार केलेले स्क्रब सर्वोत्तम पर्याय आहे.

चेहऱ्यासाठी ​ग्रीन टीचा वापर?

चेहरा चांगला दिसावा, यासाठी प्रसिद्ध मॉडेल्स बरेच उपाय करत असतात. यापैकी एक उपाय म्हणजे काही जणी चेहरा धुण्यासाठी ग्रीन टीचा वापर करतात. त्वचा मऊ होण्यासाठी टी ट्री ऑइलचा उपयोग केला जातो.

(Navratri 2020 नवरात्रौत्सव 2020 : उपवास करण्याचे सौंदर्यवर्धक व आरोग्यवर्धक लाभ)

NOTE त्वचेशी संबंधित कोणतेही उपाय करण्यापूर्वी सर्वप्रथम आपल्या ओळखीच्या डॉक्टरांचा सल्ला घ्यावा. दुसऱ्या व्यक्तींचे स्किन केअर रुटीन फॉलो करण्याची चूक करू नये, कारण प्रत्येकाच्या त्वचेचा प्रकार वेगळा असतो.

मेकअप कसा काढावा? पाहा संपूर्ण व्हिडीओ


Source link

You may also like...

Leave a Reply

Your email address will not be published. Required fields are marked *